Ndandililo 50-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ŵanyamwe mwasachile kumbanganyichisya indu yakusakala nambo Akunnungu ŵasachile indu yambone. Ŵasachile kuti ŵandu ŵajinji aŵeje ŵajumi nti yaitite lelo.

Nambo che Yusufu ŵaasalile, “Nkajogopanga! Ana uneji ndili pamalo pa Akunnungu?

Sambano nkajogopanga, tinampe yakulya mwanya pamo ni ŵanache ŵenu.” Nipele ŵaatulesye ntima ni kukunguluka nawo yambone.

‘Mwasalile che Yusufu kuti choonde ngummenda mwalechelesye achakulugwenu ileŵo yao ni igongomalo yose iŵantendele alakwe.’ Sambano choonde ntulechelesye ugongomalo utwantendele uwe ŵakutumichila wa Akunnungu ŵa Atati ŵenu.” Che Yusufu paŵapilikene yeleyo ŵatandite kulila.

Che Yusufu ŵaasalile achalongo achinjakwe wala kuti, “Uneji mandichile kuwa, nambo kusyene Akunnungu tachinkamusyanga ni kunjigalanga kuntyosya mu chilambo chi kunjausya mu chilambo chiŵannumbilile che Ibulahimu ni che Isaka ni che Yakubu kuti tachaapa.”

Che Yusufu ŵaalumbisye Ŵaisilaeli achitiji, “Nlumbile kuti lyele lyuŵa Akunnungu patachinlongosya ku chele chilambo cho, tinchijigala chiilu changu kutyochela akuno.”

Nipele, che Yusufu ŵawile ku misili kula ali ni yaka mia moja ni likumi. Ŵachipachile chiilu chakwe ntela kuti chikaola, ŵachiŵisile mu lisanduku ku Misili kula.