1
လံာ်ယၡါယၤ 55:8
Sgaw Karen Common Bible
KSWC
ယွၤစံးဝဲဒၣ်, “ယတၢ်ဆိကမိၣ်တဖၣ်တဒ်သိး သုတၢ်ဆိကမိၣ်တဖၣ်ဘၣ်. ဒီးယကျဲတဖၣ်လီၤဆီလိာ်အသးဒီးသုကျဲတဖၣ်လီၤ.
2
လံာ်ယၡါယၤ 55:9
အဂ့ၢ်ဒ်အံၤ, ဒ်မူခိၣ်မူကပိာ်လိၤထီန့ၢ်ဟီၣ်ခိၣ်အသိး, ယကျဲဒီးယတၢ်ဆိကမိၣ်တဖၣ်ထီန့ၢ်သုကျဲဒီး သုတၢ်ဆိကမိၣ်တဖၣ်စၢၢ်တလၢၢ်လီၤ.
3
လံာ်ယၡါယၤ 55:6
ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.
4
လံာ်ယၡါယၤ 55:7
မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.
5
လံာ်ယၡါယၤ 55:1
ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.
6
လံာ်ယၡါယၤ 55:10-11
ယကလုၢ်ကထါအံၤလီၤဂာ်ဒ်မူခိၣ်ဖီဒီးတၢ်စူၤထံလၢ အဟဲလီၤလၢမူခိၣ်အသိး, လၢကမၤဘၣ်စီၣ်ဟီၣ်ခိၣ်အဂီၢ်န့ၣ်လီၤ. အဝဲသ့ၣ်ဒုးမဲထီၣ်ဒိၣ်ထီၣ်တၢ်မုၢ်တၢ်ဘိတဖၣ် ဒီးဟ့ၣ်ထီၣ်တၢ်ချံလၢဖှံတၢ်အဂီၢ် ဒီးတၢ်အီၣ်လၢပှၤကအီၣ်ဘၣ်အီဘၣ်အဂီၢ်လီၤ. ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.
7
လံာ်ယၡါယၤ 55:12
သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.
8
လံာ်ယၡါယၤ 55:3
ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.