လံာ်ယၡါယၤ 41-ൽ നിന്നുള്ള പ്രശസ്ത ബൈബിൾ വചനങ്ങൾ

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

ယဟဲစိာ်သုလၢဟီၣ်ခိၣ်အကတၢၢ်တဖၣ်, ယကိးထီၣ်သုလၢအသနၢၣ်လၢအယံၤကတၢၢ်တဖၣ်ဒီးစံးဘၣ်သု, “သုမ့ၢ်ယခ့ယပှၤလီၤ. ယတညိကွံာ်သုဘၣ်. မ့မ့ၢ်ယဃုထၢသုလီၤ.”

ဒီးအဝဲသ့ၣ်ကလီၤမၢ်ကွံာ်လၢဟီၣ်ခိၣ်အမဲာ်ဖံးခိၣ်လီၤ.

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ. ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”