Iyohaichish 143-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Kunneiwano E koro omap-an-ramuhauge-i en nure wa en kore; Kuani E eyaikopashte ash ruwe ne gusu ne na: Ku apkash kuni ruhu en eramande wa en kore; E orun ku ramat ku yange ruwe ne gusu ne na.

Aa Ehoba, en epokba utara orowa no en ohaitare wa en kore: En nuina kuni ne E orun ku kokira ruwe ne na.

Aa Ehoba, E reihei rengap gusu en shiknure wa en kore: Aokai oupeka wa gusu yairamhekomo ambe wano en etaye wa en kore.

AA Ehoba ku ki inonno-itak nu wa en kore; ku koramkorope gusu ikokanu wa en koi e: Aokai oupeka wa son no en orun ese wa en kore.

Aa Ehoba tunashino en orun koese, ku ramat ramurai ruwe ne: En otta iteki E nanuhu nuina; Ikineipeka shui orun rap utara nei no ku an ruwe ne kusu ne na.

Fushko toho ku eshkarun; E ki ikip ku esanniyo; E tekehe ki ikip ku ramepakari ruwe ne.