Genesis 32-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aŋun uqallaktuq, “Atiġiŋaiġñiaġiñ Jacob. Suġuqatiqaŋarutin uvva God-mik suli iñugnik, aasii akimavlutin; tavraasii atiqaġniaqtutin Israel-mik.”

Aŋutim uqallautigaa, “Pilinŋa; uvluaqsiruq imma.” “Pilinniaŋitkikpiñ, aitchuŋaunnaŋa piḷḷuatautiksramnik,” Jacob-gum kiugaa.

aglaan ilaa uniktinŋaruq, kisiŋŋuqłuni. Tavraasii aŋun qaiŋaruq aasii suġuqatigiaqsivḷugu uvlaaġiaġataqtillugu.

Jacob uqallaktuq, “Qiñiŋagiga God tavruŋa, suli uvva iñuuvluŋasuli”; tavraasii atchiŋagaa taamna ini Peniel-mik.

Aŋun iḷitchuġikami akimaniaŋisilaamiñik, anaugaa Jacob sivyaaŋagun, aasii uniuqtiłługu.

“Kimik atiqaqpich?” aŋutim apiqsruġaa. “Jacob,” ilaata kiugaa.

Jacob uqallaktuq, “Uqallautiŋŋali ilvich atiġnik.” Aglaan ilaata kiugaa, “Summan iḷisimasukpiuŋ atiġa?” Tavraasii qaitchiŋagaa quviasaaġunmik Jacob tavrani.

Nalliummatiŋitchuŋa iluqaanun nakuuniġnun suli piŋitqataaŋiññiġnun maniraġnun uvamnun, kivgauruamun iliŋnun. Ikaaŋagiga Jordan sumik piqaŋił̣ł̣uŋa allaagun ayauppiaġiraġma, tavraasii uvva utiqtuŋa piqatigivlugich ukua malġuiguruat.

Paŋmamuaglaan kiŋuvaaŋisa Israel niġiḷaiñŋagaat niqaa mumiġum navyaaŋanun ataruam kuutchiñagmun, qanukkii tavruuna nukiŋagun Jacob anaurauŋavluni.

Tavraasii Jacob aŋaiyyuŋaruq, “God-auruatiin aappaalumnun Abraham-mun suli God-auruatin aapamnun Isaac-mun, tusaaŋŋa! Uqallautiŋagiŋma, Ataniiq, utiquvluŋa nanmiñiq nunagiramnun suli iḷamnun, suli ilvich sunapayaaq iluaġlugu itinniaġniŋagiñ uvamnun.

Annautiŋŋa, aŋaiyyuruŋa, aniqatimniñ Esau-miñ. Iqsiruŋa—sivuuġaruŋa qaiñasugalugu suksraunġiġiaġluta iluqata, aġnallu miqłiqtullu.