Ninge 91-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Iau ni tange tano Watong, “Augu no nugu subaan na munmun ma no nugu ut na harbalaurai. Augu no nugu God. Iau so no nugu nurnuruan taam.”

Sige i la kiskis barahit ta Nong i Naliu Harsakit na sangeh mah narako tano ududuh tano Watong Nong i Dadas Harsakit.

Na tataau tupas iau ma iau ni taram ie. Iau ni kis tika mei ta ira tinirih. Iau ni halangalangai ma ni hatamat no hinsana.

Kanong warah, God na tule ira uno angelo wara utaam bia diet na balaure ugu ta ira num hinahaan bakut.

Hoing tiga huna kareka, God na pabong ugu, ma napu ta ira babana nu silihe ra harbalaurai. I la hatutun ing i tange, ma iakano uno tintalen na hanuat hoing ra num bahbahit ma no balo wara balbalaure bat ugu.

Ing bia u kilam no Watong Nong i Naliu Harsakit bia, “No nugu subaan na munmun,” ma bia i te hanuat no num katon na barbarahit, io, pataie ta saksakena na kap ugu ma taie mah ta linge na harhagahai na hanuat hutet tano num hala.

Tutun saakit, God na halon ugu talur no kuun tano ut na hakhakun ma sukun ira minaset ing i hatahuat minaat.

A arip diet na hiruo taar na gengan taam, ma a sangahul na arip diet na hiruo luhutane ugu, iesen iakan ra linge pa na hanuat hutet taam.

Pa nu burte tiga linge na ramramin ing na hanuat ra bung, ma bia tiga rumus di lapotanei tano kasakes, ma bia tiga tamat na minaset i hanuat tano kankado, ma bia tiga linge na haragahai ing na halhaliarai tano tingena kasakes.