Ninge 143-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Hausur iau wara gilgil ira num sinisip kanong augu no nugu God. I tahut be no bilai na Tanuaam na lue iau ta tiga mangana ngaas waing pa ni laleka ma nigi surmalagir.

I tahut bia ra malaan nu hinawase iau utano num harmarsai nong pai la patpataam, kanong iau te so no nugu nurnuruan taam. Hamines no ngaas nong i tale bia ni mur ie, kanong utaam at, iau raun no nugu nilon.

Watong, halon iau sukun ira nugu ebar, kanong iau mun narako taam.

Watong, balaure bat no nugu nilon waing daga urur taam. Lamus leh iau sukun ra tinirih haruat ma ira num takodasiana magingin.

Watong, hadade no nugu sinasaring. Hatarame no nugu tintaau wara gaiena harmarsai. Haruat ma no num tutun na magingin ma no num takodasiana magingin, mai, nugu harahut iau.

Watong, taram hagasiaan iau. Iau hamaan bia no nugu nilon i wara patpataam. Waak u suhe no matmataan taam tagu, iau kabi ngan hoing diet ing diet hansur ures napu tano lulur na minaat.

Iau lik leh ira bung menalua saakit. Iau lik murmur bakut leh ira num pinapalim ma iau lik timaan ira linge ing ira iruo limaam dir gate gil.