Teny Iray Hanova Ny FiainanaoSantionany

Ny Dingana Amin'ny Teny Iray

Vonona
Na dia teo aza ny fioharam-pefy rehetra, dia tianay ny zava-misy hoe ny Taona Vaovao dia mety ho fotoana fanararaotra indray hanadiovana ny takela ka hanombohana indray. Afaka ny ho very 10kg isika amin'ny farany, hanolo-tena hanao fanompoam-pivavahana isan’andro, handresy lalao bebe kokoa, hiofana bebe kokoa, hivavaka amim-pahatokiana kokoa, handany fotoana bebe kokoa miaraka amin’ny fianakaviana, handoa ny faktiora, hampiakatra naoty na hizara an’i Jesoa Kristy amin’ny mpiara-miasa sy namana bebe kokoa aza. Saingy ny zava-misy dia zara raha lasa fahamarinana ireo lisitra lava be ireo.

Ny hany vahaolana dia ny hanesorana izany rehetra izany ary handravonana azy anaty teny fototra iray ho an'ny taona ho avy, hahatonga azy ho maivana sy tsotra.

Noho izany, andao hiditra amin'ny lafiny fampiharana ny foto-kevitra momba ny lohahevitra mahakasika ny Teny Iray. Ireto misy dingana hanampy anao hahita ny lohahevitry ny Teny Iray ho anao. Ataovy ao an-tsaina fa mila fotoana ny dingana, fa saingy mendrika izany. Na mpanao fanatanjahantena ianao, na mpanazatra, na ray aman-dreny, na mpitantana orinasa, ity dingana ity dia mety hanamora ny fandrosoanao amin'ny lafiny rehetra eo amin'ny fiainanao.

Misy ambaratonga tsotra telo ny dingan'ny Teny Iray - Mijery anatiny, mitady, mijery ivelany.

Dingana 1 - Homano Ny Fonao (Mijery Anatiny) - Eo no handraisanao fanapahan-kevitra hanesorana ny rotoroto, ny tabataba, ny fikorontanana. Mety ho asa sarotra ny fitadiavana fitokanana sy fahanginana, kanefa zava-dehibe ny fahenoana an'Andriamanitra. Satria isika mamela an'Andriamanitra handinika ny fontsika dia hanome antsika fahazavana Izy.

Dingana 2 - Tadiavo Ny Teninao (Mitady) - Ity dingana ity dia manampy antsika hifandray sy hihaino an'Andriamanitra. Manana fotoana hivavahana - io fifampiresahana tsotra amin'Andriamanitra io - no sehatra hanombohana azy. Apetraho Aminy izao fanontaniana izao: Inona no tianao atao amiko sy amin'ny alalako amin'ity taona ity? Ity fanontaniana ity dia hanampy anao hahita ny teny natao ho anao. Aza mifidy teny tsara; raiso ny Tenin'Andriamanitra.

Dingana 3 - Hiaino Ny Teninao (Mijery Ivelany) - Rehefa hitanao ny teny natao ho anao, fotoana am'izay izao hiainana azy. Ny teninao dia hisy fiatraikany amin'ny lafiny rehetra eo amin'ny fiainanao: ara-batana, ara-tsaina, ara-panahy, ara-pietseham-po, ara-pifandraisana ary ara-bola. Tazony eo anoloana sy afovoany ny teny iray anao. Lazao amin'ireo tompon'andraikitra mpiara-miombon'antoka aminao sy ny fianakavianao ny teninao ho an'ny taona. Soraty anatin'ny diarinao. Apetaho eo amin'ny vata fampangatsiahana. Resaho amin'ny fianakavianao eo am-pisakafoanana hariva ny momba an'io. Ataovy izay rehetra afahanao mitazona ny fifantohana aminy sy mitahiry azy ho vaovao.

Mivavaka izahay mba ho taom-pahombiazana ho anao ity taona ity satria ny Tompo dia mitondra anao amin'ny ambaratonga ambony sy mampiasa ny Teninao iray ho voninahiny!

Mandehana
1. Inona ny zavatra tenenin'Andriamanitra aminao momba ny lohahevitry ny Teny Iray ho anao?
2. Manokana fotoana matotra hiivavahana sy hangatahana amin'Andriamanitra hiresaka aminao.
3. Ataovy ireo dingana telo ary avelao Andriamanitra hanambara aminao ny teny natao ho anao.

Fampiharana
Salamo 27:4, Salamo: 84, Salamo 139

Mandehana bebe kokoa
"Tompo ô, mivavaka aho ho an'ny taona feno fahombiazana. Ampiasao ity lohahevitry ny Teny Iray ity hanome voninahitra Anao. Ampio aho amin'ity dingana ity. Ambarao amiko ny fahamarinana sy ny fanambarana. Mba ataovy mazava amiko. Mitenena, Tompo ô, mihaino ny mpanomponao. Amin’ny anaran’i Jesoa, amena.”