Inona no tokony ataoko raha alaim-panahy izaho?

Ento eo anatrehan'Andriamanitra, izao ankehitriny izao

Rehefa alaim-panahy ianao dia tsarovy izao toky izao: "Tsy misy fakam-panahy nahazo anareo afa-tsy izay zakan’ny olombelona; nefa mahatoky Andriamanitra ka tsy hamela anareo halaim-panahy mihoatra noho izay zakanareo; fa momba ny fakam-panahy dia hasiany làlana hahafahanareo koa mba hahazakanareo izany." (I Korintiana 10: 13).

Tsy hanome alalana ny fakam-panahy Andriamanitra raha tsy efa manome hery handresentsika izany. Ary ankilan'izay kosa dia tsy handany fotoana amin'izay fakam-panahy izay efa fantatra fa ho voatohatsika amin'ny herintsika i Satana.

Araka izany, isaky ny alaim-panahy ianao dia fantaro fa tsy haharesy io ady io ianao raha tsy mila ny fanampian'Andriamanitra.

Manomboha mizatra mizara haingana izay fakam-panahy mahazo anao amin'Andriamanitra.

Mangataha hery Aminy.

Apetraho eo an-tanany.

Ento eo anatrehan'Andriamanitra, izao ankehitriny izao.

Hevero ny vokany

Ahoana raha tsy izay?

Mbola ho tsarain'Andriamanitra ireo fahotantsika miafina: "Fa ny atao rehetra dia ho entin’Andriamanitra ho amin’ny fitsarana ny zava-miafina rehetra, na soa na ratsy" (Mpitoriteny 12:14).

Nampitandrina antsika Andriamanitra: "Fa tsy misy nafenina izay tsy haseho, na takona izay tsy ho fantatra. Koa na inona na inona teneninareo ao amin’ny maizina dia ho re eo amin’ny mazava; ary izay bitsihinareo mangingina ao amin’ny efi-trano dia hotorina eo amin’ny tampon-trano" (Lioka 12:2-3).

Mbola hotsaraina izay tenenintsika: "Ary lazaiko aminareo fa hampamoahina ny olona amin’ny andro fitsarana noho ny amin’ny teny foana rehetra izay ataony. Fa ny teninao no hanamarinana anao, ary ny teninao no hanamelohana anao." (Matio 12: 36-37).

Rehefa avy mitanisa ny ota rehetra mbola tsy nibabohana dia nanambaran'i Petera fa izay manao izany dia "hampamoahin’Ilay efa vonona hitsara ny velona sy ny maty izy." (I Petera 4:5).

Inona no hahazo azy ireo?

"Dia haseho avokoa ny asan’ny olona rehetra; fa ny andro no hampiseho azy, satria haseho amin’afo izany andro izany, ka dia hozahan-toetra, amin’ny afo ny asan’ny olona rehetra . . . . Raha ho levon’ny afo ny asan’ny olona, dia ho fatiantoka izy; fa ny tenany kosa dia hovonjena, nefa toy ny avy ao amin’ny afo ihany izy." (I Korintiana 3:13, 15).

Ny fahotana, ny eritreritra na teny tsy araka an'Andriamanitra mbola tsy nibebahana dia haharihary amin'ny fitsarana ka hodorana. Tsy misy tsiny ny Lanitra ary ireo zavatra ireo dia tsy afaka ny hiditra any ka tsy maintsy ho dorana sy hofoanana.

Voadio ny ota ary very ny valiny

Rehefa alaim-panahy ianao ka te hiresaka amin'Andriamanitra dia aza andosirana ny fanatrehany.

Amin'izay fotoana izay indrindra dia mihazakazaha mankany aminy.