Mamerina indray ny hafalianaoSantionany

Zarao ny Fifaliana avy amin'ny Famonjena anao

Vakio ny Efesiana 2:10

Raha te hamerina indray ny fifalianao ianao dia mila 1) miaiky ny fahalasan'izany, avy eo dia 2) mamantatra ny antony. Ary, 3) manitsy izay tsy nety, sy 4) mamboly toe-tsaina feno fankasitrahana.

Misy dingana telo hafa hoentina hamerenana indray ny fifalianao, horesahintsika anio.

Voalohany, mila mandany fotoana amin'Andriamanitra isan'andro ianao.

Mety ho sarotra ny hieritreritra fa Andriamanitra dia te hiaraka aminao amin'ny fotoana rehetra. Manana zavatra atao maro be Izy, sa tsy izany? Araka ny Soratra Masina anefa dia manasa antsika ho eo amin'ny fanatrehany Andriamanitra. Ary indro fa misy fifaliana tonga amintsika rehefa mandany fotoana miaraka amin'Andriamanitra amin'ny fotoa-mangina, isan'andro, isika satria mianatra ny mihaino ny feony sy mitady izay izay tiany hatao amin'ny fiainantsika. Arakaraka ny andanianao fotoana iarahana amin'Andriamanitra no itomboan'ny ny fisakaizanao lalina kokoa Aminy hatrany.

Faharoa dia mila mitady fomba hanaovana tamberina ianao. Ny Baiboly dia milaza izao ao amin'ny Efesiana 2:10: "Fa asany isika, voaforona tao amin’i Kristy Jesosy mba hanao asa tsara, izay namboarin’Andriamanitra rahateo mba handehanantsika eo aminy." Amin'ny fotoan-tsarotra dia mora ny mafantoka amin'ny tenanao. Ny marina anefa dia izao, arakaraka ny ifantohanao amin'ny tenanao no ahaverezanao ny fifaliana.

Nitety izao tontolo izao aho, ary efa nandeha tamina firenena mihidy maro izay misy fanenjehana olona noho ny finoany ao amin'i Jesoa Kristy. Fantatrao ve hoe inona no zavatra hitako? Ireo Krisitiana enjehina ireo no olona manam-pifaliana indrindra eto an-tany. Satria nahoana? Satria misy dikany be amin-dry zareo izany. Tsy Kristiana tsotra "indraindray ihany" ry zareo ireo. Ny zo hivavaka sy ny fahafahany ao amin'i Kristy dia tena zava-dehibe amin-dry zareo. Ary, mihoatra lavitra ny fifalian-dry zareo.

Mila mitady fomba hanaovana tamberina ianao. Vao miala amin'ny fifantohana amin'ny tenanao ianao dia hahita indray ny fiverenan'ny fifalianao.

Farany, mba hamerenana indray ny fifalianao ianao dia mila manambara an'i Jesoa amin'ny hafa.

Tsy misy zavatra hampiverina malaky ny fifalianao mihoatra noho ny fanaovana ho zava-dehibe ny famonjena ny namana. Ny Baiboly dia milaza fa isaky ny misy olona iray mandray ny Tompo dia misy lanonam-be miseho any an-Danitra. Fantatrao ve ny fisian'izany? Hoy ny Lioka 15:7, "Lazaiko aminareo fa hisy fifaliana toy izany any an-danitra ny amin’ny mpanota iray izay mibebaka". Ny andro izay irosoanao, avaonao dingana lehibe dia misy fifaliam-be any an-Danitra noho ny aminao. Ary ny andro izay anampianao olona mba hahalala ny Tompo kosa dia hisy fifaliam-be ihany koa ao anatin'ny fonao. Miverina ny fifaliana arakaraka ny izaranao izany amin'ny hafa.

Ataovy izao vavaka izao anio: "Ray ô, ampio aho hamadika ny fankahalana ho fitiavana, ny alahelo ho fifaliana ary ny fanaovana tsinontsinona ho hatsaram-panahy. Mba ho hita amin'ny endriko anie ny fifalian'ny Tompo, ka hirian'ny olona hofantarina ny aton'ny fanantenana izao ato amiko. Ampio aho mba ho mpakatò izay efa nambaranao hataoko. Ampio aho mba hifantoka amin'ireo fitahianao eo amin'ny fiainako ka hananako toe-tsaina feno fankasitrahana amin'ny finoana anao tanteraka. Aoreno indray ny fifalian'ny famonjena ahy mba hahafako mizara izany fifaliana izany amin'ny hafa sy manampy azy ireo hahita ny fifaliany amin'ny alalan'ny fifandraisana Aminao. Misaotra anao fa afaka manana fanantenana sy fifaliana indray amin'ny alalan'i Jesoa Kristy. Amen"