Salamo 60
60
SALAMO 60 (Volgata 59)
Vavaky ny firenena nony resy
1 Ho an’ny mpampianatra hira. Amin’ny Lisin’ny vavolombelona # 60,1 Amin’ny Lisin’ny vavolombelona. Anaran’ny hira iray efa hain’ny olona. Hampianarina ny vahoaka izany hira izany. . Hira nataon’i Davida, hampianarina.
2 Fony izy niady tamin’ny Sirianina # 60,2 Fony izy niady tamin’ny Sirianina: Jereo 2Sam 8,13; 10,16-19; 1Mpa 11,15-16; 1Tan 18,12; 19,19. any Mesôpôtamia sy ny Sirianina any Sobà; sy tamin’ny niverenan’i Jôaba avy namely ny Edômita, tao amin’ny Lohasahan-tSira, ka nahafatesany roa arivo sy iray alin-dahy#60,2 Roa arivo sy iray alin-dahy. Ao amin’ny 2Sam 8,13; 1Tan 18,12 dia valo arivo sy iray alin-dahy, no voalaza. Nisy diso naiditry ny mpikôpia ao..
3Ry Andriamanitra ô, nanary anay Ianao, nampihahaka anay,
efa tezitra Ianao: ataovy mahita fitia aminao indray izahay.
4Efa nampihorohoro ny tany Ianao, nandrotika azy,
dia amboary ny banga aminy fa mihozongozona izy.
5Nasianao fizahan-toetra sarotra ny vahoakanao,
nampisotroinao divay mahafanina izahay.
6Kanefa nomenao faneva ireo matahotra Anao,
hitsanganan’io noho ny fahamarinanao. -
- Selà
7Mba hahafahan’ny malalanao
dia vonjeo amin’ny tananao ankavanana ary henoy ny hatako#60,7-14 Ireo andininy ireo dia hita koa ao amin’ny faran’ny Sal 108..
8Andriamanitra niteny tamin’ny fahamasinana hoe:
«Hientan-kafaliana aho!
Hanana an’i Sikema ho anjarako aho,
horefesiko ny lohasahan’i Sokôta#60,8-10 Ny teny amin’ireto andininy ireto, dia mampahatsiaro ny tenin’Andriamanitra ao amin’ny Pentateoka, mampanantena ny vahoakany fa homena azy ny tany Kanaana sy hampanaiky azy ny firenena manodidina azy, Edôma, Moaba, ny Filistinina....
9Ahy i Galaada#60,9 Galaada: ny tany any an-dafin’i Jordany; i Manase sy i Efraima dia solon’ny fokon’i Israely rehetra afa-tsy i Jodà., ahy i Manase.
Fiadiana aron’ny lohako i Efraima#60,9 Aron’ny lohako i Efraima: satria any aminy ny mpiady mahery.
ary tehim-panjakako i Jodà#60,9 Tehim-panjakako i Jodà; fa izy no hiavian’ny mpanjaka..
10Tavin-drano fandroako i Moaba;
anipazako ny kapako i Edôma;
Mihobia ny voninahitro, ry tanin’i Filistinina!»
11Iza no hitondra ahy ho any amin’ny tanàna mimanda?
Iza no hitarika ahy ho any Edôma?
12Tsy Ianao izay efa nanary ahy va, ry Andriamanitra,
Ianao, ry Andriamanitra izay efa tsy niara-nivoaka tamin’ny tafikay intsony.
13Vonjeo amin’ny mpampahory anay izahy!
Fa zava-poana ny famonjena avy amin’ny olombelona.
14Raha omban’Andriamanitra isika dia herim-po no hasehontsika;
hanorotoro ny fahavalontsika Izy.
Voafantina amin'izao fotoana izao:
Salamo 60: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.