Mikea 5
5
1Ary ianao, ry Betleema Efratà#5,1 Efratà: anaran’i Betleema fony fahiny (Jen 35,16; 48,7).,
kely tsy tokony ho isan’ireo arivon’i Jodà akory#5,1 Kely tsy tokony ho isan’ireo arivon’i Jodà akory. Isaky ny antokon’ny fokon’i Israely, dia nisy fianakaviana tsy latsaky ny arivo (ampitahao Eks 18,21 sy ny manaraka; Fanis 1,16; 10,4); fa kely kosa i Betleema, ka tsy mba nahatratra izany isam-pianakaviana izany. I Masindahy Matio kosa (2,6) milaza hoe: Ary ianao, ry Betlehema, tanin’i Jodà, tsy ianao no kely indrindra amin’ny renivohitr’i Jodà ka hita marina; fa ny nalehan’ny heviny tamin’izay, dia tsy noho ny fahalehibeazan’ny tany na ny hamaroan’ny mponina ao, fa noho izy toerana hahaterahan’ny Mesia.,
avy aminao no hivoaka ho Ahy
ilay tsy maintsy ho Mpanapaka amin’i Israely,
ary ny niandohany dia efa hatramin’ny andro fahagola,
hatramin’ny andro mandrakizay.
2Koa noho izany, dia hanolotra an’ireny izy
mandra-piavin’ny fotoana hiterahan’ilay tsy maintsy hiteraka;
ary ny sisa amin’ireo rahalahiny dia hiverina
amin’ny zanak’i Israely.
3Ho mafy fijoro izy, ka hiandry ny ondriny,
amin’ny herin’i Iaveh,
amin’ny fiandrianan’ny Anaran’i Iaveh Andriamaniny;
ary handry feizay ny olona, fa ho lehibe izy amin’izay,
hatrany amin’ny faran’ny tany.
4Izy no ho fiadanana.
Rehefa ho tonga eto amin’ny tanintsika ny Asirianina#5,4 Asirianina: Io teny io, dia ohatra enti-milaza ny fahavalon’ny vahoakan’Andriamanitra.,
ka hanitsaka ny lapantsika ny tongony,
dia hanangana mpiandry ondry fito#5,4 Mpiandry ondry fito: Izany hoe, mpanjaka fito avy amin’ny taranak’andriana. isika, hamely azy,
sy mpifehy ny vahoaka valo#5,4 Mpanapaka valo: Izany hoe, lehibe izay fidina amin’ny vahoaka. Ny teny hoe, fito, dia manambara isa lavorary, ary ny valo kosa, dia milaza fahabetsahana be dia be.,
5Hiandry ny tanin’i Asora amin’ny sabatra ireo,
sy ny tanin’i Nemrôda eo am-bavahadiny;
ary izy hanafaka antsika amin’ny Asirianina,
rehefa tonga amin’ny tanintsika ireny,
sy hanitsaka ny faritanintsika ny tongony.
Ny hataon’ny sisa amin’i Israely any amin’ny firenen-kafa
6Ary ny sisa amin’i Jakôba#5,6 Ny sisa amin’i Jakôba: Ireo no ho loharanom-pitahiana ho an’ny vahoaka rehetra., any amin’ny firenena maro,
ho toy ny ando avy any amin’i Iaveh,
toy ny orana mipitipitika milatsaka amin’ny ahi-maitso;
izy tsy miandry izay olona akory,
na matoky ny zanak’olombelona.
7Ary ny sisa amin’i Jakôba, any amin’ny firenena,
eo afovoan’ny vahoaka maro,
dia ho toy ny liona eo amin’ny biby any an’ala,
ho toy ny liona tanora eo amin’ny andian’ondry;
ka raha mandalo sy manosihosy ary mamiravira izy,
tsy misy mahavonjy.
Horavan’i Iaveh daholo izay foronin’olombelona
8Aoka hiainga ny tananareo hamely izay manohitra anareo,
ary aoka ho ringana ny fahavalonareo!
9Amin’izany andro izany, - teny marin’i Iaveh, -
ny soavalinao haringako eo aminao,
ny kalesinao hofongoriko.
10Ny tanàna eo amin’ny taninao horavako;
ny tranonao mimanda harodako avokoa.
11Ny famosavianao, hoesoriko eny an-tananao,
ka tsy hisy mpimasy intsony eo aminao.
12Ny sampy aman-tsangam-batonao hofoanako eo aminao,
ka tsy hivavaka amin’ny asan-tananao intsony ianao.
13Hongotako ny aserah eo afovoanao,
ary harodako ny tanànanao,
14Ary#5,14 Ary, amin’izay i Israely efa nanjary vahoaka masina, ka dia ho azon’i Iaveh atao amin’izay ny hampihatra ny fitsarany amin’ireo firenena mbola maditra. amin’ny hatezerako amam-pahavinirako Aho
hamaly faty an’ireo firenena izay tsy nihaino.
Voafantina amin'izao fotoana izao:
Mikea 5: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.