Mikea 3
3
Teny mamely ireo mpitondra mamoritra vahoaka
1Hoy aho: Mihainoa ianareo, ry loholon’i Jakôba#3,1 Ry loholon’i Jakôba. Ny tondroin’i Mikea mpaminany eto, dia ny olona ambonimbony tao amin’ny fanjakana roa, dia ny fanjakan’i Jodà sy ny an’i Israely (and faha-9, 10,12).,
mbaminareo mpanapaka ny taranak’i Israely!
Tsy anjaranareo va ny mahalala ny rariny#3,1 Tsy anjaranareo va ny mahalala ny rariny? Satria ianareo lehibe no mitondra ny vahoaka.,
2dia ianareo izay mankahala ny tsara sy tia ny ratsy,
manendaka ny hoditra amin’ny vatana,
sy ny nofo amin’ny taolana?
3Izy ireo no mihinana ny nofon’ny vahoakako;
manendaka ny hoditra eo amin’ny vatany,
mamakivaky ny taolany,
mamotipotika azy toy ny ao am-bilany,
ary toy ny hena ao am-bilany lehibe.
4Hitaraina amin’i Iaveh izy ireo amin’izany,
nefa tsy hohenoiny;
hafeniny amin’izy ireo ny Tavany amin’izany andro izany,
araka ny haratsiana nanaovany ny asany.
Teny mamely ireo mpaminany sandoka
5Izao no lazain’i Iaveh, ny amin’ireo mpaminany#3,5 Mpaminany: Ny lazaina eto dia ny mpaminany sandoka.
izay nampaniasia ny vahoakako;
izy ireo raha mbola manan-kokaikerina ny nifiny,
mitory ny fihavanana#3,5 Mitory ny fihavanana. Tsy mba ny fahadisoana na ny heloky ny lehibe sy vahoaka no ambaran’ireo mpaminany sandoka ireo, fa izao antsanga tsy aman’orana rehetra izao, mba hahamamy hoditra azy; ary ny olona ambany sy tsotra be, dia ampitahoriny ny famaizan’Andriamanitra ka manome vola azy.;
izay rehetra tsy manisy hanina eo am-bavany kosa
dia ilazany avokoa fa hiady:
6Koa alina no ho azonareo ho solon’ny fahitana;
ary haizina ho solon’ny faminaniana;
ny masoandro hilentika amin’ny mpaminany
ary ny andro ho maizina amin’izy ireo.
7Hangaihay ny mpahita#3,7 Mpahita: ireo milaza azy ho mpaminany ka mikarama amin’ny vola kely na hani-masaka. Ny betsaka tamin’izy ireny dia vehivavy.,
ary ho mena azon’ny henatra ny mpanao fankatoavana;
hisarom-bolom-bavany izy rehetra,
fa tsy hisy intsony ny valy avy amin’Andriamanitra.
8Fa izaho kosa feno hery,
omban’ny Fanahin’i Iaveh,
ary feno rariny aman-kerim-po,
hanambara amin’i Jakôba ny helony;
sy amin’i Israely ny fahotany.
Fanambaràna amin’ireo lehibe ny haharavàn’i Jerosalema
9Koa henoinareo izao, ry loholon’ny taranak’i Jakôba,
sy mpanapaka ny taranak’i Israely,
izay mankahala ny rariny,
sy mamadika ny hitsiny,
10manangana an’i Siôna#3,10 Manangana an’i Siôna: Ireo rova makadiry atsanganareo ao Jerosalema dia tsy inona fa vokatry ny vonoana olona sy ny fihinanam-bahoaka nataonareo ihany. amin’ny fandatsahan-dra,
sy i Jerosalema amin’ny faharatsiana!
11Ny mpifehy ao aminy#3,11 Ny mpifehy ao aminy. Ny lazain’ity and faha-11 ity dia ny haratsian’ireo manam-pahefana tamin’ny vahoaka, dia ny mpitsara, mpisorona, mpaminany; izay toa niankina amin’ny toky ratsy hoe: Eto amintsika i Iaveh, ka tsy hisy loza hanjò antsika., mitsara noho ny kolikoly,
ary ny mpisorona, mampianatra noho ny karama,
ary ny mpaminany, maminany noho ny vola,
ary miankina amin’i Iaveh izy manao hoe:
Moa tsy eto amintsika va i Iaveh?
Tsy mety hanjò antsika ny loza!
12Koa noho ny aminareo#3,12 Koa noho ny aminareo. Noho ny aminareo mpitsara be kibo, sy ianareo mpisorona mpikarama fotsiny ary ianareo mpaminany mpandrebireby vahoaka noho ny vola, i Siôna hanjary saha asaina, i Jerosalema ho tonga antontam-bato, ny Tempoly ho rava.,
i Siôna hanjary saha asaina,
i Jerosalema ho tonga antontam-bato,
ary ny tendrombohitra misy ny Tempoly ho fitoerana avo misy hazo!
Voafantina amin'izao fotoana izao:
Mikea 3: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.