Mikea 1
1
1Tenin’i Iaveh natao tamin’i Mikea#1,1 Mikea avy ao Môreseta: Izay voalaza eto dia hafa noho ilay mpaminany anankiray hafa koa natao hoe Mikea zanak’i Jemlà (1Mpa 22,9). avy ao Môreseta#1,1 Môreseta: tanàna kely an’ny fokon’i Jodà ao andrefan’i Jerosalema, mifanakaiky amin’ny Hebrôna. Ny mponina tao, dia natao hoe Môrasitita., tamin’ny andro nanjakan’i Joatana sy i Akaza ary i Ezekiesa, mpanjakan’i Jodà, izay nahazoany fahitana momba an’i Samaria sy i Jerosalema.
1. FIAMPANGANA AN’I ISRAELY
Fandrahonana sy fanamelohana
Fitsarana an’i Samaria
2Mihainoa ianareo, ry firenena rehetra!
Mandrenesa tsara, ry tany, mbamin’izay rehetra monina eo aminao!
Efa hitsangan-ko vavolombelona hiampanga anareo ny Tompo Iaveh,
dia ny Tompo avy ao amin’ny lapan’ny fahamasinany!
3Fa indro i Iaveh#1,3-4 Indro i Iaveh: Teny milaza ny tafio-drivotra omban’ny horohoron-tany (ampitahao amin’ny Sal 18; 68,9; 97,2 sy ny manaraka) efa hivoaka avy ao amin’ny fonenany;
hidina izy handia ny havoana amin’ny tany.
4Ny tendrombohitra hitsonika eo ambanin’ny diany,
ny lohasaha hitresaka
toy ny savoka eo anoloan’ny afo,
toy ny rano voarotsaka amin’ny tany misolampy.
5Ny hisian’izany dia noho ny helok’i Jakôba#1,5 I Jakôba sy i Israely: Amin’ny fehezan-teny voalohany amin’ity andininy ity dia samy manondro ny vahoaka manontolo ireo. Amin’ny faharoa kosa i Jakôba izay avahana amin’i Jodà, dia milaza ny fanjakan’ireo foko folo ihany.
sy noho ny fahotan’ny taranak’i Israely.
Inona no helok’i Jakôba? Tsy i Samaria#1,5 Samaria: Tany nanorenan’i Jerôbôama ny fivavahana tamin’ny zanak’omby volamena. va?
Ary iza no fitoerana avon’i#1,5 Fitoerana avo: ireo havoana na tendrombohitra izay nanaovan-tsorona tamin’ny sampy. Jodà?
Tsy i Jerosalema#1,5 Jerosalema: ilay tanàna masina izay nidiran’ny fanompoan-tsampy, ka nanjary niely tao amin’ny tany rehetra (ampitahao 1Mpa 14,15; 15,26; 2Mpa 16,10; 23,4). va?
6Koa i Samaria dia hataoko antontam-bato#1,6 Antontam-bato: Raha tany be vato no volena voaloboka, dia esorina aloha ny vato, ka angonina ho antonta (ampitahao Iz 5,2). Hanjary ho antontam-bato toy izany i Samaria, ka hatsipy any an-dohasaha, na havangongo fotsiny eo amin’izay misy azy ihany, ka raha efa izany dia hambolena voaloboka. any an-tsaha,
tany fambolena voaloboka;
hakodiako ho any an-dohasaha ny vatony,
ary hampihanjahanjaiko ny fanorenany.
7Hotorotoroina ny sariolona#1,7 Sariolona: Ny sampy. rehetra ao aminy;
ho levon’ny afo ny tambiny#1,7 Tambiny: milaza ireo fanomezana na fanatitra izay napetraky ny mpanompo sampy tao amin’ny fitoerana izay natokany ho masina ho an’ny zanak’omby volamena na ilay sampy atao hoe Baala. rehetra;
hataoko faharavan-javatra avokoa ny sampiny
fa tangim-pijangajangana no nanangonany an’ireny,
ka hody ho tangim-pijangajangana#1,7 Ho tangim-pijangajangana indray koa: Izany hoe, ireo sariolona sampy ireo, izay fandrobana no nahazoana azy, dia mbola ho lasan’ny sasany koa indray, ka dia hanaovany fivavahana hafa koa. indray koa ireny.
Hiran’alahelo an’ireo tanàna amin’ny ilany ambany
8Noho izany aho dia hitomany sy hidradradradra,
handeha tsy mitafy sy miboridana#1,8 Miboridana: Izany teny izany tsy milaza akory, fa hoe tena mihanjahanja mihitsy; fa hoe ny akanjo eo ambony no alàna, fa ny atiny ao ihany, sady miala kiraro koa. Izay miakanjo tsotra fotsiny na tsy misy kapaoty no ataon’ny Grika sy ny Latina hoe miboridana (ampitahao Iz 22,2).;
handefa finaonaonana toy ny amboadia,
ary fitarainana toy ny ostritsa#1,8 Ostritsa: vorona makadiribe sady lava tongotra. Tsy afa-manidina izy fa mihazakazaka; ary daka no fanaony raha miady izy. Ny lanjan’ny atodiny dia ankevitry ny iray kilao sy sasany. Anisan’ny voalazan’ny lalàna ho vorona tsy madio.
9Fa fery#1,9 Fery: Ny ferin’i Samaria voalaza ao amin’ny and faha-5. mahafaty ny azy,
fa tonga hatrany amin’i Jodà#1,9 Tonga hatrany amin’i Jodà: Ny Asirianina rehefa avy nampahory ny fanjakan’i Israely, tamin’ny andro nanjakan’i Fola sy Teglaty-Falasara ary i Salimanasara, dia nandroso nankany amin’ny fanjakan’i Jodà indray, tamin’ny andro nanjakan’i Senakeriba, ka nanao fahirano an’i Jerosalema.,
tonga hatreo am-bavahadin’ny vahoakako#1,9 Ny vavahadin’ny vahoakako: I Jerosalema no lazaina amin’izany, satria izy no renivohitr’i Jodà, sady toerana falehan’ny vahoaka raha mivory koa (Am 5,12. Ampitahao Iz 33,20).
dia hatrany Jerosalema. izy.
10Aza ambaranareo any Geta#1,10-15 Aza ambaranareo any Geta izany: Izany hoe, izany faminaniana izany. I Mikea mpaminany dia nanao izany fandraràna izany, mba tsy ho foto-javatra ifalian’ny fahavalo (ampitahao 2Sam 1,20). Tanàna maromaro izay horavan’ny fahavalo no visavisain’ny mpaminany amin’ireo andininy ireo, ka ny ankamaroany dia ao amin’ny lemak’i Jodà, izay misy an’i Môreseta. Dia ireto avy: izany#1,10 Geta: anisan’ireo tanàna dimy renivohitry ny Filistinina. Io no tanàna nisy an’i Gôliata ilay Rapeton’olona (1Sam 17,4).;
aza mitomany any Akao ianareo!
Mihosinkosina amin’ny vovoka any Bet-Afrà#1,10 Bet-Afrà: Ny hevitry ny anarany dia hoe, tranon’ny vovoka, izany hoe fitoerana be vovoka. aho.
11Mandalova mitanjaka amin-kenatra, ry ikala mponina ao Safira#1,11 Safira: Izany hoe, tsara tarehy.!
Tsy mivoaka ikala mponina ao Tsoanàna#1,11 Tsoanàna: Izany hoe, fivoahana.;
ny fisaonan’ny ao Bet-Hatsely#1,11 Bet-Hatsely: Izany hoe trano eo akaiky. no tsy ahazoanareo mialoka eo.
12Ory ikala mponina#1,12 Ory ikala mponina ao Marôty: izany hoe, ny fokon’i Jodà dia tsy ampy hery mba hamonjena an’i Samaria, izay tafalentika amin’ny fangidiana. ao Marôty#1,12 Marôty: fangidiana.,
noho ny amin’ny fananany;
fa nidina avy tany amin’i Iaveh ny loza#1,12 Fa nidina... loza: ny fahavalo nirahin’ny Tompo, dia tonga hatrany amin’ny faritr’i Jerosalema.,
ho eo am-bavahadin’i Jerosalema.
13Afehezo amin’ny kalesy ny soavaly, ry kala mponina ao Lakisa#1,13 Lakisa: Tanànan’i Jodà ao atsimo, izay namikiran’i Senakeriba talohan’ny nanaovany fahirano an’i Jerosalema (2Mpa 19,13 sy ny manaraka).;
fiandohan’ny fahotana ho an’ny zanaka vavin’i Siôna,
no nahitana ny helok’i Israely ao aminao.
14Noho izany ianao hamoy ny anananao an’i Môreseta#1,14 Môreseta: Ny heviny dia hoe lava, fananana, ka izy io dia tanàna tao amin’ny faritr’i Geta. ao Geta;
ny trano ao Akziba#1,14 Akziba: Ny heviny dia hoe lainga, fandokàna. dia ho fanodokàna ho an’ny mpanjakan’i Israely.
15Hitondrako mpandresy ianao,
ry ikala mponina ao Maresà#1,15 Maresa: Ny dikany dia hoe lova. Izy io dia tanànan’i Jodà (Jôs 15,21-44).;
ho lasana hatrany Odolama#1,15 Odolama: Zohy ao amin’ny tanin’ny fokon’i Jodà (1Sam 22,1). ny tabihan’i Israely.
16Ongoty ny volonao, kakaso izy#1,16 Ongoty ny volonao, kakaso izy: Araka ny lalàna voasoratra ao amin’ny Lev 19,27; Deter 14,1, dia voarara tsy hanao izany fomba izany ny Jody, izay mazàna fanaon’ny jentily mba ho filazany ny alahelony; ka ny nalehan’ny hevitry ny mpaminany amin’ireo teny ireo, dia tsy hoe: hamporisika ny Jody hanongo-bolo, sy hiharatra tokoa tsy akory, fa teny fotsiny entiny milaza aminy dieny mialoha, fa ho lehibe dia lehibe ny fahoriana hahazo azy ireo, ka hiraparapa tsy hahita izay fomba fisaonana hoentina manambara na mampiseho ny hamafin’ny fahoriany izy ireo.,
noho ny amin’ireo zanakao malalanao;
ataovy tonga sola toy ny papango#1,16 Sola toy ny papango: Izany hoe, mandritra ny fotoana izay iongotan’ny volon’ny papango, toy ny vorona hafa koa, dia voasakana izy tsy hihaza araka ny fanaony, hany ka manjary reraka sy kaozatra, ka tonga atahoran’ny vorona sasany. sola ny lohanao
fa lasan-ko babo lavitra anao ireny.
Voafantina amin'izao fotoana izao:
Mikea 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.