Jôba 26
26
Antsa fiderana ny herin’Andriamanitra mahefa
1Dia niteny i Jôba ka nanao hoe:
2«Akory ity fahaizanao manohana ny osa,
sy mamonjy ny tanana reraka!
3Endrey izato fanoronao ny tsy mahalala,
sy izato habetsahan’ny fahendrena asehonao!
4Iza moa no ilazanao teny?
ary avy amin’iza ny fanahy mivoaka ny vavanao?
5Eo anatrehan’Andriamanitra ny matoatoa mihararetra,
any ambanin’ny rano#26,5 Any ambanin’ny rano: Izany hoe, any amin’ny Seoly (jereo Jen 6,4; 7,21; 1Pier 3). mbamin’ny mponina any#26,4-5 Ny zavatra tsara sy kanto ary lavorary indrindra, dia misy kilema avokoa ary tsinontsinona eo anatrehan’Andriamanitra..
6Ny seoly mihanjahanja eo anatrehany,
ary ny hantsana tsy misy rakony
7Izy no mamelatra ny avaratra eo ambonin’ny habakabaka babangoana,
manantona ny tany eo ambonin’ny tsinontsinona;
8mampihiboka ny rano eo amin’ny rahony;
kanefa tsy miparitaka noho ny havesaran’izany ny rahona.
9Manarona ny tavan’ny seza fiandrianany#26,9 Ny seza fiandrianany: Tsy mety ho hitan’ny olombelona. Izy,
ka rahona no velariny eo amboniny.
10Nasiany faritra manodidina eny ambonin’ny rano,
eo amin’ny fisarahan’ny mazava sy ny maizina.
11Mihozongozona ny andrin’ny lanitra,
sady ankona amin’ny teny mafy ataony.
12Ny heriny no anaingany ny ranomasina,
ny fahendreny no anorotoroany ny avonavona.
13Ny fofon’ainy no anjarian’ny lanitra ho madio,
ary ny tanany no nanao ny menarana mpandositra#26,13 Ny fofon’aina, sns. Tsofiny ny rahona, ka madio ny lanitra. Ny menarana: Fitambaran’ny kintana manambara bibilava izany..
14Izany no sisintsisin’ny lalany#26,14 Sisintsisin’ny lalany: Zavatra kely foana no fantatsika amin’ny hevitr’Andriamanitra momba ny fitondrany an’izao tontolo izao. Fimenomenona malefaka no rentsika: Amin’ny tenin’Andriamanitra, kely foana no rentsika sy fantatsika. Ny fikotrokotroky ny heriny, sns. Iza no afaka hahalala ny zavatra lehibe vitany sy ny hevitra lalina itondrany antsika?,
fimenomenona malefaka mba rentsika,
fa raha ny fikotrokotroky ny heriny, iza no mahahaino izany?»
Voafantina amin'izao fotoana izao:
Jôba 26: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.