Jodita 4
4
Fahatairana tany Jodea
1Nony nandre izany zavatra izany ny zanak’i Israely nonina tamin’ny tanin’i Jodà, dia raiki-tahotra tamin’ny hiavian’i Hôlôferina. 2Nahatsiaro tsiravina sy nivadi-po#4,2 Nahatsiaro tsiravina sy nivadi-po: Tena nampiseho herim-po mahagaga tokoa ny zanak’i Israely tamin’izy niomana hanohitra an’i Hôlôferina. Izy firenena kely izany dia sahy hitsangana hikatroka amin’ilay tafika be indrindra, àry fitaovana sy fiadiana tsara sady efa nahazo toky erỳ azon’ny fandresena maro namelezany ny tany rehetra. loatra izy, nihevitra fa i Jerosalema sy ny tempolin’ny Tompo koa dia ho azon’io atao toy ny nanaovany ny tanàna hafa sy ny tempolin’ireny. 3Naniraka nankany Samaria manontolo sy amin’ny manodidina hatrany Jerikô#4,3 Jerikô: tanàna malaza tokoa fahiny, ao andrefan’ny ony Jordany no misy azy. - Be hazo antrendry izy, sady nisy tany nahavokatra teo akaikiny; izao dia tsy mahomby loatra izy. Io tanàna io, ilay nohodidin’ny Zanak’i Israely impito dia nirodana (Jôs 6,20). izy, notanany rahateo ny tampon-tendrombohitra rehetra. 4Nohodidininy manda ny vohiny, ary nanangom-bary izy hatao fitaovana ho fiomanana haharetany miady. 5I Eliasima mpisorona#4,5 Eliasima mpisorona: Jôakima angamba no izy. Fa i Eliasima dia tsy hita ao amin’ny lisitra milaza ny anaran’ny mpisorona lehibe, 1Tan 6,12-15. Nefa kosa ireo lisitra ireo matetika dia filazan-tsasaka. koa nanoratra ho any amin’izay rehetra monina tandrifin’i Esdrelôna, tandrifin’ny tany lemaka lehibe izay ao akaikin’i Dôtaîna#4,5 I Dôtaîna: tanàna ao avaratr’i Sekima. Tao no nitadiavan’i Josefa ny rahalahiny izay niandry ondry (Jen 37,14-17)., ary tamin’izay rehetra monina amin’ny tany misy lalana faleha, 6namporisika azy ireo hitana ny kisolosolon-tendrombohitra rehetra azo aleha mankany Jerosalema, sy hiambina ny hadilanana azo aleha eo anelanelan’ny tendrombohitra. 7Notanterahin’ny zanak’i Israely ny didin’i Eliasima mpisoron’ny Tompo.
Fitalahoana lehibe
8Ary niantso ny Tompo tamim-pitalahoana mafy avokoa ny vahoaka rehetra sady samy nanetry ny fanahiny tamin’ny fifadian-kanina sy ny vavaka avokoa, na ny tenany, na ny vadiny. 9Nanao akanjo malailay ny mpisorona, niankohoka teo anoloan’ny Tempolin’ny Tompo ny ankizy madinika, ary norakofana lamba malailay ny ôtelin’ny Tompo. 10Dia niray fo nitaraina tamin’ny Tompo Andriamanitr’i Israely izy rehetra mba tsy havelany ho rembin’ny sasany ny zanany, na ho babo hozaraina ny vadiny, na horavana ny tanànany, na ho voaloto ny fitoerany masina, na ho tonga fandàtsan’ny firenena ny tenan’izy ireo.
11Tamin’izay, i Eliasima mpisoron-dehiben’ny Tompo dia nitety ny tanin’i Israely rehetra, ka niteny tamin’ny vahoaka, 12nanao hoe: «Aoka ho fantatrareo fa hohenoin’ny Tompo ny fitalahoanareo, raha maharitra amin’ny fifadian-kanina sy ny fivavahana eo anatrehany ianareo. 13Tsarovinareo i Môizy mpanompon’ny Tompo. I Amaleka niantehitra tamin’ny heriny amam-pahefany, ny miaramilany aman’ampingany, ny kalesiny ama-mpitaingin-tsoavaliny; i Môizy kosa nandresy azy, tsy tamin’ny ady amim-by, fa tamin’ny vavaka masina nataony tamin’Andriamanitra. 14Toy izany avokoa no hanjò ny fahavalon’i Israely rehetra raha maharitra amin’ny asa efa natombokareo ianareo.» 15Nony efa izany famporisihana izany, dia nitaraina tamin’ny Tompo izy ireo, nitoetra teo anatrehany; 16hany ka na dia ireo nanolotra ny sorona dorana aza, teny aminy ihany ny akanjo malailay, teo an-dohany ihany ny lavenona, no nanolotra izany tamin’ny Tompo izy. 17Ary izy rehetra samy nivavaka tamin’Andriamanitra avokoa, mba hamangiany an’i Israely vahoakany#4,17 Mba hamangiany ny vahoakany: Hanampiany sy hanambinany ny vahoakany. Niomana hiaro ny ainy sy ny taniny ary ny fireneny ny Jody tamin’izay, fa indrindra ny fivavahana marina narahiny. Fa natahotra mafy izy ireo sao ravàn’i Hôlôferina ny tempoly ao Jerosalema ka rarany ny Jody tsy hivavaka amin’Andriamanitra marina sy asainy mivavaka amin’i Nabokodonozora, toy ny nataony tamin’ny firenena noreseny rehetra..
Voafantina amin'izao fotoana izao:
Jodita 4: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.