Jodita 2
2
Fanafihan’i Hôlôferina tany Andrefana
1Tamin’ny taona faha-13, nanjakan’i Nabokodonozora mpanjaka, tamin’ny andro faha-22n’ny volana voalohany#2,1 Volana voalohany: izany hoe ny volana Nisàna., no nanapahana ny hevitra tao an-tranon’i Nabokodonozora mpanjakan’i Asiria, ny hamaliany. 2Dia nantsoiny avokoa ny loholony sy ny lehibe rehetra mbamin’ny mpiadiny, dia niara-nihevitra mangingina tamin’ireo izy. 3Nolazainy tamin’ireo fa ny hampanaiky ny tany rehetra ho ambany fahefany no fikasany. 4Nankatoavin’izy rehetra izany lahateniny izany, ka nampiantsoin’i Nabokodonozora i Hôlôferina#2,4 I Hôlôferina: Toa izy no lehibe faharoa manaraka ny mpanjaka, ao amin’ny fanjakana., komandy ben’ny tafika, 5nilazany hoe: «Miaingà ianao handeha hamely ny fanjakana rehetra any andrefana, indrindra indrindra ireo izay namotsifotsy ny teniko. 6Aoka ny masonao tsy hitsitsy#2,6 Ny masonao tsy hitsitsy: Tsy hisy hifidiananao, fa hasianao daholo. fanjakana iray akory, ary ampanekeo ahy avokoa ny tanàna mimanda rehetra.»
7Tamin’izay dia nantsoin’i Hôlôferina ny lehibe sy ny manamboninahitry ny foloalindahin’ny Asirianina, ka naka miaramila hiantafika, araka ny didin’ny mpanjaka izy; 120.000 no isan’ny miaramila an-tongotra, ary 12.000 ny an-tsoavaly mpandefa tsipìka. 8Rameva maro be tsy hita isa nitondra fitaovana sesehena ho an’ny miaramilany, sy andian’omby aman’ondry tsy tambo isaina, no nampialohainy ny tafiny. 9Nasainy novonoina eny amin’ny halehany ny vary avy amin’i Siria manontolo. 10Volamena sy volafotsy tsy hita noanoa no nalainy tao amin’ny tranon’ny mpanjaka. 11Dia niainga izy#2,11 Niainga izy: I Nabokodonozora koa angamba nanaraka ny tafika avy any aoriana; ary teny am-pandehanana dia namory miaramila betsaka amin’ny firenena izay nandalovan’i Hôlôferina. sy ny tafiny rehetra, mbamin’ny kalesy ama-mpitaingin-tsoavaly sy mpandefa tsipìka, ka nandrakotra ny tany, mova tsy ny valala. 12Nony avy namaky ny sisin-tanin’i Asiria izy, dia tonga teo amin’ireo tendrombohitra lehibe any Ange, izay ao avaratr’i Silisia, dia nitsofohany avokoa ny tanàna mimanda, dia afany daholo ny fiarovana rehetra. 13Nanihiny ka afany i Melitena#2,13 Melitena: tanàna malaza ao Kapadôsa any Asia Andrefana. Afany koa i Foda sy i Loda mbamin’i Tarsa sy ny tany rehetra momba azy. ilay tanàna malaza, ary nobaboiny avokoa ny mponina tao Tarsa, mbamin’ny taranak’i Ismaely izay nonina teo an-tandrifin’ny efitra, sy teo atsimon’i Selôna.
14Nita an’i Eofrata izy, dia nankany Mesôpôtamia, ary niadiany an-keriny avokoa ny tanàna mimanda rehetra tamin’izany tany izany, hatramin’ny mason-dranon-driaka Kaborasa#2,14 Kaborasa (grika Aborasa) renirano mivarina amin’i Eofrata. ka hatrany amin’ny ranomasina.
15Manaraka izany, dia azony avokoa ny tany rehetra manolotra an’i Eofrata, hatrany Silisia ka hatrany amin’ny faritanin’i Jafeta, izay mandroso mianatsimo. 16Nentiny ho babo avokoa ny taranak’i Madiàna#2,16 Madiàna: taranak’i Madaì, zanak’i Jafeta zanak’i Nôe (Jen 10,2). Anisan’ny firenena ela indrindra., norobainy daholo ny hareny ary novonoiny tamin’ny sabatra izay rehetra nanohitra azy. 17Avy eo dia nidina teny an-tsahan’i Damasa izy, tamin’ny fotoam-pijinjana, nandoro ny vokatra rehetra sy nampikapa ny hazo amam-boaloboka rehetra. 18Dia raiki-tahotra ny fiadiany ny mponina rehetra#2,18 Raiki-tahotra ny fiadiany ny mponina rehetra. Nahery tokoa i Hôlôferina sy ny tafiny; sady barbarianina sy masiaka tokoa izy; ka rehefa resiny izay nanohitra azy dia noravany ny tanàna, novonoiny ny olona, na nentiny ho andevo, tsy nasiany niangana na olona na biby na zava-maniry. amin’ny tany.
Voafantina amin'izao fotoana izao:
Jodita 2: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.