Jodita 12
12
1Dia ao amin’ilay nisy ny rakiny#12,1 Ny rakiny: Izany hoe: Ireo volamena sy volafotsy nalainy tao an-tranon’ny mpanjaka (Jereo toko 2,10). no nasain’i Hôlôferina nampandrosoina i Jodita, hipetraka ao ary tenany no nandahatra izay homena azy avy amin’ny sakafony. 2Fa hoy i Jodita: «Tsy azoko atao izao ny mihinana ny zavatra nasainao nomena ahy, fandrao tratry ny ota aho#12,2 Fandrao tratry ny ota aho. maro ny zavatra nohanin’ny firenena hafa, fa noraran’Andriamanitra tsy hohanin’ny vahoakany., fa ny zavatra efa nentiko ho ahy ihany no hohaniko.» 3«Ka inona no hataonay ho anao», hoy i Hôlôferina taminy, «raha lany ny hanina nentinao?» 4«Tompokolahy, hoy i Jodita, mianiana amin’ny ainao aho, fa tsy hahalany ireto vatsy rehetra ireto ny ankizivavinao, alohan’ny hanatanterahan’Andriamanitra amin’ny tanako, ny hevitra voakasako.» Dia nampidirin’ireo mpanompony tao amin’ny lay voalazany, ravehivavy. 5Nony niditra tao izy, dia nangata-dalana mba hahazo mivoaka amin’ny alina alohan’ny vaky masoandro, hivavaka sy hiantso ny Tompo. 6Ka nandidy ireo mpanompony i Hôlôferina hamela azy hivoaka sy hiditra araka izay tiany, mandritra ny hateloana, mba hivavaka amin’ny Andriamaniny. 7Koa nivoaka isan’alina izy, nankao amin’ny lohasahan’i Betolia sy nandro#12,7 Nandro: Alohan’ny fivavahana dia fomba ny misasa, tany amin’ny Jody sy ny firenena maro tany atsinanana. teo amin’ny loharano anankiray. 8Nony niakatra avy any izy, dia nivavaka tamin’ny Tompo Andriamanitr’i Israely mba hitarika ny diany ho amin’ny famonjena ny vahoakany. 9Raha efa izay dia niditra ao an-dainy izy, dia nitoetra ho madio ao, mandra-pisakafony amin’ny hariva.
I Jodita teo amin’ny fanasan’i Hôlôferina
10Tamin’ny andro fahefatra, nanao fanasana ho an’ireo mpanompony i Hôlôferina, ka nilaza tamin’i Vagao#12,10 Vagao: dia anarana fanomen’ny olona tany Persa ny eonòka rehetra. eonòkany hoe: «Mandehana taomy io Jody vavy io#12,10 Taomy io Jody vavy io: Ny hanao fitondran-tena atsy aminy no kendren’i Hôlôferina. I Jodita kosa natoky an’Andriamanitra fa hiaro azy tsy ho voaloto. hanaiky an-tsitrapo ny hiara-mipetraka amiko, 11fa fahafaham-baraka ho an’ny lehilahy amin’ny Asirianina raha vehivavy no hamazivazy azy sy handao azy tsy nanaiky ny faniriany.» 12Dia niditra tao amin’i Jodita i Vagao, ka nilaza taminy hoe: «Aoka ny zazavavy soa, tsy hatahotra ny hankany anilan’ny tompoko, homem-boninahitra eo anatrehany, ary hiara-mihinana aminy ary hisotro divay amin-kafaliana.» 13«Zinona moa aho, hoy ny navalin’i Jodita, no handà ny tompoko? 14Izay soa sy lavorary eo imasony dia hataoko avokoa, ary izay rehetra tiany indrindra no tsara indrindra ho ahy koa, amin’ny andro rehetra iainako.» 15Dia nitsangana izy, ary rehefa niravahany avokoa ny fihaingoany rehetra, dia niditra sy nankeo anatrehan’i Hôlôferina izy. 16Niontana ny fon’i Hôlôferina, fa main’ny fitsiriritana azy. 17Hoy i Hôlôferina taminy: «Misotroa ary mihinàna#12,17 Misotroa ary mihinàna; Ny fomba fanao tamin’izany tany izany, raha homan-kanina, dia somary mandry ilika kely eo ambonin’irony karazana farafara ataon’ny Frantsay hoe divan irony. an-kafaliana, fa nahita fitia eo imasoko ianao.» 18Ary hoy i Jodita: «Hisotro aho, tompoko, fa ity no andro nahazoan’ny fanahiko voninahitra indrindra, mihoatra noho ny tamin’ny andro rehetra niainako.» 19Ny efa nomanin’ny ankizy vaviny no noraisiny dia nihinana sy nisotro teo anatrehany izy. 20Nentanin-kafaliana noho ny aminy loatra i Hôlôferina ka nisotro divay tsy anerany; tsy mbola nisy andro nisotroany be toy izany hatrizay niainany.
Voafantina amin'izao fotoana izao:
Jodita 12: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.