Izaia 61
61
Asa anirahana ny mpaminany
1Ato amiko ny fanahin’i Iaveh#61,1 Ato amiko ny fanahin’i Iaveh, sns. I Izaia eto dia milaza ny tenany ho toy ny tandindon’i Jesoa Kristy fotsiny, fa i Jesoa Kristy indrindra no iharan’ireo teny ireo (Lk 4,16-21). Ampitahao amin’ny Iz 49,1 sy ny manaraka., Tompo,
satria voahosotr’i Iaveh aho;
nirahiny hitondra teny soa mahafaly amin’ny mahantra,
hamehy ny ferin’ireo torotoro fo;
hampandre ny babo fa afaka#61,1 Hampandre ny babo fa afaka: Izany teny izany, dia nalaina tamin’ny Lev 25,10; ampitahao amin’ny Iz 46,17; ka mampahatsiaro ny namoronana ny Jobily.
sy ny ao an-tranomaizina fa alefa;
2hitory taom-pahasoavana#61,2 Taom-pahasoavana: Hain-teny enti-milaza ny Jobily izany. anankiray ho an’i Iaveh,
sy ny andro famaliana anankiray ho an’ny Andriamanitsika;
hampionona ny tra-pahoriana rehetra.
3Hitondra ho an’ny tra-pahoriana ao Siôna
sy hanasatroka azy ny satroboninahitra
ho solon’ny lavenona,
diloilo fifaliana ho solon’ny fisaonana
akanjo firavoravoana, ho solon’ny fahareraham-po;
dia hantsoin’ny olona hoe: terebintan’ny#61,3 Terebinta: Izay ngeza ny vatany, maitso mandrakariva ny raviny. fahamarinana,
volin’i Iaveh ho an’ny voninahiny.
4Amin’izany izy ireo dia hanangana ny efa rava ela;
hanarina indray ny sisan’izay voafongotra fahiny;
hamboatra ny tanàna simba,
mbamin’ny korontan-javatra rava tamin’ny taona lasa.
5Ho eo ny vahiny, hiandry ny biby fiompinareo;
ny zanaky ny hafa firenena,
ho mpiasanareo sy mpamboly voalobokareo.
6Fa ianareo kosa hataon’ny olona hoe:
«mpisoron’i Iaveh.»#61,6 Fa ianareo kosa atao hoe: «Mpisoron’i Iaveh». Eo amin’ny Jentily efa tonga mpanompon’i Iaveh, i Israely dia hohajaina sy homem-boninahitra lehibe, ho toy ny mpisorona eo amin’ny Jody.
sy hantsoin’ny olona hoe: «Mpandraharahan’ny Andriamanitsika.»
Hihinana ny haren’ny firenena ianareo;
hihaingo amin’ny zavatra kanto avy aminy,
ary hitafy ny fiamboniana nananany.
7Ho solon’ny henatrareo taloha,
dia anjara roa no horaisinareo,
ary ho solon’ny fahafaham-baraka,
dia hifaly amin’ny anjarany avy izy ireo,
ka dia hahazo anjara roa eo amin’ny taniny izy ireo,
dia hisy fifaliana mandrakizay ho azy.
8Fa izaho Iaveh dia tia ny rariny,
halako ny fandrobana atao amim-pamadihana;
homeko ny valin’ny asany amim-pahamarinana izy,
ary hanao fanekena mandrakizay amin’izy ireo Aho.
9Ny taranak’izy ireo, halaza eny amin’ny firenena;
ary ny tanimanga any amin’ny firenen-tsamihafa.
Izay hahita azy hahalala azy avokoa,
fa taranaka nosoavin’i Iaveh izy ireo.
10Ho revon-kafaliana eo amin’i Iaveh aho,
ary hiravoravo amin’ny Andriamanitro ny foko,
satria notafiany fitafiam-pamonjena aho,
ary nakanjoiny akanjom-pahamarinana,
toy ny mpampakatra miravaka diadema eo an-dohany;
toy ny ampakarina miraratra ny firavany sarobidy.
11«Fa toy ny ampanirian’ny tany ny tsimoka eo aminy,
toy ny ampitsimohan’ny zaridaina ny voa nafafy eo aminy
no ampanirian’i Iaveh Tompo ny fahamarinana,
sy ny fiderana eo anatrehan’ny firenena rehetra.»
Voafantina amin'izao fotoana izao:
Izaia 61: MBC
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.