Ezekiela 29
29
Teny mamely an’i Ejipta
(Jereo Iz 19; Jer 46)
1Tamin’ny taona faha-10#29,1 Tamin’ny taona faha-10, sns. Izany hoe, taonan’ny nahavoababo an’i Jekôniasa sy I Ezekiela (jereo toko faha-8,1)., volana faha-10, andro faha-12n’ny volana, tonga tamiko ny tenin’i Iaveh nanao hoe: 2Ry zanak’olona, atodiho mankany amin’i Faraôna mpanjakan’i Ejipta ny tavanao, ka maminania ny aminy sy ny amin’i Ejipta manontolo. 3Mitenena ka ataovy hoe:
Izao no lazain’ny Tompo Iaveh:
Indro ho avy ao aminao Aho, ry Faraôna, mpanjakan’i Ejipta,
ianao ilay mamba makadiry,
mandry eo afovoan’ireo oninao, sy nanao hoe:
«Ahy ny oniko,
fa izaho no nanao azy ho an’ny tenako.»
4Hanisy farango ny valanoranonao Aho,
hampiraikitra ny hazandrano#29,4 Hazandrano...rehetra. Fanoharana entina milaza ny vahoakan’ny mpanjakan’i Ejipta, izay hiraikitra amin’io mpanjaka io, hino azy ho tsy mety resy, tsy laitry ny zana-tsipìkan’ny fahavalony; ho hitan’izy ireo fa ho vaobeda izy ka hindaosina any an-tany hafa, ka any no hahafatesany. ao amin’ny oninao, amin’ny kiranao,
ary hampiakatra anao avy ao amin’ny oninao,
dia ianao mbamin’ny hazandranon’ny oninao
rehetra tafaraikitra amin’ny kiranao.
5Hatsipiko any an’efitra ianao,
mbamin’ny hazandrano rehetra ao amin’ny oninao;
dia hiankarapoka eny an-tampon-tanety,
ary tsy hisy hanarina na hanangona,
fa efa nomeko hohanin’ny biby eny an-tsaha sy ny voromanidina.
6Dia ho fantatry ny mponina rehetra any Ejipta fa Iaveh Aho:
- satria efa tehina volotara ho an’ny taranak’i Israely izy ireo.-
7Raisiny amin’ny tanana ianao, dia tapaka,
sady mandrotidrotika ny sorony rehetra;
mitehina aminao indray izy, dia folaka ianao,
ataonao tafatehina amin’ny valahany avokoa.#29,6-7 Mitaraina ny mpaminany ary maniry an’i Ejipta: satria izy nanome toky hanampy an’i Israely amin’ny adiny amin’i Asiria, nefa tsy nanampy.
8Koa izao no lazain’ny Tompo Iaveh: Indro hahatonga sabatra hamely anao Aho, ary handringana ny olona sy ny biby eo aminao; 9ka ho zary tany lao sy efitra ny tany Ejipta. Dia ho fantatry ny olona fa Iaveh Aho. Noho i Faraôna nanao hoe: «Ahy ny ony, ary izaho no nanao azy», 10noho izany dia indro Aho ho avy ao aminao sy ny oninao; ka ataoko zary zavatra rava sady foana no nidiran-doza ny tany Ejipta, hatrany Migdôla#29,10 Migdôla: Dia tany amin’ny faran’i Ejipta amin’ny avaratra. Ny hevitry ny hoe Migdôla dia trano avo, ary voalaza ao amin’ny Eks 14,2 sy ao amin’ny Fanis 33,7; ary ao amin’ny Jer 46,14 izy. ka hatrany Siena#29,10 Siena: Dia tany farany atsimo amin’i Ejipta; mbola voalaza koa io tany io ao amin’i Ezek 30,6., ary hatrany amin’ny sisin’ny tanin’i Etiôpia. 11Tsy hodiavin-tongotr’olona intsony eo; ary ny tongo-biby tsy handia azy, ary tsy hisy mponina eo, mandritra ny efapolo taona. 12I Ejipta, hataoko tany foana eo amin’ny tany lao rehetra; ary ny tanànany, eo afovoan’ny tanàna rava, dia ho tany lao foana mandritra ny efapolo taona; haeliko any amin’ny firenena ny Ejiptianina, ary hahahako any amin’ny tany samihafa izy.
13Fa izao no lazain’ny Tompo Iaveh: Rehefa tapitra ny efapolo taona, hangoniko ny Ejiptianina avy any amin’ny firenena nielezany, 14haveriko indray ireo voababo avy any Ejipta, ka hampodiko amin’ny tany Patrôsa#29,14 Patrôsa: Fizaran-tany madinika any Ejipta Ambony, na Tebaida., any amin’ny tany niaviany, ary ao izy dia ho fanjakana ambanimbany. 15Ho fanjakana ambany i Ejipta#29,15 Ho fanjakana ambany i Ejipta. Nifandimby nanapaka an’i Ejipta ny Persa, ny Grika, ny Rômanina, ny Arabo, ny Silamo, ny Torka mandraka ankehitriny., raha samy fanjakana, ary tsy hisandratra ho ambonin’ny firenena, hohavitsiko ny isany, mba tsy hanapahany ny firenena. 16Tsy ho fitokian’ny taranak’i Israely intsony izy; hampahatsiarovina azy ny heloka nataony, tamin’ny nitodihany nankany aminy; dia ho fantatry ny olona fa Tompo Iaveh Aho.
17Tamin’ny taona faha-27, volana voalohany, andro voalohan’ny volana, dia tonga tamiko ny tenin’i Iaveh nanao hoe:
18Ry zanak’olona, i Nabokodonozora, mpanjakan’i Babilôna, nampanao fanompoana mafy ny miaramilany, namely an’i Tira; tonga sola avokoa ny lohany, mangana avokoa ny sorony; nefa tsy nahazo karama kely akory tamin’i Tira, na ho an’ny tenany na ho an’ny miaramilany tamin’ny fanompoana nataony, namelezany azy. 19Koa izao no lazain’ny Tompo Iaveh: Indro omeko an’i Nabokodonozora#29,19 Indro omeko an’i Nabokodonozora. Ho valin’ny nanetreny an’i Tira, araka ny sitrapon’Andriamanitra dia nomen’Andriamanitra an’i Ejipta i Nabokodonozora. mpanjakan’i Babilôna, ny tany Ejipta, ka halainy ny hareny ao; hobaboiny izay azo baboina ao; horobainy izay babo ao, ary hoentiny izay remby azo aminy, dia ho karama izany ho an’ny tafiny. 20Ho valin’ny asa nataony namelezany an’i Tira, omeko azy ny tany Ejipta; satria niasa ho Ahy izy ireo - teny marin’ny Tompo Iaveh. -
21Amin’izany andro izany, hampaniriako tandroka#29,21 Tandroka: Ny heviny dia tanjaka, fahefana. ny taranak’i Israely, ary hampiloa-bava anao Aho eo amin’izy ireo; ka ho fantany fa Iaveh Aho.
Voafantina amin'izao fotoana izao:
Ezekiela 29: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.