Ezekiela 24
24
Ambara fa hatao fahirano i Jerosalema
1Tonga tamiko ny tenin’i Iaveh tamin’ny taona fahasivy, volana fahafolo, andro fahafolon’ny volana, nanao hoe: 2Ry zanak’olona, ataovy an-tsoratra izao#24,2 Ataovy an-tsoratra izao: I Ezekiela, izay tany Mezôpôtamia tamin’izay, dia nahazo didy tamin’Andriamanitra mba hanoratra, fa androtr’io ihany, no fotoana nanaovan’i Nabokodonozora fahirano an’i Jerosalema. Ny antony, dia mba hahitan’ireo Jody niara-nitoetra taminy, izay tsy maintsy handre vaovao momba ny renivohitry ny tanindrazany, fa tsy kitoatoa ny faminanian’i Ezekiela, ka mba tsy hisalasalan’izy ireo amin’ny faminaniany. andro izao: dia izao mason’andro izao, fa amin’izao andro izao indrindra no niantorahan’ny mpanjakan’i Babilôna tamin’i Jerosalema. 3Manaova fanoharana amin’ny taranaka miodina, ka lazao aminy hoe: Izao no lazain’ny Tompo Iaveh: Atsangano ny vilany#24,3 Atsangano ny vilany. Fanoharana efa natao (11,3) ka averina eto indray. Natoky ny Jody fa hoarovan’i Jerosalema izy ireo, toy ny hena ao am-bilany; kanjo ho ringana foana eo izy.; atsangano izy, ka asio rano. 4Dia arotsahy ao ny didin-kena#24,4 Arotsahy ao ny didin-kena: Ny didiny tsara, ny nofom-peny, sns. Ny olon-drehetra, ny mponina ao Jerosalema, ny tonga tao aminy avy amin’ny manodidina: ny lehibe, ny mpanan-karena, ny miaramila mbamin’ny manamboninahitra sy ny mpanjaka., ny didiny tsara rehetra; ny nofom-peny ama-nofon-tsorony; fenoy taolana voafantina izy, 5Izay tsara indrindra amin’ny andian’ondry no alaovy, dia tohofy taolana betsaka eo ambanin’ny vilany; ataovy mangotraka mivadibadika fatratra izy mba ho masaka koa ny taolana ao anatiny.
6Ka izao no lazain’ny Tompo Iaveh: Loza ho an’ny tanàna mpandatsa-dra, vilany misy taim-barahina ao anatiny, ka tsy afaka tao aminy ny taim-barahina! Loary tsirairay ny didin-kena#24,6 Loary ny didin-kena: Ataovy foana ny anaty vilany. Izany hoe, i Jerosalema dia hatao foana, hovonoina daholo ny ao anatiny., aza anaovana filokana, 7fa ny ra nalatsany dia mbola ao aminy; nataony teo amin’ny vatolampy mangadihady fa tsy nalatsany tamin’ny tany hosaronan’ny vovoka. 8Mba hampirehitra ny hatezerana ary mba hanao famaliana azy, dia natoko latsaka tamin’ny vatolampy#24,8 Tamin’ny vatolampy, sns. Natahotra ny ra aoka izany erỳ ny Hebrio; noho izany dia fomban’izy ireo ny manoto-bovoka haingana ny ram-biby izay novonoiny (Lev 17,13). Nefa hafa lavitra noho izany i Jerosalema, izay nandatsaka tsy hoe ram-biby fotsiny, fa ran’olombelona, olona tsy manan-tsiny, dia tsy mba nosaronany vovoka mba tsy ho hita ahay; fa vao mainka naparitany tamin’ny vatolampy mangadihady, mba ho voasoratra eo sady hijanona ho hita eo maharitra ela. mangadihady ny ra nalatsany tsy ho voasarona.
9Ka izao no lazain’ny Tompo Iaveh: Loza ho an’ny tanana mpandatsa-dra. Izaho koa hanangona antontan-kitay betsaka. 10Angony ny kitay hazo, ampireheto ny afo, ataovy motraka ny hena, ataovy mangotraka ny koban-kena, ary aoka ho levon’ny afo koa ny taolana. 11Dia ataovy eo ambony vainafo ny vilany foana, hahafana azy, hahamay ny varahina, hiempoan’ny lotony ao anatiny, hahalevona ny taim-barahina. 12Aim-bery foana#24,11-12 Aim-bery foana: Izany hoe, natao izay hanadiovana an’i Jerosalema, nefa tsy nety nadio.! fa tsy mety afaka ny vongan-taim-barahiny, maharitra ny afo ny taim-barahiny. 13Misy zavatra lozan-tany amin’ny lotonao: satria tsy mety madio ianao, rehefa nodioviko dia tsy ho voadio amin’ny lotonao na oviana na oviana ianao, raha tsy efa nataoko mipetraka aminao ny hatezerako. 14Izaho Iaveh no niteny, ho tonga izany ary hotanterahiko: tsy hiahotrahotra Aho, na hitsimbina, na hanenina, Hotsaraina araka ny nataonao sy ny helokao be vava ianao, - teny marin’ny Tompo Iaveh.
Fitsapana nihatra tamin’ilay mpaminany
15Tonga tamiko ny tenin’i Iaveh, nanao hoe: 16«Ry zanak’olona, indro hesoriko tampoka aminao, amin’ny indray mitselaka monja, ilay fifalian’ny masoandro; nefa aza midradradradra na mitomany, na mandatsa-dranomaso akory. 17Misentoa mangingina, fa aza misaona ny maty, Ataovy amin’ny lohanao ny hamamanao, asio kiraro ny tongotrao, aza saronana ny volombavanao, ary aza mihinana ny mofom-piononana.»
18Nony maraina dia niteny tamin’ny olona aho, ka ny harivan’izany ihany dia maty ny vadiko; ary ny ampitso maraina indray dia notanterahiko izay nandidiana ahy. 19Ka hoy ny olona tamiko: «Tsy hovoasanao aminay va izay hevitra mahazo anay amin’izao ataonao izao?» 20Dia izao no nolazaiko tamin’ireo: «Tonga tamiko ny tenin’i Iaveh nanao hoe: 21Lazao amin’ny taranak’i Israely hoe: Izao no lazain’ny Tompo Iaveh: Indro, hovetavetaiko ny fitoerako masina, ilay reharehan’ny herinareo, fifalian’ny masonareo, fitiavan’ny fanahinareo; ary ho lavon-tsabatra ny zanaka lahinareo aman-janaka vavinareo, izay nilaozanareo. 22Amin’izany ianareo, hanao toy izao nataoko izao: tsy hanarona ny volombavanareo; tsy hihinana ny mofom-piononana. 23Ho eo an-dohanareo ihany ny hamamanareo, ary ho eo an-tongotrareo ny kiraronareo, tsy hidradradradra na hitomany, fa hihalevona ao anatin’ny helokareo ianareo, ka hitoloko eo am-pifanilanareo. 24I Ezekiela no famantarana ho anareo; izay rehetra nataony no hataonareo, rehefa tonga izany; dia ho fantatrareo fa Izaho no Tompo Iaveh.»
25Ary ianao, ry zanak’olona, amin’ny andro hanesorako amin’izy ireo ny heriny, ny voninahiny, ny firavoravoany, ny fahafinaretan’ny masony, ary ny fanirian’ny fanahiny; - dia ny zanany lahy aman-janany vavy; - 26amin’izany andro izany, hisy olona mpandositra hankatỳ aminao, hilaza izany vaovao izany aminao. 27Amin’izany andro izany, dia amin’ny fahatongavan’ilay mpandositra vao hisokatra ny vavanao, ka hiteny ianao fa tsy ho moana intsony#24,27 Hiteny ianao fa tsy ho moana intsony. Tokoa fa tsy niteny intsony tamin’ny babo i Ezekiela; fa tamin’ny nahatongavan’ilay mpandositra anankiray nilaza ny nandravana an’i Jerosalema vao niteny indray. Fa tamin’izay dia hita fa marina ny faminaniany fa tanteraka, ka tonga tò teny tamin’ny olona izy.; ary ho famantarana ho azy ireo ianao, dia ho fantatr’izy ireo fa Tompo Iaveh Aho.
Voafantina amin'izao fotoana izao:
Ezekiela 24: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.