Ezekiela 19
19
Fitomaniana an’ireo mpanjakan’i Israely
1Ary ianao, manaova fitomaniana an’ireo mpanapaka an’i Israely#19,1 Mpanapaka an’i Israely: Ny zanak’i Josiasa lehilahy tia vavaka no lazaina amin’izany, dia i Jôakaza sy i Jôakima ary i Sedesiasa., ka ataovy hoe:
2Nahoana ity reninao, no nandry toy ny liombavy#19,2 Liombavy: Dia i Jerosalema izany; liondahy kosa dia ny mpanjakan’ny firenen-tsamihafa; ary ny liona tanora dia ireo mpanjaka zanak’andriana nandimby an’i Josiasa (2Mpa 23,34; 24,12).,
eo amin’ireo liondahy?
Eo afovoan’ireo liona tanora
dia namelona ny zanany izy.
3Nobeaziny ny iray amin’ireo zanany#19,3 Iray tamin’ireo zanany: I Jôakaza; dia izy ihany no mpanjakan’i Jodà nentina ho babo tany Ejipta (and faha-4).,
ka tonga liona tanora;
nianatra hamiravira ny hazany io;
dia nihinana olona.
4Nandre ny lazany ireo firenena,
ka voasambotra tao an-davany izy.
Nitondra azy rehefa nasiany faraingo ny vavany,
ho any amin’ny tany Ejipta.
5Hitan’ity liom-bavy fa miandry foana izy
fa very ny fanantenany,
dia naka iray hafa tamin’ireo zanany#19,5 Iray hafa tamin’ireo zanany: I Joasina izay tsy nanjaka afa-tsy telo volana monja. I Joasina dia atambatra amin’i Jôakima rainy. indray izy,
ka nataony tonga liona io.
6Nandeha teo amin’ireo liona io,
ka tonga liona tanora.
Nianatra hamiravira ny hazany izy,
dia nihinana olona.
7Nahalala ny mpitondra tena eo aminy izy,
nandrava ny tanànany;
nivadi-po ny tany mbamin’izay rehetra teo aminy,
noho ny fitreron’ny fierony.
8Tamin’izany ny firenena amin’ny tany manodidina
nanainga hamely azy
sy namela-pandrika harato teo amboniny,
dia azony tao an-davany izy,
9ka nalatsany amin’ny fonja,
nasiany faraingo ny vavany,
nentiny ho amin’ny mpanjakan’i Babilôna,
nentiny ho any amin’ny trano mimanda,
mba tsy handrenesana ny feony intsony,
eny an-tendrombohitr’i Israely.
10 # 19,10 Fanoharana hafa ity. Voaloboka mirobona fa nodoran’ny afo nivoaka avy amin’ny rantsany iray. I Israely no voaloboka, ary i Sedesiasa mpivadika amin’Andriamanitra no rantsany nivoahan’ny afo nandoro azy. Toy ny voaloboka ny reninao tamin’ny andro nanambinana anao,
voavoly teo amoron-drano izy,
namoa sady nandravina,
noho ny habetsahan’ny rano.
11Nanan-drantsana mafy izy,
hatao tehin’ny mpanapaka#19,11 Tehin’ny mpanapaka. Ny zanak’andriana tonga mpanjaka no ambara eto.,
ary nisondrotra ho avo izy
eo afovoan’ny sampana milobolobo;
ka niseho tamim-boninahitra izy,
mbamin’ireo rantsany maro.
12Kanjo, nongotana tamin-katezerana#19,12 Tamin-katezerana: Nisafoaka mafy i Nabokodonozora tamin’ny fivadihan’i Sedesiasa, izay nanome toky sy nianiana tsy nisy toa azy, kanjo nanjary niandany tamin’ny mpanjakan’i Ejipta.
ka nazera amin’ny tany,
ary ny rivotra avy atsinanana nanamaina ny voany:
voafolaka ka nihamaina ny rantsany mafy,
dia levon’ny afo izy.
13Ary ankehitriny, indro izy nambolena any an’efitra,
amin’ny tany maina sy karankaina.
14Nisy afo nivoaka avy amin’ny sampany anankiray,
ka nandevona ny voany;
tsy manan-tsampana mahery intsony izy,
na tehina fanapahany.
Fitomaniana izany, sady ho tonga fitomaniana.
Voafantina amin'izao fotoana izao:
Ezekiela 19: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.