Bokin’i Daniela 8
8
FAHITAN’I DANIELA: NY ONDRY LAHY SY NY OSY LAHY
Ny fahitana
1Tamin’ny taona fahatelo nanjakan’i Baltasara mpanjaka, nisy fahitana niseho tamiko izaho Daniela, taorian’ilay niseho tamiko taloha. 2Ary nahita aho tamin’ny fahitana, ary nony nijery aho dia indro tany Sosa, ilay tanàna mimanda any amin’ny faritanin’i Elama#8,2 Elama: Faritany any Persa, izay atao hoe koa Elimaida., no nisy ahy; ary nahita aho tamin’ny fahitana, ka teo amoron’ny ony Olay#8,2 Olay: Renirano mampisaraka an’i Sosiana amin’i Ejipta; Eolé no ilazana azy amin’ny jeografia. aho. 3Natopiko ny masoko, dia nahita aho, dia indro nisy ondralahy iray#8,3 Ondralahy iray: Izany ondralahy izany, dia ohatra enti-milaza ny fanjakan’ny Persa sy ny Meda (Dan 8,20). nitsangana teo amoron’ny ony, nanan-tandroka roa izy io, avo ny tandrony#8,3 Avo ny tandrony: Ny hevitr’izany dia hoe, ny fahefan’ny Persa dia ambony noho ny an’ny Meda. roa, nefa lava noho ny namany ny anankiray, ary ilay lavalava kokoa no niposaka taoriana. 4Hitako ilay ondralahy fa nanoto niankandrefana#8,4 Nanoto niankandrefana, sns. Izany hoe, ny Persa dia nandresy tao andrefana, i Babilôna sy i Lidia; tao avaratra, i Armenia sy i Baktriana; tao atsimo, i Siria sy i Ejipta., nianavaratra, nianatsimo; tsy nisy biby nahatoha teo anoloany, tsy nisy olona nahafaka teo an-tanany; nanao izay tiany izy, ary nihalehibe#8,4 Ary nihalehibe: Nanitatra ny tany azo tamin’ny ady tamin’ireo manodidina azy ny mpanjakan’ny Persa, ka tsy nisy sahy nanohitra azy ireo.. 5Izaho izany dia nandinika fatratra teo, ka indro nisy vantotr’osilahy#8,5 Vantotr’osy lahy: Izany dia ohatra hilazana ny fanjakan’ny Grika. tonga avy any andrefana, teo ambonin’ny tany rehetra, tsy nitehin-tany akory, ary nanan-tandroka#8,5 Tandroka: I Aleksandra ilay malaza, izay mpanjakan’izy ireo voalohany no lazaina amin’izany. niharihary tsara teo anelanelan’ny masony, izany osilahy izany. 6Nankeo amin’ilay ondralahy nanan-tandroka roa izay efa hitako nitsangana teo amoron’ny ony izy, ary niezaka hikatroka amin’io, tamin’ny firehitry ny heriny. 7Dia hitako izy nanatona ilay ondralahy, nisafoaka taminy, mamely ity ondralahy ary nanapaka ny tandrony roa, ary tsy nanan-kery akory mba hanoha azy ilay ondralahy; fa nazerany tamin’ny tany, nohoseny tamin’ny tongony; ary tsy nisy nahavonjy an’ity ondralahy teny an-tanany. 8Nitombo fatratra ilay vantotr’osy lahy ary nony efa nahery izy, tapaka ilay tandrony lehibe, fa tandroka efatra#8,8 Tandroka efatra. Maty tampoka i Aleksandra ilay malaza, tao afovoamboan’ny fandreseny, ka dia nizara ho fanjakana efatra izay samy nisy mpanjaka avy ny fanjakany (301 taona talohan’i Jesoa Kristy). indray no hitako nisolo iny tamin’ny vazantany efatra.
9Nisy tandroka kely#8,9 Tandroka kely: Antiôkosa Epifana, ilay mpanjaka mpanompo sampy voalohany, izay nikasa, tsy hoe hampanaiky ny tanin’i Israely fotsiny, fa ny handrava ny fivavahan’i Iaveh, ao amin’io tany io indrindra. iray nipoitra avy tamin’ny anankiray tamin’ireo, nitombo fatratra teny atsimo#8,9 Teny atsimo: Ireo dia safeli-teny milaza ny fanafihan’i Antiokosa an’i Ejipta sy Babilôna ary Persa (176-168 taona talohan’i Jesoa Kristy). eny sy teny atsinanana, ary tany amin’ny tany be voninahitra#8,9 Tany be voninahitra. Matetika dia manao io anarana io ny mpaminany ho enti-manonona an’i Jodà (toko 11,16; Jer 3,19; Ezek 20,6-15).. 10Nitombo izy nahatakatra ny tafiky ny lanitra, nazerany amin’ny tany ny sasany tamin’izany tafika izany mbamin’ny kintana, ka nohoseny tamin’ny tongony. 11Nitombo nahatakatra ny filohan’ny tafika izy, ka nesoriny tamin’io ny fanompoana tsy tapaka ary voarava ny tokotanin’ny fitoerana masina. 12Nisy tafika anankiray voatolotra tamin’ny fahavalo noho ny fivadihana, mbamin’ny famonoana tsy tapaka, ary nazeran’ny tandroka tamin’ny tany ny fahamarinana: nanao izany izy ka nahefa. 13Dia nisy masina anankiray reko niteny, ka hoy ny masina anankiray hafa, tamin’ilay niteny: «Mandra-pahoviana no haharetan’izay asehon’ny fahitana ny amin’ny fanompoana tsy tapaka, ny fahotana mampahory, mbamin’ny fandaozana ny fitoerana masina sy ny tafika hohitsakitsahina?» 14Ary hoy izy tamiko: «Hatramin’ny telon-jato amby roa arivo maraina sy hariva, fa rehefa afaka izany dia hodiovina ny fitoerana masina.»
Ny Anjely Gabriely manazava ilay fahitana
15Raha mbola nahita izany fahitana izany aho Daniela, sady nitady hahafantatra ny heviny, dia indro nisy nitsangana teo anatrehako, niseho toy ny tarehin’olona. 16Ary injay, nisy feon’olona reko avy ao amin’ny ony Olay niantso nanao hoe: «Ry Gabriely#8,16 Gabriely: Ilay Anjely mitondra izany anarana izany, izay naka tarehin’olombelona., lazao azy ny hevitry ny fahitana!» 17Dia nankeo amin’ilay toerana nitsanganako izy, ka raiki-tahotra sy niankarapoka nihohoka tamin’ny tany aho, nony nanatona izy. Ary izao no nolazainy tamiko: «Aoka ho fantatrao, ry zanak’olona, fa amin’ny momba ny fotoana farany, izany fahitana izany.» 18Mbola niteny tamiko teo izy, no nihohoka tamin’ny tany aho voan’ny torimaso, nefa notohininy aho, dia nampitsanganiny teo amin’ny fitoerana nisy ahy 19sy nilazany hoe: «Indro hampahafantariko anao, izay ho tonga any amin’ny fotoam-pahatezerana any am-parany, fa zavatra ho amin’ny fotoana any am-parany, izany. 20Ilay ondralahy manan-tandroka roa hitanao, dia ny mpanjakan’ny Meda sy ny Persa; 21ilay osy lahy lava volo, dia ny mpanjakan’i Javàna ary ilay tandroka lehibe tanelanelan’ny masony, no mpanjaka voalohany. 22Izany tandroka izany no tapaka ary ireo tandroka efatra no nitsangana nandimby azy, dia hisy fanjakana efatra hitsangana amin’izany firenena izany, nefa tsy hitovy hery aminy. 23Amin’ny faran’ny fanjakan’izy ireo, rehefa feno isa ny mpivadika, dia hisy mpanjaka anankiray hitsangana; 24hitombo fahefana, nefa tsy amin’ny herin’ny tenany, hanao fandravana mahagaga: hahefa izay kendreny hatao, ary hanimba ny mahery sy ny vahoakan’ny olo-masina#8,24 Vahoakan’ny olo-masina: Izany hoe, ireo vahoaka notahin’Andriamanitra, dia ny Jody izay nijaly tamin’ny fanafihana nahafaty vahoaka, tamin’ny andro nanjakan’i Antiôkosa (2Mak 1,55 sy ny manaraka).. 25Noho ny hafetseny hahavoa ny fitaka any an-tanany: hiavonavona am-po izy, ary handringana olona maro mitoetra feizay: hitsangan-kanohitra ny mpanjakan’ny mpanjaka izy, nefa ho torotoro tsy kasihin-tanan’olombelona akory. 26Marina ny fahitana naposaka ny amin’ny hariva sy ny maraina: nefa aoka hahoronao izany fahitana izany, fa mbola ho amin’ny andro any aoriana any.»
27Ary izaho Daniela torana sy nandraingiraingy andro maro, vao nitsangana nanao ny raharahan’ny mpanjaka. Talanjona tamin’ny fahitako aho fa ny olona tsy nisy nahafantatra izany.
Voafantina amin'izao fotoana izao:
Bokin’i Daniela 8: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.