SALMOS 32
32
1Ba nez ẕen naken che bennen' Dios ba benít ḻawe' x̱toḻe'e,
na' ba beké'e da' ẕinnj da' wbage'e.
2Ba nez ẕen naken che bennen' Dios bi žesbage'e ḻe' ẕia, bennen' bi ẕcache'e x̱toḻe'e.
3Kate' bi na' yex̱óalapa' doḻa' da' wbaga'a,
bedó ḻaža'a dan' wžeža' dot ža.
4Ḻawe' ža, na' yele bsako'o neda', X̱ana' Dios.
Bedó ḻaža'a ka žebiže bej nis byo' wbá ka'.
5Naž bex̱óalapa' doḻa' chia', na' bi bkacha'a da' ẕinnj dan' bena'.
Bechóg ḻaža'a bex̱óalapan' ḻawo' Le', X̱ana' Dios,
na' benít ḻawo'o Le' che x̱toḻa'a.
6Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake',
na' kate' žin da' wžía yin' benách ka',
dan' gaken ka to yegw nis ẕen da' bgóleḻe'en,
bi be gonen chegak benne' chio' ka'.
7Le' nako' ka to latje gan gak wkache' kwina',
na' wkache' chawo'o neda' gan bi be wsakan' benách chio' ka'.
Goḻkza' zižje ka besló' neda' dan' žox̱o' neda'.
8Ẕnna X̱anžon': “Wḻoe'ela' le' nez gan žaḻa' tio'.
Wsedla' le', na' wzejni'ila' le' da' žaḻa' gono'.
9Bi gako' ka to bžina' o to burrw, bia ka' bi žejní'igeklba',
bia ka' žon byenen nna biá'gako'-ba', na' ko'o ya žoá'agakba' nich góngakba' ka žénelo' le'.”
10Benne' ka' bi zej nake' chawe' žon byenen tégake' ḻo da' sáka'gake',
san benne' ka' žx̱en ḻáže'gake' X̱anžon',
Ḻe' žape chi'e ḻégake' ḻo yeḻa' ži'i ḻaže' chie'.
11Ḻe'e, benne' chawe' ka', le yebele
na' le soa ḻo yeḻa' ba nez, dan' gokḻen X̱anžon' ḻe'e.
Ḻo yeḻa' žebele le goḻ, dan' nakle ḻi ḻaže' ḻawe' Ḻe'.
Voafantina amin'izao fotoana izao:
SALMOS 32: zty
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2002, Wycliffe Bible Translators, Inc. All rights reserved.