Andinin-tSoratra Masina malaza indrindra nalaina tao amin'ny SALMOS 32

Hizara

Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.

Le' nako' ka to latje gan gak wkache' kwina', na' wkache' chawo'o neda' gan bi be wsakan' benách chio' ka'. Goḻkza' zižje ka besló' neda' dan' žox̱o' neda'.

Naž bex̱óalapa' doḻa' chia', na' bi bkacha'a da' ẕinnj dan' bena'. Bechóg ḻaža'a bex̱óalapan' ḻawo' Le', X̱ana' Dios, na' benít ḻawo'o Le' che x̱toḻa'a.

Ba nez ẕen naken che bennen' Dios ba benít ḻawe' x̱toḻe'e, na' ba beké'e da' ẕinnj da' wbage'e.

Ba nez ẕen naken che bennen' Dios bi žesbage'e ḻe' ẕia, bennen' bi ẕcache'e x̱toḻe'e.

Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake', na' kate' žin da' wžía yin' benách ka', dan' gaken ka to yegw nis ẕen da' bgóleḻe'en, bi be gonen chegak benne' chio' ka'.