रोमीकु 14
14
एटाअकु एड़े दोस आलपे लगाय
1 #
कोलो 2:16
जे बिसवास रे अबाड़ एदानिया, हुनी के अपन गाती रे इदीपे, बकिर कंहड़ी उपड़िङोः रेनअः बात के आलपे बहास के। 2जाहें बिसवासेआय ची हुनी के जामे बरन रअः जोजोमः के जोजोम लःअय छुट एदनाआ, बकिर जे अबाड़ाय, हुनी साःग पात गी जोमेआय, 3आउर जामा जिनीस जोजोम वाला का जोजोम वाला के आलकु तुछ किकु, आउर का जोजोम वाला जोजोम वालाकु रे दोस आलकु लगाव के, एता लःअय ची परमेसर हुंकू के अपनाव तदकुआय। 4एटाअ आलकु धाँगड़कु एड़े दोस ललगाव वाला आम ओके हेके, हुनी आला डिढ़ बनाव ताहिन चाहे नुरोअ, हुनी आली गोमके तेंग रे एदनाआ, आउर हुनी डिढ़ बनाल ताही कोआय एता लःअय ची परभु हुनी के डिढ़ बनाव दोदोहो रे समरथ एदानिया।
5ओके दो मुसिङ हिला के दोसरा हिला तरअः बाईढ़ केते मनाआकु, आउर ओके जामा हिला के मि लकान मनाआकु, दो जामे के अपन मन रे पुरा फैसलाअः चिकुपे। 6जे जहान दिन के बेस मनाआय, हुनी परभु लःअय मनाआय, आउर जे जोमेआय, हुनी परभु आला माईन लःअय जोमेआय, एता लःअय ची हुनी परमेसर के धन्यवाद एमाईयाय आउर जे काय जोमेआ हुनी परमेसर आला माईन लःअय काय जोमेआ आउर हुनी परमेसर आला धन्यवादेआय।
7आबु मेसे जाहें होः ना दो अपन लःअय जिवीःडोआकु, आउर ना अपन लःअय गोजोआकु। 8जदि आबु जिवीःडोआबु दो परभु लःअय जिवीडोआबु, आउर गोजोआबु दो परभु लःअय गोजोआबु, हिना लःअय आबु जिवीडोअबु चाहे गोजोअबु, आबु परभु आलकु गी हेके। 9एता लःअय ची ख्रीस्त निआँ लःअय गोएःग नेनाय आउर जिवीःड बिरिःड नेनाय, ची हुनी गोएःग उनकु आउर जिवीःड उनकु बनार कु आली परभु हुयाए।
10 #
2 कुरि 5:10
आम अपन बोको ताम एड़े एता लःअय दोस लगायाम? चाहे आम फिन अपन बोको ताम के तुछ समझाआम? आबु जामे परमेसर आला नेयाय रअः गद्दी मड़ांग तिंगु कोआबु। 11#जसा 45:23एता लःअय ची धरम पुथी रे लिखा लअः एदनाआ,
“परभु नोःआँ कंहड़ीआय, जे लकान ईङ जिवीःड एदानिङा,
जामे के ईङ मड़ांग रे ईइकड़ुम पड़ाव कोआ,
आउर जामेकु आम गी परमेसर हेके मेन केते मनाव कोआकु।”
12दो आबु मेसे जामे झन के परमेसर मड़ांग रे अपन हिसाब-पतर एमोअ हुयाव कोआ।
पपाप लःअय आलुम उकसाव किकु
13हिना लःअय मड़ांग ते आम हुनी-नुई रे दोस आलुम लगाय बकिर आम निआँ ठनाय मे ची जाहें अपन बोयहाकु के दादाअ चाहे ठोकोर रेनअः कारन आलुम पाड़ी कोअ। 14ईङ पड़ीईंग आउर परभु ईसु आली चेला हुयाअः रेनअः चलते ईङ पका पाड़ीईङ ची जहान जिनीस होः अपन रे छुंत कानोआ, बकिर जाहें नोकान समझाआय ची फलना जिनीस छुँता, दो हुनी लःअय होना छुँत जुनोआ।
15जदि आम अपन घोटो रेनअः चलते अपन बोको के दुख इमाइयाम, दो आम पेरेम रेनअः मोताबिक काम चलाआ। जे होड़ लःअय ख्रीस्त गोएःग नाय, आम अपन घोटो रेनअः चलते हुनी आला नास रेनअः कारन आलुपे पाड़ी कोअ। 16हिना लःअय आपे लःअय बेस एदनाआ होना के नि-निन्दा रअः मोका आलुम बनाव चिके। 17एता लःअय ची परमेसर आला राईज जोजोम नुनू रअः नालगे, बकिर होना पबितर आतमा तरअः भेटाव उना धरमिकता, सानती आउर रिझ हेके। 18जे नोःआँ बात तरअः ख्रीस्त के सेवाई याकु हुनी तरअः परमेसर खुस ताहीनोआय, आउर होड़कु हुनी के माईन इमाईयाकु। 19आबु नोकान बात रे लगाव ताहीनोआबु, जे सानती के बढ़ायाय, आउर जेकर तरअः आपस रे बढ़ाअः लःअय सहाड़ा भेटाआ। 20घोटो लःअय परमेसर आला काम के आलपे नास के, नोःआँ सच एदनाआ ची जामा किसीम रअः जोजमअ सुध एदनाआ, बकिर हुनी होड़ लःअय बुराई एदनाआ, जेके जोमे रे जाहें एटाअ के ठोकोर लगाआ। 21बढ़ियाँ दो नोःआँ एदनाआ, ची आम ना दो सिकार जोममे, आउर ना झारा-दारू नूयमे, आउर ना जहान नोकानेमे, जे तरअः बोको ताम तोहोडोआय। 22अपन आला बिसवास के परमेसर आउर अपन ताला रे दोहोयमे। धनया आय हुनी जे जिनीस के जामे तरअः बेस समझाआय, होना बात रे अपन खुदे दोसी काय ठहराआ। 23जे संका दोहो केते जोमेआय, हुनी डांड़ रिनी जुकूर ठहराव चुकावनाय, एता लःअय ची हुनी अपन बिसवास रेनअः मोताबिक काय चलाआ, आउर जे होः बिसवास रेनअः मोताबिक कनोआँ, होना पाप हेके।
Voafantina amin'izao fotoana izao:
रोमीकु 14: ASR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI CC BY-NC-ND 4.0