प्रेरित.कामी 23
23
1पौलुस बड़े पंचाईत पखा लुड़ीःग बिःड केते, तेकर “ए बोकोकु ईङ तिसिंग जगुत परमेसर आला नजाईर रे एकदम बेस भितरी मन रे जिवीःड तानिङ,” बेता लिकुआय। 2नोःआँ चलते हनानियस महापुरोहित हेनाःड तिंगु उनकु के, आहा ताय के थपड़ाई पे मेन केते हुकूम एमा लिकुआय। 3#सं.मत्ती 23:27,28पौलुस हुनी के बेता लियाय “ए चुना रे गोसोः लिनी भीत, परमेसर आमके हुमाअ केमेआय। आम कनहुन रअः मोताबिक ईङ आला फ-फैसला लःअय दुड़ूः तनाम तेकर आम कनहुन रअः बिरोध केते ईङ के हु-हुमाअ रअः हुकूम एमा कुआम?”
4जे हेनाःड रे तिंगु ताही नेनाकु, हुंकू “परमेसर आली महापुरोहित के उलटा-सीधा बेताईयाम एतान?” मेन केते बेता लियाकु।
5 #
उइठ 22:28
पौलुस “बोकोकु ईङ काईङ पाड़ी केना ची नुई महापुरोहित हेके, एता लःअय ची ‘अपन होड़कु आली राईज चलावी के उलटा-सीधा क-कंहड़ी कोवान चाही मेन केते धरम पुथी रे लिखा लेनअ एदनाअ’” मेन केते कंहड़ी रूवाड़ोः लिकुआय।
6 #
प्रे.कामी 26:5; फिलि 3:5 पौलुस बड़े पंचाईत रे बार खुड़हा एदान कुआ के पाड़ी केनाय, मियांड सदुकीकु आला एटाअ फरीसीकु आला खुड़हा हिना लःअय हुनी हकाव केते कंहड़ी लःअय, “ए बोकोकु! ईङ फरीसी हेके तेकर फरीसीकु आली होपोन हेके। गोएःग उनकु रअः जिवीःड-बिरिडोः रेनअः आसरा रआ चलते ईङ आला केंस-फाउदारी चलाअ ताना।”
7हुनी आला नोकान कंहड़ी चलते सदुकी तेकर फरीसीकु रे झगड़ा हुयाअः ताना तेकर सभा रे छिट-फुट हुयाव ना। 8#सं.मत्ती 22:23; सं.मर 12:18; सं.लुका 20:27एता लःअय ची सदुकीकु नोःआँ रे काकु बिसवासेआ, ना दो जिवीःड-बिरिडोः एदनाअ ना सिरमा राईज एदनाआ, ना सिरमादूत एदान कुआ आउर ना गी आतमा एदनाअ, बकिर फरीसीकु नोःआँ जामा रे बिसवासे-आकु। 9तब होनाःड़े मुरुक गुल-गबाड़ हुयाव ना। फरीसी खुड़हा रिनकु थोड़ेक धरम पुथी सि-सिखावकु तिंगुः नाकु तेकर “आले नुई होड़ रे एतान कसुर होः काले नामदा, साईंत आतमा चाहे सिरमादूत हुनी तरअः जहान कंहड़ी तदाकु होले दो फिन एतान?” मेन केते झगड़ान तानाकु।
10झगड़ा बढ़ाव सेनोः केना तेकर सरदार पौलुस के आलकु चिरा-फाड़ा की मेन केते बोरोः नाय, हिना लःअय हुनी पलटनकु के सभा रे सेन केते, पौलुस के हुंकू तलारे तरअः जबरजसती उड़ूंग-गी कु, तेकर छावनी रे ईदीकु मेन केते हुकूम एमा लिकुआय।
11हिना निदा परभु हुनी दुबाःड़े तिंगु केते बेता लियाय, “ए पौलुस डिढ़ेमे, एता लःअय ची जे लकान आम जिरोसलेम रे ईङ आला गोवाही एमा तदकुआम हिना लकान आम के रोम रे होः गोवाही एमोअ हुयाव कोआ।”
पौलुस के गो-गोएःग लःअय कुमायटी
12निदवाः ना दो थोड़ेक जाहुदीकु कुमायटी लअकु तेकर किरया जोम लअकु ची जब तक आले पौलुस के काले गुजिया जगुत, ना दो आले जोमेआले, ना नुयाले। 13नोःआँ कुमायटी रे चालीस झन तरअः बगरा होड़ गाती ताही नेनाकु। 14हुंकू महापुरोहित तेकर अगुवाकु दुबाःड़े सेन केते, “आले ठनाव तदाले ची जब तक आले पौलुस के काले गुजिया जगुत, आले एतान होः एरेले जोमेआ मेन केते कंहड़ी लअकु। 15आपे आउर बड़े पंचाईत रेनअः सलाहते पलटनकु आली सरदार के, खभाईर उदूः गिपे ची हुनी पौलुस के ईङ आउर बढ़ियाँ से हुनी आला मामला के जजाचाँव नाम तनाले, नोःआँ बहना रे आले दुबाःड़े भेजाईपे मेन केते समझाई पे। हुनी नोआँड़े सोदोरोः तरअः पहिल रेगी आले हुनी के गोगोएःग लःअय तेयार ताहीनोआले।”
16पौलुस आली भाईगना हुंकू हुनी के गोगोएःग लःअय कुमायटी तदाकु सेके आयुम लःअय, दो छावनी रे सेन केते पौलुस के नोःआँ रेनअः खभाईर एमा लियाय। 17पौलुस सुबेदारकु रे मिहोंड़ के आएंग दुबाःड़े रअः केते, “नुई कोड़ा के पलटनकु आली सरदार दुबाःड़े ईदी मे नुई के हुनी जहानअ क-कंहड़ी चहाअ तनाय,” मेन केते बेता लियाय। 18हुनी कोड़ा के पलटनकु आली सरदार दुबाःड़े ईदी केते, “जेहेल उनी पौलुस ईङ के राअः केते तेकर नुई कोड़ा के आम दुबाःड़े इईदी लःअय गोहराव नेनाय, नुई आम के जहानअ क-कंहड़ी चहाअ तनाय,” मेन केते बेता लियाय।
19पलटनकु आली सरदार हुनी आला तीः के सःब केते तेकर आलगे ईदी केते, “आम ईङ के एतान क-कंहड़ी चहाअ तनाम?” मेन केते कुली लियाय।
20कोड़ा हुनी के, जाहुदीकु रे थोड़ेक कुमायटी तदाकु, ची गपा पौलुस के बड़े पंचाईत रे आ-आगु लःअय आउर ठीक-ठीक हुनी के जजाचाँव चहाआय हिना बहना रे आम तरअः गोहराव कोआकु बेता लियाय। 21बकिर आम हुंकू आला बात के आलुम मनाव कोअ, हुंकू मेसे चालीस झन तरअः बगरा पौलुस के गोगोएःग लःअय खुंट रे दुड़ूः तानाकु हुंकू तब तक ना दो जोम केआकु आउर ना नु केआकु, जब तक ची पौलुस के इरकु गुजिया मेन केते किरया जोम तदाकु। हुंकू नहाअः तेयार एदान कुआ तेकर आम आला वादा रअः आसरा रे एदान कुआ बेता लियाय। 22तब पलटनकु आली सरदार “आम ओके के होः ईङ के नोःआँ बात के उदूः तदाम सेके आलुम कंहड़ी के,” मेन केते कोड़ा के हुकूम एमा केते बिदा लियाय।
पौलुस के फेलिक्स दुबाःड़े भे-भेजाव
23तब सरदार बनहोंड़ सुबेदार के राअः केते, “नव बजे निदा जगुत कैसरिया सेनोः लःअय बार साय सिपाही, सत्तर घोंड़ा सवारी तेकर बार साय बालोम चलाव कु तेयार दोहो कुबेन। 24तेकर पौलुस देगोअ लःअय होः घोंड़ा तेयार ताकुपे, जेकर से ची बेस केन राज्यपाल फेलिक्स दुबाःड़े सोदोर तुयकु बेता लियाय।” 25सरदार मियांड नोःआँ लकान मियांड चिठी होः लिखा लःअय। 26“महामहिम राज्यपाल फेलिक्स के, कलौदियुस लुसियस आला जोहार। 27जाहुदीकु नुई होड़ के सःब थिलयाकु तेकर हुंकू नुई के गोगोएःग वाला-गी ताही नेनाकु, बकिर जब ईङ पाड़ी लाईङ ची हुनी रोमी रिनी होड़ हेके, दो ईङ अपन पलटन आगु केते छोड़ाव आगु लियीङ। 28ईङ हुंकू, हुनी तेङ रे एतान दोस लगायाकु सेके पापाड़ी चहाअ किनिङ, हिना लःअय हुनी के हुंकू आला बड़े पंचाईत रे ईदी लियीङ। 29तब ईङ पाड़ी लाईङ ची, हुंकू अपन कनहुन रअः काईक गोड़ सवाल ईदी केते, हुनी तेङ रे दोस लगाव तदाकु, बकिर तोतोल लकान चाहे गोगोएःग लकान हुनी एड़े एतान होः दोस कनोआँ। 30नुई के गोगोएःग लःअय कुमायटीअ दाकु मेन केते ईङ के खभाईर भेटाव ना, हिना लःअय ईङ नुई के तुरते आम दुबाःड़े भेजाव दियीङ। तेकर मुदाई कु के होः आम मड़ांग रे हुनी तेङ रे नलिसेआकु मेन केते हुकूम एमा लिकुईंङ।”
31हुकूम रअः मोताबिक पलटनकु पौलुस के ईदी लियाकु, हुनी के हिना निदा गी अन्तिपत्रिस सहर जगुत सोदोर तु लियाकु। 32दोसरा हिला घोंड़ा सवारीकु के पौलुस लोः मड़ांग ते सेनोः लःअय बाईःग तु केते, पैदल चलाअ पलटनकु छावनी रूवाड़ हीःग नेनाकु। 33घोंड़ा सवारी कैसरिया सोदोर केते, राज्यपाल के होना चिठी के एमा लियाकु, आउर पौलुस के हुनी आला तीः रे जिम्माओ लियाकु। 34राज्यपाल चिठी पढ़ाव केते आम ओका राईज रेनमे हेके? मेन केते पौलुस के कुली लियाय। हुनी के पता चलाव ना, ची हुनी किलकिया रिनी हेके, 35तब हुनी बेता लियाय, “जब आम आलकु मुदाई हिजोआकु दो आम आला सुनवाई हुयाव कोआ,” तेकर हेरोद आला बंगला रे पौलुस के प-पहराकु आला भीतरी कैदी दोदोहो आचु लिकुआय।
Voafantina amin'izao fotoana izao:
प्रेरित.कामी 23: ASR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI CC BY-NC-ND 4.0