Luka Bwingiro
Bwingiro
Luka aandikaa aMwatsi Mubuya ngakuno ko Matayo ne Mariko baandikaa:
- Amulimo wa Yohana Murubiki yahikaa kwetemulira Yesu yo nchira (3:1-20), akulikirwe na burubike na reerekwa ra Yesu (3:21; 4:13).
- Amiberere ya Yesu mwa bandu i Ngalilaya, ha hubiri nelamya makoni (4:14; 9:50).
- Aluendo lwa Yesu ihuluka i Ngalilaya ihikira i Yerusalemu (9:51–19:28). Wetuwe Luka aongerere bindi binwa bingi kwa maandiko ma Mariko, ngakuno, amushinga wa Musamariya mubuya, amuxoki kiashaasha, amwana yaheraa. Na bindi binwa ngakuno aretangula ro Yesu atangulaamo Mariya ne Marita.
- Amulimo wa Yesu mwa mulungu we Yerusalemu (19:29; 21:38).
- Iendera kwa minubo mitsindu na repfa ra Yesu; kiche kya (22–23).
- Akitabo kiendere kwa lwire lwa Pasaka (24), Yesu yamepfuka haxungirwaako na bemitsa be Emau lubere akukumibwe mu mbingu.
Wetuwe, amaandiko ma Luka matashushene na ma Mariko. Hanyuma wa rebwerekya akitabo kiwe (1:1-4), iye atangire amaandiko mewe na bwingiro bwa lubuto lwa Yesu Kirisitu ne Yohana Murubiki (1–2). Aho ho banasoma amwatsi wo bapfuliraa Mariya, na rebutwa ra Yohana Murubiki, na lumoo na reimanikira ra basumba, lunabe na lwimbo lwa Mariya, na lwa Sakariya na lwa Simiyoni. Mwa bwingiro umo, Luka aahulamo abinwa binene byaumpfaa: Alubuto lwa Yesu nga Ongo na Muisiraeli wa kuli. Na lehika liwe aliletera abandu yo munguruko. Luka abwerekitse mwa kitabo kiwe kandi antsii ya Ongo ku bo banenirwe (abalompfu, bo batabaanchwa, abakatsi, abachene na baeni), amirimo ya Mutima Akomire, na kandi ya lumoo na mahemo byo bihereketsa arebaho ra Mwatsi Mubuya.
Luka
Akikiriki kya Luka kyo kirengitse kya bandi baandiki ba Inchiri. Akikiriki ikyo, kikyere kweasikya bo batechikyo na bo batechi kushe andungo ya Baisiraeli. Akitabo ikyo kyo kiumpfibwa kushe na bandu ba mwa biro bino. Ukekulikira akitabo kya Luka kushe, ni ukatimanamo aMuufutsi wa bandu boshe.
Voafantina amin'izao fotoana izao:
Luka Bwingiro: HKE
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"