मती ओळकण
ओळकण
लकवा वालो: मती
खास वात: ईसु मसी राजा
लकवा ने समय: ईसु ने जनम ने 55-70 साल बाद
मती ने लकजी थकण असल खबर यो हमिसार आले हे के, ईसु मसीस तारणहार हे, जिने पासो आवणा ने आगमवाणी किदी गई हे। परमेसवर पुराणा नियम मा अजारो साल पेले आपड़े मनका हू किदा थकण वादा ने वणास तारणहार हू पुरो किदो। ये असल खबर बस यहुदि मनका ने हारूस नीं हे, पण हेती दनिया ने हारू हे। अणी असल खबर मा ईसु ने एक मुटा गरू ने रूप मा पाळजो गियो हे। वणाय मुसा ने नियम ने बारामा पाळवा ने अदिकार हे नी वी परमेसवर ने राज ने बारामा बी हिक आले हे। ईसु मसी ने हिक ने पास पाग मा वाटजा जाई हके हे। 1 मगरी ने उपदेस, जी हरग राज ने मनका ने वेवार, करम नी आकरी आस ने बारामा हिक। 2 बारअ सेलअ ने सेवा करवा ने बारामा हिक। 3 हरग राज ने बारामा काणी। 4 सेलअ ने बारामा हिक। 5 हरग राज ने आवणा ने बारामा नी अबार ने जुग हू अन्त ने हिक।
रूप-रेका
वंसावली नी ईसु मसी ने जनम 1:1—2:23
यूहना बपतिसमा आलवा वाला ने सेवा ने काम 3:1–12
ईसु ने बपतिसमा नी परिकसा 3:13—4:11
गलील मा ईसु ने सेवा 4:12—18:35
गलील हू यरूसलेम ने यातरा 19:1—20:34
यरूसलेम मा आकरी अपतो 21:1—27:66
परबू ईसु ने पासू जीवी उटवू नी विने दरसण आलवू 28:1–20
Voafantina amin'izao fotoana izao:
मती ओळकण: WBR
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI
CC BY-NC-ND 4.0