လုကာ ဇူႈဘံင်
ဇူႈဘံင်
ကျာမ်းဆျှီန်လုကာနီန် အ်ုန်နှဲအူန်း ဘည်မိုႈ အီကဇောည် တိုအီးကဲပါ်ဒိုႇဒိုည်ႇမာ်လ၊ ဘည်မိုႈအီကဇောည်ခြိူဝ်းမျိုးဇူး ဒီအူန်းကဲတကတိတော်မာ်လယာ့်။ လုကာနီန် အ်ုန်ရနောအူန်း ဘည်ကတူႈ ငျာန်တော်စဝ်ဖြား#1.0 ဒါႈအီးမိုႈ ငျာန်တော်စဝ်ဖြား စဝ်ဖြားယေရှု စဝ်ဖြား တောႇစဝ်ဖြားယေရှု ကနာည်နံင်တိူဝ်ႈတိုန်းဒဲႈ ဆဒါင်မံင်ဂလာမှိူမ် တတိုအီးဖ္လါန်းကဲ၊ ဆဒါင်မံင်ဂလာမှိူမ်နီန် အ်ုန်ကစာပ်တောပ် တိုအီးမိူဝ်ႈပ်ုန်လိုကဲဒိူန်ယာ့်။ ပ်ုန်ရနောလုကာ အီမှိူမ်ရျံန်မှိူမ်ခိုည်းနီန် အ်ုန်ယီုဝ်နှဲအ်ူန်း ဒါင်းဒါင်းႎှါင်းႎိူဝ်ႈအ်ုန်မိုႈ ဘည်စွရောတ်စဝ်ဖြားယေရှု ဒီဆူတ်အ်ုန်စီမိုႈ ဘည်စွႎီရ်စဝ်ဖြားယေရှု ပဆျှိုည်မျို့တော်#1.0 ဆျှိုည်မျို့တော်ဒါႈအီးမိုႈ ဒီအံက်ထံင် စဝ်ဖြားတတြား (ဆျှိုည်မျို့တော်နီန်မိုႈ ဒီလောတ်ဒါႇ ဂံတ်၊ ဆဝ်း (ဆဲဝ်)၊ ယံမ်း ကာည်း ကီန်းဒည်းဒုက္ခ၊ မိုႈဒီဂေါည်ထံင်စဝ်ဖြား။)။ ႎါည်းစဝ်ဖြားယေရှု စွႎီရ်ပဆျှိုည်မျို့တော် မိုႈလိူည်ဆျှီန်လုကာ ယီုဝ်နှဲအူန်း ခေဲင်ကျာမ်းတမာန်တော် ဘည်ဒါင်းဒေဲႈ ဘည်ညှူမ်ခရီတ်ယာန်ကဲ ကာည်း ဘည်ကတာရ်ႈဟာဝ်းအ်ုန်။
တိူရ်ႈ အချာက်ပ်ုန်ယီုဝ်နှဲအူန်း ခြူမ် ဒေါန် (2) ကာည်း ဒေါန် (6) နီန် ပ်ုန်ယိူဝ်ႈလိူည်အယ်တိူရ်ႈ ဘည်မိုႈကညာထိင်ဆိုဘြည်ကဲ ဟာဝ်းလွံင်ဒီပျေဲႈစဝ်ဖြားယေရှု ကာည်း ဘာည်းကန်ုမ်ဒေဝါကဲ ဒါႈဆချံင်တိူဝ်ႈကနေဲႈ ခေဲင်တြား ဆဒါင်မံင်ဂလာအီမှိူမ်အီပဲန်နီန်၊ နံင်ယိူဝ်း ပုင်တဲႇ ဘည်ဟြာည်ကမာ်ႈ ကောန်ဒဲႇ ကာည်း ဇိုချီုင် စဝ်ဖြားယေရှု ဂေါည်ခေဲင်ဗိမာန်တော် ပဲန်ကောန်ကညောမ်နီန်။ ဇိုချီုင် တြားဆဒါင်မံင်ဂလာမှိူမ်နီန် ရာမ်တိူဝ်ႈအရေးဒါင်းဒါင်း ယီုဝ်နှဲအူန်း ဘည်စဝ်ဖြားပ္လိုတ်ခွါင်းဒဲႈ တတိုအီးမိူဝ်ႈအီုင်ဂ္လံတ်ကဲ၊ ႎှါင်းင်္က ကောန်အီပ်ုန်ကဲ လီပ်ခေဲင်ဓမ္မအမှု စဝ်ဖြားယေရှု၊ ငျာန်တော်စဝ်ဖြား ကာည်း ဘည်မှာန်းတဆု။
အချှုက်ဇူႈဘံင်
ဇူႈဘံင် (1.1 - 4)
ဆြာခါမ်ဒဲႈဘည်ညှူမ် ကာည်း ဘည်ပျေဲႈဒေဲႈ စဝ်ဖြားယေရှု ကာည်း ဇာတ်ကောန်ဒဲႇ (1.5 - 2.52)
ဓမ္မအမှု ဆြာခါမ်ဒဲႈဘည်ညှူမ် (3.1 - 20)
စဝ်ဖြားယေရှု ခါမ်လာည်းဘည်ညှူမ် ကာည်း ဘည်ကတူႈခါမ် ပ်ုန်ခ္လံဝ်းကချှူး မာရ်နာတ် (3.21 - 4.13)
ဘည်ဇူႈစ စဝ်ဖြားယေရှု ပျုဆာဆနာတော် ပကပီုန်ဂါလိလဲ (4.14 - 9.50)
ဘည်စွစဝ်ဖြားယေရှု ယိူဝ်ႇပကပီုန်ဂါလိလဲ ရောတ်ပကီုင်း ဂျေရုဆလင် (9.51 - 19.27)
အခိင်ဆူတ် စဝ်ဖြားယေရှု အံက်တြား ပကီုင်းဂျေရုဆလင် (19.28 - 23.56)
ဘည်ႎီရ်အီမ်း စဝ်ဖြားယေရှု ကာည်း ဘည်လေႈဒေဲႈအ်ုန်၊ ဘည်စွႎီရ် ပကီုင်းဆျှိုည်မျို့တော် (24.1 - 53)
Voafantina amin'izao fotoana izao:
လုကာ ဇူႈဘံင်: PLL
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Shwe (Samlung) Palaung (ရွှေပလောင်) Bible by Beyond Translation is licensed under Creative Commons Attribution-ShareAlike 4.0 License.