1. Mojsije 10
10
E plemenurja katar e Nojašće čhave
1Akava si e plemenurja e Nojašće čhavenđe: e Simešće, Hamešće, thaj e Jafetešće, savenđe bijandile čhave posle e poplavne paja.
E Jafetešće potomkurja
2E Jafetošće čhave sas: o Gomer, o Magog, o Madaj, o Javan, o Tuval, o Mešeh thaj o Tiras.
3E Gomerošće čhave sas: o Aškenaz, o Rifat thaj o Togarma.
4E Javanošće čhave sas: o Eliša, o Taršiš, o Kitim thaj o Rodanim.
5Lendar razdelisajle sa e thema save trajin pe morske krajurja, prema pire čhibja, pire familije thaj pire thema.
E Hamošće potomkurja
6E Hamošće čhave sas: o Kuš, o Micrajim, o Put thaj o Hanaan.
7E Kušošće čhave sas: o Seva, o Havila, o Savta, o Raama thaj o Savteha.
E Raamešće čhave sas: o Ševa thaj o Dedan.
8E Kušesće bijandilo vi o Nimrod. Vo sas prvo baro ratniko pe phuv. 9Vo sas vešto lovco anglo GOSPOD, zato phenel pe: “Vešto lovco anglo GOSPOD sago o Nimrod.” 10Prvo početko lešće carstvosko sas o Vavilon, o Ereh, o Akad thaj o Kalne ande phuv Šinar. 11Andar godoja phuv đelo ande Asirija thaj sagradisardas e Niniva, o Rehovot Ir, o Kalah 12thaj o Resen, savo si maškar e Niniva thaj o baro gav o Kalah.
13Katar o Micrajim poteknisardine e Ludijcurja, e Anamcurja, e Lehavcurja, e Naftuhejcurja, 14e Patruscurja, e Kasluhejcurja (katar save poteknisardine e Filistejcurja) thaj e Kaftorcurja.
15Katar o Hanaan poteknisardine lesko prvobijando čhavo o Sidon thaj e Sidoncurja, thaj o Het thaj e Hetiturja, 16askal e Jevusejcurja, e Amorejcurja, e Girgašancurja, 17e Hivijcurja, e Arkijcurja, e Sinijcurja, 18e Arvanđancurja, e Cemarcurja thaj e Hamađancurja.
Maj posle e Hanaanske plemenurja rasijosajle. 19E granice e Hanaanenđi inzardolas katar o Sidon karingal o Gerar sa dži ke Gaza, pa karingal e Sodoma, Gomora, Admi thaj Cevoim sa dži ko Laše.
20Godova si e Hamošće čhave prema pire plemenurja, čhibja, phuvja thaj thema.
E Simošće plemenurja
21A čhave bijandile vi e Simošće, e Jafetešće majpurane phralešće; o Sim sas pradad sa e Everešće potomkonenđe.
22E Simošće čhave sas: o Elam, o Ašur, o Arfaksad, o Lud thaj o Aram.
23E Aramošće čhave sas: o Uc, o Hul, o Geter thaj o Maš.
24E Arfaksadešće bijandilo o Sala, a e Salešće bijandilo o Ever.
25E Everešće bijandile duj čhave: Jek akhardolas Falek, kaj ande lešći vrjama e manuša pe phuv podelisajle, a lesko phral akhardolas Joktan.
26E Joktanešće bijandile o Almodad, o Šelef, o Hacarmavet, o Jerah, 27o Hadoram, o Uzal, o Dikla, 28o Oval, o Avimael, o Ševa, 29o Ofir, o Havila thaj o Jovav.
Sa akala sas e Joktanešće čhave. 30Von trajinas po područje katar e Meše dži ke Sefaru, ando gorsko krajo po istok.
31Godova si e Simošće čhave, prema pire plemenurja, čhibja, phuvja thaj thema.
32Godova si e potomkurja e Nojašće čhavenđe prema lenđe plemenurja, andar lengo them. Lendar posle e poplavne paja buljile sa e thema pe phuv.
Voafantina amin'izao fotoana izao:
1. Mojsije 10: RČB
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra