मत्ती 28
28
यीशुन जीव उठणो
(मरकुस 16:1-8; लूका 24:1-12; यूहन्ना 20:1-10)
1शब्बाथान दिह ओवतो हफ्तान पेल्लो दिह उजालेच मरियम मग्दालिया एने दिहरी मरियम कबर देखणेन आवील. 2तेवी, एक मोठलो भूकंप एनो, काहाकाय प्रभुन दूत स्वर्गामाय रीन उतरणो एने आहनी आवीन ता दिगुड हेरकाव देनो, एने तान उपेर बोह गीयो. 3तान रूप विजने होस एतो एने तान फाडका बर्फान होस दोवल्या एता. 4तान राखवाल केरणार शिपाई जुलुम बिय गीया एने ता थुर-थुर कापणे लागा एने ता मोरेल माणहान होस एय गीया 5स्वर्गदूत त्यू बायकूह केयील, “बिऊ मा, माहु मालूम हि का तुमूह यीशुह जाह क्रुस पोर चेढाविल एतो ताह होदतेह 6तो न्या नाह सोतो, पुण आपणा वचना नुसार जीवतालू एय जायील हि, आवज्यू ज्यू जागो देखू न्या प्रभुह मिलील एता 7एने ऐवी जेल्दी जाइन तान चेलाह केवू का तो मोरना मायरीन जीवतालू एय गीयोह. एने तो तुमरे पेल गलीलामाय गीयोह ताच तान दर्शन तुमूह जुडी देखू मी तुमूह केयील हि.” 8तेवी त्यू बायकू गाब्राईन एने मोठली आनंदमाय त्यू कबर मायरीन जेल्दी वोलीन तान चेलाह समाचार आपणे केरता चालूच दोवडीन गीयू.
बायकूह यीशुन दर्शन
9तेवी यीशु ताह मिलील एने केयेल, “हुकेह रीवू” एने ता आहनी आवीन एने तान पाय देरीन ताह वोंदया. 10तेवी यीशु ताह कियील, बिऊ मा; मारो बायहो ताह जाइन केवो कि गलीलामाय निकलीन जा, तिथ माहु देखाह.
पहेदारान खुबेर
(मरकुस 16:14-18; लूका 24:36-49; यूहन्ना 20:19-23; प्रेरितान कामे 1:6-8)
11ता जात एतालून राखवालदार मायरीन काही नगरात आवीन पुरो वर्तमान मुख्य याजका केयेल. 12तेवी तास डाय डाया एक्ठाच आवीन संपली केऱ्या, शिपायांना जुलुम चांदी आपिन कियेल, 13ज्याच केणेन कि राती आमु हुविलो एतो, तर तान चेला आवीन ताह चोरीते लेईन गीया. 14एने हि वात सुभेदारान कानापूर पोचीही, तर आमु ताह होमजाडीन लेहु एने तुमूह वोचाडीन लेहु. 15तास पोयशा लेईन जोहलो हिकाळनेल गीया, तोहोलो किरील हि वात आजवोर यहूदीयान पेरीकेरीन आवी.
चेलाह दर्शन एने आखरी आज्ञा
(मरकुस 16:14-18; लूका 24:36-49; यूहन्ना 20:19-23; प्रेरितान कामे 1:6-8)
16अकरा चेला गलीलामाय ता बोयडापोर गीया, जोहलो यीशु ताह केयेल एता. 17तास तान दर्शन लेईन ताह नमन किरील, पुण कुणी कुणी हि शंका आवी. 18यीशु तान आहनी आवीन केयेल, “स्वर्गान एने पृथ्वीन अधिकार माहु आपील हि. 19जानकेरता तुमु जाओ, आखा दिहरी जातीन माणहाह चेला बोणावू; एने ताह आबोक, एने सोरा, एने पवित्र आत्मान नावान बाप्तिस्मा आपो, 20एने ताह आखा वातू ज्या मी तुमूह हुकुम आपील हि, ती पालने हीकाडो के: एने देखू, मी जगान सेवट वोर तुमरे हेरी हि.”
Voafantina amin'izao fotoana izao:
मत्ती 28: NLXNT
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
