मत्ती 22
22
वाराडान खाणान वार्ता
(लूका 14:15-24)
1यीशु पोशो तासहे-या वार्तामा बोलणेन लागो, 2“स्वर्गान राज्य ता राज्यान हारका हि, ज्यान आपणो सोरान वाराड किरील. 3राजा आपणो माणहाह मुकलेल कि नेवतो माणहाह रूटू खाणेन हादाळो, पुण तो आविह नाह एता. 4ओवतो तान दासाह जो केयीन मुकलेल, नेवतो माणहाह केवो. देखू, मी जेवण तियार किरील हि, मारा बैल एने पालील जेनवार मारील गीया हि, एने आखोज ता हि; रूटू खाणेन आवो” 5पुण ता मोनापोर नाह लेना एने निकलीन गीया, कूण आपणा खेताम, कूण आपणा व्यापाऱ्याहा. 6दिहीरा माणहामाय जा उगेरना एता तान दासाह देरावीन ताह अनादर किरील एने मारीन टाकील. 7तेवी राजाह राग आवा, एने तास आपणी सेना मोकलीन हत्याराकेरिन मारीन टाकील, एने तान नगराह पेटालीन टाकील. 8तेव्ही तो तान दासाह कियील, “वाराडान जेवण तियार हि पुण माणहे योग्य नाहं ठेरना. 9ज्ञान केरता चवाठ्या उपेर जा एने जोलाक माणहे तुमूह जुडी, तोलाकाच वेवार रूटू खाणेन हादाडळीन लावा.” 10ओवतो ता दासा केरीन सडकीपूर जाइन कूण हाजो, कूण वाईट, जोला जुडील, आखा एक्ठाच किरील, एने वाराडी घेर पावणा बोरीन गीया.
11ओवतो राजा पावणाह देखाणे माय आवा, तेवी तान एक माणहाह देखील जो वाराडान फाडका नाहं पेरील एतो. 12राजा ताह फुसील, हे दोस्ती, तू वाराडान फाडका नाह पेरील न्या काहा आईल? “ताह काय नाह कियील 13तेवी राजाने दासाह केयेल, ज्यान आथ पाय बांधीन ताह बाहेर आंधाराम टाकीन द्या, ताहारी रेडनेन एने दात खाणु हि. 14कारण हादील जादा हेते पुण निवडील थोडोज हेते.”
कैसराह केर आपणो
(मरकुस 12:13-17; लूका 20:20-26)
15तेवी फरीसी जाइन आपसामाय विचार किरील ताह कायताहा प्रकारे वातून ढोगुहू. 16ओवतो तो आपणा चेला हेरोदेसिया हेर्यो तान उगेहे केणेंन मोकलील, “हे गुरु, आमु जाणिल हेते कि तू खेरो हि, एने बोगवानान सिडिक खेरो हिकाडणे, एने कुणीणुच कालजी नाहं केरतीन, कारण तू माणाहान सोब पाहून वातू नाहं केरतीन. 17जानकेरता तू आमूह किजी तू काय फूस केरतीन हि? कैसराला केर आपणे उचित हि कि नाहं.” 18यीशुह तान दुष्टता जाणीन केयील, “हे कोपटी, माहु काहा पारखतेह? 19केरारान हिकू माहु देखाड.” तेवी ते तान आहने एक रुपयो लेईन आवा. 20तान ताह फुसील, हे छापे एने नाव कुणान हि? 21तास ताह कियील, “कैसरचा.” तेवी तो ताह कियील, “जे कैसराआ हि ते कैसराला आप, एने जे बोगवान हि, ते बोगवान आप.” 22ते होम्लीन ते थक एय गीयो, एने ताह सोडीन निकलीन गीया.
पुनरुस्थान एने वाराड
(मरकुस 12:18-27; लूका 20:27-40)
23ता एक दिह सदुकी जे किथी एता कि मारो मुरीलताहा पुनरुस्थान हि कि नाहं, तान आहने आवा एने ताह फुसील, 24“हे गुरु, मुसा केरीन कियील एता केदीही एखादु माणुह एक भी सोरा आईल एतु मोरीन जाह, तर तान भावू तान बायकू हेरी वाराड केरीन आपणो बायाकणेकेरता वंश आपील. 25ऐवी आमरा न्या सात बाहाक एता, पेल्लो वळाडे केरीन मोर गीयो, एने सोरान नेओते कारणाकेरिन आपणो बायकूह आपणो बायाकणेकेरता सोडीन गीयो. 26जी प्रकारे दिहरान एने तीनु पुण किरील, एने सात ताहुकवोर ज्याच एय. 27आखान ओवतो ती बायकू पुण मोर गीयी. 28ओवतो ती मोरना मायरीन उठणे पोर कुणीन बायकू एय? कारण ती आखाआ बायकू एनी एती.” 29यीशु ताह उत्तर आपील, “तुमूह पवित्र शास्त्र एने बोगवान सामर्थ नाहं जाणिल; आवो कारण से विचारामाय पोडील हि. 30काहाकाय मोरना मायरीन जीव उठणे पोर वाराड नाय एय, पुण स्वर्गाम बोगवानान दूतांन होस रेती 31पुण मोल्य उठिल विषयी काय तुमूह हे वचन नाहं वोचील जे तुमूह किइ बोगवानल. 32मी अब्राहामा बोगवानन, एने ईसाहाक; एने या बोगवान याकूबान बोगवान हि? तो मुरीलताहा नाहं, पुण जीवतालो रहि.” 33हे बोगवान होमलील माणहे तान संदेशा द्वारे संचलीत एय गीयो.
सोबसे मोठली आज्ञा
(मरकुस 12:28-34; लूका 10:25-28)
34तेवी फरीसीनी होमलने कि यीशु सदुकीयांआ मूय बंद केरीन आपील, तेवी ते एक्ठाच एय गीयो. 35मायरीन एक व्यवस्थापकाने ताह पारखणे केरता फुसील, 36“हे गुरु व्यवस्था माय काल्ली मोठली आज्ञा केईल हि?” 37तान ताह केयेल, “तू आपणो बोगवान तारीन आपणा आखा मोना एने आपणा आखा जीवा एने आपणी हे-यो बुद्धीसी प्रेम केर. 38मटली एने मुख्य आज्ञाती जिच हि. 39एने तान सारकोस हि दिहरा पुण हि कि तू आपणो शेजाऱ्यावर आपणो सारकोस प्रेम केर. 40ज्यूच दुय आज्ञा आखा व्यवस्था एने भविष्यवक्तान आधार हि.”
मसीह कुणान सोरू
(मरकुस 12:35-37; लूका 20:41-44)
41जेवीह फरीसी एक्ठाच एता, तेवी यीशु ताह फुसील, 42“यीशु मसीहान विषयामाय तुमु काय विचार केरणू? तो कुणीन सोरो हि?” तास ताह कियील, “दाविदान.” 43ताह फुसील, “ते दाविद आत्मा माय आवीन ताह प्रभु का केणे? 44प्रभुने, मारो प्रभु ला कियील, मारो हुदावोल बोह, तेवी पोशा कि मी तारो दुश्मना तारो पायान बुंदे केरीन आपुह.” 45ओवतो, ताहेरया दाविद ताह प्रभु केणे, तर तो तान सोरो कोहलो काय बोणी? 46तान उत्तरात कुनुस एक वात बोलहू शकील ता दिह तारीन कुणीहुच हे फुसील हिम्मत एनी नाहं.
Voafantina amin'izao fotoana izao:
मत्ती 22: NLXNT
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
