मत्ती 19
19
तलाकान विषयामाय यीशुन शिक्षा
(मरकुस 10:1-12)
1ताहेरया यीशु हि वातू केयीन आपील, तेवी गलीला भाग मरीन निकलीन गीयो; एने यार्देन नदीन पुरलेउखील यहूदीयान भागाम आवा 2तेवी मटली गेर्दी तानपासाडण आविह एती, एने तान ताहारी ताह हजो किरील.
3तेवी फरीसी तान परिक्षा देखणे केरीन आहने आवीन केणे लागिल, “काल्लोबी कारणापोररीन आपणी बायकूह सोडनु हाजो हि” 4तान उत्तर आपील, काय तुमूह नाहं वोचील कि तान केरता ताह बोणावणेन, तास सुखातीहीज नर एने लाडी बोनाडीन कियील,
5ता केरता माणुह आपणो आहाक आबाक आलेग एईन आपणो बायकू हेरी रेय एने ते दुयू एक डील एती? 6ज्यानकेरता तो ऐवी दुय नाहं, तर एक डील हि केरीन ज्याह बोगवानजुडील हि, ताह माणुह आलेग नाहं केरणू. 7तास ताह कियील, “ओवतो मुसा जो काहा ठेराव्यू कि सुटपत्र आपिन तीह सोडीन आप” 8तास ताह कियील, “मुसान तुमरो मोनान कोठोरपणाकेरिन तुमूह आपणो-आपणो बायकूह सोडीन आपणेन हुकुम आपील, पुण सुरुएताच एहलो नाहं एता. 9एने मी तुमूह केथु, का जो कूण व्यभिचार केरीन एने कालाबी कारणान आपणी बायकूह सोडीन दिहिरी हेरी वाराड केरुहू, तो व्यभिचार केरणे, एने जो ता टाकल्या बायकू बरोबर वाराड केरुहू, तो पुण व्यभिचार केरणे.”
10चेला ताह कियील, “जर एदमी बायकू संबंध हि, तर वाराड नाह किरील हजो.” 11तास ताह कियील, “आखा ज्यो वचन स्वीकारून शकत नाहं, फक्त जे ज्याह हे दान आपील गीया हि.” 12कारण काही नपुसक हि, ते आईकने उदरी इही जन्मले, एने काही नपुसंक इही हि, ज्यान “माणहान नपुसक बोणावणेन, एने काही नपुसक इही हि, जाह स्वर्गान राज्यान केरता आपणो जीवेच: नपुसक बोणाविल एतो ताह स्वीकार केरूह शकणे, तास स्वीकार केरुहू.”
सोराह आशीर्वाद
(मरकुस 10:13-16; लूका 18:15-17)
13तेवी माणहान सोराह आहने लाव कि तो तापोर मेलीन प्रार्थना केरावी, पुण चेला ताह जुल्या. 14यीशु कियील, “सोराह मारो उगे आवणे दिवू, एने ताह मोनाई केरूह मा कारण स्वर्गान राज्य ताणुच हि. 15एने तो तान उपेर आथ मेलीन तारीन निकलीन गीयू.”
मालदार जुवान एने अनंत जीवन
(मरकुस 10:17-31; लूका 18:18-30)
16एक माणुह यीशु उगे आवो एने ताह कियील, “हे गुरुजी, मी कानलो हाजो काम केरूह कि अनंत जीवन जुळी” 17यीशु ताह कियील, “तू माहु हाजो विषयी का फुसीह? हाजो इही एकुच हि, पुण तेबित जीवनामाय प्रवेश केरूह इच्छितोस, तर हुकुम मान. 18जुवान ताह कियील, काल्ली आज्ञा” यीशु कियील, “हे कि खुन मां केरू, व्यभिचार मां केरूह, चोरी मां केरूह, खोटी गवाही मां आपी, 19आपणा आबुक एने आपणी आहाक यान सन्मान केर, एने आपणो शेजाऱ्यावर प्रेम केर.” 20तो जुवान ताह कियील, “जो आखा तर मी पालने; ऐवी कुणबी कायताहा वाती कोम हि” 21यीशु ताह कियील, “जर तू पुरो एहू इच्छितो तर जा, आपणो माल वेचीन गेरीबाह आप, एने तुवा स्वर्गाम संपत्ती जुडी, एने चाला मारो पासाण आव.” 22पुण तो जुवान जीवात होमलीन नाराज एय निकलीन गीयो, कारण तो जुलुम श्रीमंत एतो.
23ओवतो यीशु आपणो चेला कियील, “मी तुमूह खेरीच किथु कि धनवानान स्वर्गान राज्यातम प्रवेश केरणेन केठीन हि. 24तुमूह पोशा किथु कि बोगवानान राज्यातम धनवानान प्रवेश केरीन लेणे ज्यान पेक्षा उंटळाह हुईन नाकाम जाणू सोपो हि.” 25जो कोलाक चेला जुलुम थक्क एईन कियेल, “ओवतो कुणान उद्धार शक्य हि” 26यीशु ताऊखीर देखीन कियील, “माणहा फायरीन तर ज्यो नाहं एने शकत, पुण बोगवानानाह तर आखा काही एने शक्य हि.” 27ज्यापरीन पतरस ताह कियील, “देखू, आमु तर आखोज सोडीन तारो पासाण आवूह हि, तर आमूह काय जुळी” 28यीशु ताह कियील, “मी तुमूह खेरीच किथु का नोवीन जीवनामाय मी ताहेरया माणहान सोरान आपणा महिमान राजासनापूर बोहहू तेवी मारे पासाण चालणारा, बारा राजासनापूर बोहीन इस्राएलान बारा वंशान न्यायनिवाडू केरती.” 29एने जो कुणी घेर, बाहाक, बोणिक, आबुक, आहाक, सोरा पौ-या, खेताममाय मारो नावाकेरता सोडीन आईल हि, ताह शंभर पट जुडी, एने ताह अनंत जीवनान अधिकार जुडी. 30पुण जां पेल्ला हेते, शेवटलो एय जाती, एने जो शेवटयो हि, तो पेल्लो एय जाती.
Voafantina amin'izao fotoana izao:
मत्ती 19: NLXNT
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
