Mărko Dèsŭgū

Dèsŭgū

Mărko Adèthalōthalai Awîakè̆ acè htcahtai dèjî̄b́è htè aḿî “B́ĭcè Jezŭ, Kib́ĭcè Aphokhŏ Adèthalōthalai Awîakè̆.” Ahwe d́ò̆sa htè Jezŭ ḿî bija amèdè kî acô̆thèlè̆ ò nu. Cô cô̆thèlè̆ b́è d́è̆lî̄hta d́ŏ zè dèthèhlô̆, Cô cô̆thèlè̆ ò d́ŏ dèscidèhnè akho, kî d́ŏ dèb́ăplè bija dèkhòwè abu nu. Jezŭ d́òlage ane htè aḿî Bija Aphokhŏ, htè alela d́ŏ akī ila athathôḿô̆ cab́ô̆htè bija gô̄ hlô̆htab́èbò̄ d́ŏ dèkhòwèkhòkha aklè̆ nu.

Mărko d́òi danāpi Jezŭ awîakè̆ ab́èkja Zè dèphîdèmè ḿî alamēsetha d́olĭkî Zè dèjî̄b́è cò d́òi kî Cô thô Cò thò̆i tòcò nu. Zè dèd́ò̆sa aŭsu ab́èkja Zowănnī Batî̆sta kî Jezŭ adèŭsab́ăhtĭ kî adèkhab́è dèhnakă hwă alekă nu, taplakhă lò ahwe cè hwe d́è̆lî̄hta Jezŭ adèila ane d́ŏ dèmèhlè̆mè̄ bija ab́èscwib́èsè̆ kî dèthèhlô̆ nu. Òjî̄hta dere dere, bija abò̄kô Ca kă tòcò thîhè̆hta d́osè Cè, ḿî bija ahtakhokă Cè tòcò d́î̆ zî̄zî̄gè dòkhò̆. Aglado alekăgudŭ dagla d́è̆lî̄hta dèmè anekî Jezŭ b́ĕ Zè dèòthôḿô̆ bija agudulă dòsòd́è̆ nu, lasăd́è̆è Zè dèkhathĭ Ze ne d́ŏ Krusu alò kî dèhtaboge nu.

Dèwîdèkè̆ Aglobu

Dèthalōthalai Awîakè̆ akhahtîkhab́ò̆ (1.1-13)

B́ĭcè Jezŭ mè adèphîdèmè bija aboahò aklè̆ d́ŏ Galilĕage nu (1.14—9.50)

Agudukă dòsòd́è̆ d́ŏ Jerŭsalèm u kî ab́ôhtî u (10.1-52)

Jezŭ adèhtaboge (11.1—15.47)

Dèado adèhtaboge (16.1-8)

Dèado adèd́è̆lî̄hta ane kî Adègehta Mò̄kho (16.9-20)

Voafantina amin'izao fotoana izao:

Mărko Dèsŭgū: GRNT21

Asongadina

Hizara

Dika mitovy

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra

Geba Roman New Testament © Bible Society of Myanmar, 2021.

Hahafantatra misimisy kokoa momba ny Geba Roman New Testament