मारकुस मिःक्म खानावाँ
मिःक्म खानावाँ
ग साब्चिराबि मारकुसऎ येसु खिरिस्टमि नुऎ खानावाँ हाङ् खोम् योम्पक् नुङ् ढुप्पाट्टमि बारेबि साःप्डु। येसुबि निवाँहाङ्मि ढुप्पाट्ट चु लोमॆ खानावाँ खोसॆ यिक्मिम्पा योम्पक् हाङ् खोसॆ याॽमिचिबाङ् खारिॽमाङ्चि लाबक्मिम्पा, खोसॆ खानावाँ चिन्मार, याॽमिचिम् हिङ्वा यङ्निमार हाङ् याॽमिचि उम्चि हिङ्वाबाङ् हिङ्पक्मिम्पाम् लागि उम्चि साट्ट खो सिखॆसि टामिम्पा लोमॆ खानावाँमि चुमॆक्सङ् पिकु।
ग साब्चिराबि मारकुसऎ येसुऎ लोमिम्पा खानावाँ बाङ्स खोसॆ योम्पक् यिक्मानुङ् खाङ्मिॽमिम्पा योम्पक्मि बारेबि डिरिक् खानावाँ साबुकु। बाप्टिस्मा पिक्खुबा युहान्ना, येसुमि बाप्टिस्मा हाङ् खो साइटानऎ ठाःक्मिम्पा खानावाँमि बारेबि मिःक्म खानावाँ इकुहाङ् येसुऎ याॽमिचि नुबक्मिॽमिम्पा हाङ् याॽमिचि मान्टहाङ् येसुऎ चिनुचॆ लोमॆ खानावाँ इकु। मान्टहाङ् लः सङ्क लुक्खॆसे खॆ हाङ् येसुमि टिङ्खुबाचिऎ खो काम्नुःर वाप्टकुचि, टर खो सिच्चाखुबाचिऎ चाइ याॽलऎ बाङ्स एट्टान काइर मिप्पकुचि। ग साब्चिराबि डॆङ्पिहा भागबि येसु कुरुसाबि कॆङ्मिम्पा हाङ् सिखॆम्पाबाङ् होइखेपा सङ्क हिङ्पम्पा खानावाँ साब्डा।
गुबि चुहा खानावाँ
परक्मिम्पा खानावाँ १:१-१३
येसुऎ गालिलबि यिक्मिम्पा योम्पक् १:१४-९:५०
गालिङ्बाङ् यारुसालेमढारि १०:१-५२
यारुसालेमबि डॆङ्पिहा डिना ११:१-१५:४६
येसु सिखॆम्पाबाङ् हिङ्पक्मिम्पा १६:१-१८
येसु फेरि खाङ्मुमिम्पा हाङ् पारुबि खॆॽमिम्पा १६:९-२०
Voafantina amin'izao fotoana izao:
मारकुस मिःक्म खानावाँ: LBR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. and Nepal Bible Society