लुका मिःक्म खानावाँ
मिःक्म खानावाँ
ग लुकामि साब्चिरा एक्क लुका लोमॆ याॽमिऎ साॽमिम्पा यो। खो सिढा याङ्खुबा याॽमि लॆटा। ग साब्चिरा याहुडिचिबाङ् होइढा याॽमिचिम् लागि साॽमिम्पा रेम। लुकाऎ साॽमिम्पा ग नुऎ साब्चिराऎ गरक्मा खानावाँ लोकु, इस्राएलिचिम् लुम्पि फाक्खुबा येसु टाः खोसॆ खोचिनुङ् हिक्मिम्पा चुप्लाङ् रक्न खो टाहाङ् चोब्न याॽमिचि हिङ्पॽमिकुचि लोमॆ हाङ्हाङ्मि खानावाँ इकु। हाङ् चोब्न याॽमिचि नुऎ खानावाँ खेम्मिटुचिर कामानुङ् निवाँहाङ्ऎ खो पाङ्हाङ्डु। ग नुऎ खानावाँ डुखाबि सिःडामिहा चोब्न याॽमिचिम् लागि साब्डा।
लुकाऎ साॽमिम्पा ग साब्चिराऎ याॽलहा भागबि येसु डाॽमिम्पा हाङ् डॆङ्पिहा भागबि खो पारुबि खॆॽमिम्पा खानावाँ इकु। निवाँखाटॆखुबाचिऎ इमिम्पा साम्, येसु टक्मार खो चुब्सि कुखुबाचि टामिम्पा, येसु पिसा लॆटार निवाँहाङ्मि खिम्पि खॆॽमिम्पा, नुऎ सामारि हाङ् माखॆॽमिम्पा पासामि खानावाँ ग साब्चिराबि टेःॽन चु।
गुबि चुहा खानावाँ
याॽलऎ खानावाँ १:१-४
बाप्टिस्मा पिक्खुबा युहान्ना हाङ् येसुमि जान्म हाङ् पिसा लॆटार १:५-२:५२
बाप्टिस्मा पिक्खुबा युहान्नामि योम्पक् ३:१-२०
येसुमि बाप्टिस्मा हाङ् खो ठाःक्मिम्पा ३:२१-४:१३
गालिलबि येसुमि योम्पक् ४:१४-९:५०
गालिलबाङ् यारुसालेमढारि ९:५१-१९:२७
यारुसालेमबि लिमार डॆङ्पिहा डिना १९:२८-२३:५६ येसु
हिङ्पम्पा हाङ् पारुबि खॆॽमिम्पा २४:१-५३
Voafantina amin'izao fotoana izao:
लुका मिःक्म खानावाँ: LBR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. and Nepal Bible Society