मत्ती 14

हेरोदेस दा यीशु दे बारै च सुनना

1ओस बेलै चौथाई देश दे राजा हेरोदेस राजा ने यीशु दी चर्चा सुनी! 2ते अपने सेवकें गी आखया, “ए यूहन्ना पवित्रशनांन देने आला ऐ, ओ मरे दां बिचा जिन्दा ओई गेदा ऐ, तां करी ओदे छा ए चमत्कार दे कम परकट ओदे न।”

यूहन्ना दा कत्तल

3किके हेरोदेस राजा ने अपने प्रा फिलिप्पुस दी करेआली हेरोदियास दे कारन यूहन्ना गी पकड़ीयै बनया ते जेल च सुट्टी दिता हा, 4किके यूहन्ना ने हेरोदेस राजा गी गलाया हा अपने प्रा दी करेआली गी रखना तेरे बासतै ठीक नेई ऐ। 5ते ओ उसी मारनां चांदा हा, पर लोकें कोलां डरदहा, किके लोक उसी पविखवक्तें मन्दे हे।

6पर जेसलै हेरोदेस राजा दा जन्म धयाडा आया, तां हेरोदियास दी कुड़ी ने जन्म देन दी खुशी बेच नचिये हेरोदेस गी खोश कित्ता। 7एसकरी ओसने कसम खाईयै वचन दिता, “जे केश तू मंगगी, आऊँ तुगी देगा।” 8ओ अपनी मां दे बगाने दे कारन बोली, “यूहन्ना पवित्रशनांन देने आले दा सिर थाली च पाईयै एथें गै मिगी मंगाई देयो।” 9राजा दुखी ओया, पर अपनी कसम दे, ते कन्ने बैठने आलें दे कारन, उक्म दिता के ओदा सिर आनीयै देई दिता जा। 10ते ओसने जेल खाणे च लोकें गी पेजीयै यूहन्ना दा सिर बड़ी दिता; 11ते ओदा सिर थाली च पाईयै लेयाई दिता गया ते कूडी गी देई दिता, ते ओ उसी अपनी मां दे कोल लेई गेई। 12ते ओसदे चेलें आईयै यूहन्ना दी लाश गी लेईयै दब्बी दिता, ते जाईयै यीशु गी खबर दिती।

पंज जार लोकें गी रुट्टी खलाना

13जेसलै यीशु ने ए खबर सुनी, तां किशती उपर चढ़ीयै उत्थें दी कुसे सनसांन जगै गी ईक्ला गै चली गीया। ते लोग ऐ सुनीयै शैरां-शैरां चा पैदल गै ओदे पिछें आई गै। 14ओसने निकलियै एक बड़ी पीड दिखी ते उनै लोकें उपर तरस खादा, ते उंदेचा बमारें गी चंगा कित्ता।

15जेसलै शाम दा बेला ओया तां ओदे चेलें ओदे कोल आईयै आखया, “ए तां सनसान थहार ऐ ते चेर ओया करदा ऐ; लोकें गी विदा कित्ता जा के ओ गरांयें च जाईयै अपने आसतै रुट्टी खरीदी लैंन।” 16यीशु ने उंदे कन्ने आखया, “उंदा जाना जरुरी नेईयैं! तोस गै उनेंगी केश खाणे बासतै दियो।” 17उनै उसी आखया, “इत्थैं साड़े कोल पंज रुट्टीयाँ ते दो मछीयें गी शुड़ीयै ओर केश नेईयैं।” 18ओसने आखया, “उनेंगी मेरे कोल लेई आओ।” 19ओस बेलै ओनें लोकें गी काह उपर बठाने लेई आखया, ते उनै पंज रुटीयें गी ते दो मछीयें गी लेता; ते सोर्ग आले पासेगी दिखियै शुकर कित्ता ते रुट्टीयाँ पन्नी-पन्नीयै चेलें गी दितीयां, ते चेलें लोकें गी बंढ़ीयां। 20ते सारे खाईयै रजी गै। ते चेलें बचे दे टुकड़े दियां परीयां बारां टोखरियां चुकियां। 21ते खाणे आलें जनांनीयें गी ते बच्चें गी शुड़ीयै, पांज जार मडदें दे लगपग ही।

पानीयें उपर यीशु दा चलना

22ते पी ओनें तौलै गै अपने चेलें गी किशती उपर चाडीयै मजबूर कित्ता के मेरे थमां पैलैं पार चली जाओ, तैलूं तकर ओ लोकें गी विदा करै। 23ओ लोकें गी विदा करियै, प्रार्थना करने गी बखरे पाड़ उपर चढ़ी गीया, ते शामी तकर ओ उत्थें इकला हा। 24ओस बेलै किशती चील दे बिच लैरें कन्ने गोते खा करदी ही, किके अवा अगुंयां दी गै ही। 25ते यीशु रात दे चौथे पैर चील उपर चलदे उंदे कोल आया। 26जेलै चेलें उसी चील उपर चलदे दिखिया ते ओ कबराई गै। ते आखना लगे, “ए भूत ऐ! ते डर दे मारे कल्लाना लगे। 27यीशु ने फोरन उंदे कन्ने गल्लां कित्तियां ते आखया, जिगरा रखो! आऊँ यां नेई डरयो!” 28पतरस ने उसी जबाब दिता, “ऐ प्रभु जे तू गै ऐं, तां मिकी अपने कोल पानी उपर चलीयै औने दा उक्म दे।” 29ओसने आखया “आई जा! ओस बेलै पतरस किशती उपरा उतरीयै यीशु दे कोल जाने लेई पानी उपर चलना लगया। 30पर पतरस पानी दी लैरें गी दिखियै डरी गीया, ते जेसलै डूबना लगया तां करलाईयै आखन लगया, ए प्रभु, मिकी बचाई लै!” 31यीशु ने फोरन अथ्थ बदाईयै उसी पकड़ीयै उपर खिची लेता ते उसी आखया, “ए कट विश्वास करने आले, तो कि शक कित्ता?” 32जेसलै ओ किशती च बेई गै, तां तफान एकदम थमोई गीया। 33एस बारदात गी दिखियै सारें चेलें यीशु दे अगें मत्था टेकियै आखया, “सचें गै तुं, परमेसर दा पुत्तर ऐं।”

यीशु थमां गन्नेसरत बेच लग-लग बमारें दी चंगाई

34जेसलै ओ किशतीयें चा उतरीयै चील दे कंडै गन्नेसरत नां दे शैर च पूजे। 35ते उत्थें दे लोकें उसी पनछांनीयें लागे-दुआगे दे लाकें च आखी पेज्या, ते ओ लोग सारें बमारें गी ओदे कोल लेई आए, 36ते ओदे अगें अर्ज करना लगे के ओ उनै बमारें गी अपने कपडें दी चुक गी गै छूना दियै; ते जिनैं बी उसी छूता, ओ सारे चंगे ओई गै।

Voafantina amin'izao fotoana izao:

मत्ती 14: DOG

Asongadina

Hizara

Dika mitovy