रोमियो 15
15
दुज्जेयां री तरक्की करा
1अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये। 2अहां चते हर इक अपणे साथी विश्वासियां रे खातर सैई करना चाहिन्दा सै जे ठीक आ, सै जे तिस्सो खुश करगा कने तिसरे विश्वासा जो मजबूत करगा।
3येत्थी तक भई मसीहे बी खुद अप्पूँजो खुश नीं कित्या था, पर तियां जे भई मसीह रे बारे च पवित्रशास्त्र बोलां, “तेरी बेज्जति करने औल़े लोकें तेरी नीं पर मेरी बेज्जति कित्ती।” 4हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।
5धीरज कने हौंसला देणे औल़ा परमेशर तुहांजो ये बरदान देओ, ताकि तुहें अप्पूँ चियें इक मन हुईने रौ, तियां जे मसीह यीशुये रा तुहें अनुशरण करी राँये। 6ताकि तुहें सारे इक मन कने इक्की अवाज़ा च परमेशर अहांरे प्रभु यीशु मसीह रे पिता री जय-जयकार करो।
सबनीं रे खातर खुशखबरी
7इस खातर परमेशरा री महिमा खातर तुहें बी तियां इ इक्की दुज्जे जो ग्रहण करा, तियां जे मसीह तुहांजो ग्रहण कित्तिरा।
8इस खातर हऊँ तुहां लोकां जो दस्सां भई सै वायदा जे परमेशरे अहांरे पूर्वजां सौगी कित्तिरा था, तिसजो पूरा करने रे खातर मसीह खतना कित्तिरे लोकां रा सेवक बणया; तिसते जे सै ये दस्सी सक्को भई परमेशर विश्वासयोग्य। 9ताकि अन्यजातियां रे लोक बी परमेशरा जो तिसरिया दया खातर महिमा देई सक्को; तियां जे पवित्रशास्त्रा च लिखिरा,
“इस खातर हऊँ अन्यजातियां रे लोकां बिच तेरा धन्यवाद करगा,
कने तेरे नौआं रे भजन गांगा।”
10कने पवित्रशास्त्र ये बी बोलां, “अन्यजातियां रे सारे लोको,
परमेशरा रे चुणीरे लोकां सौगी खुश रौआ।”
11फेरी पवित्रशास्त्र ये बी बोलां,
“अन्यजातियां रे सारे लोको,
तुहें प्रभुये रा गुणगान करा, कने लग-लग प्रदेशा रे सारे लोको,
तिसरा गुणगान करा।”
12कने फेरी यशायाह भविष्यवक्ता बी बोलां,
“यिशै रा इक वंश परगट हूणा,
तिस अन्यजातियां रे लोकां पर राज करना,
तिस पर अन्यजातियां रे लोकां आशा रखणी।”
13सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।
हौंसले ने लिखणे री बजह
14मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।
15पर तुहांजो भीं ते याद कराणे खातर मैं किछ विषयां पर बड़े हौंसले ने लिखया। ये तिस अनुग्रह ने हुया सै जे परमेशरे मिन्जो दित्तिरा, 16ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।
17इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ। 18काँह्भई हऊँ सिर्फ तिन्हां गल्लां जोई बोलणे री हिम्मत करी सक्कां सै जे मसीहे अन्यजातियां बिच परमेशरा जो मनणे खातर मेरे जरिये कित्या। सै तिने वचन कने कर्मा रे जरिये, 19कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।
20पर मेरे मना च सदा ये इच्छा रैई भई हऊँ यीशु मसीह रिया खुशखबरिया रा प्रचार तिसा जगह करूँ, तित्थी जे कोई मसीह रा नौं तक नीं जाणदा हो; हऊँ तिस माहणुये साई नीं बणना चाहन्दा सै जे किसी दुज्जे माहणुये रिया नीऊआं पर घर बणाँ। 21पर हऊँ सै करना चाँह तियां जे पवित्रशास्त्रा च लिखिरा,
“तिन्हांजो जे तिसरे बारे च कदीं नीं दस्सीरा, सै तिसजो देखगे
कने तिन्हेंजे तिसरे बारे च सुणीरा तक निआं, सै समझगे।”
रोम यात्रा री पौलुसा री योजना
22मेरे ये फर्ज मिन्जो तुहांले औणे ते बार-बार रोकदे रै। 23पर हुण इन्हां इलाकयां च कोई जगह नीं बचीरी, कने कईयां बरसां ते हऊँ तुहांजो मिलणे री इच्छा करदा रैया।
24इस खातर ताहली जे हऊँ स्पेन देशा जो जांगा, तां मेरी ये आशा इ भई हऊँ तुहांजो जरूर मिलगा कने तुहां सौगी किछ दिन रुकणे रा नन्द लेणे ते बाद हऊँ चाँह भई तुहें सपेन जाणे च मेरी मदद करी सक्को। 25पर हुण त हऊँ परमेशरा रे पवित्र लोकां री सेवा करने खातर यरूशलेम जाई कराँ। 26काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या। 27हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।
28इस खातर हऊँ पैहले यरूशलेम जाईने ये सारा काम्म निपटांगा सै जे तिन्हांरे खातर कट्ठा कित्तिरा ये चन्दा सम्भाल़ी ने तिन्हांरे हत्था च देई औआं, फेरी हऊँ तुहांरे नगरा चियें औन्दा हुआ स्पेन जो चली जान्गा। 29कने हऊँ जाणाँ भई ताहली जे मांह तुहांले औणा, तां मसीह रियां पूरियां आशीषा तुहांजो बंडणियाँ।
30मेरे साथी विश्वासियो, यीशु मसीह सै जे अहांरा प्रभु आ कने पवित्र आत्मा रे प्यारा रे जरिये हऊँ तुहांजो विनती कराँ भई मेरे खातर परमेशरा ते प्राथना करने च मेरे सौगी जुड़ी जावा। 31प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ; 32भई परमेशरा रिया इच्छा रे मुतावक हऊँ खुशिया ने तुहांले आईने तुहां सौगी आराम पाऊँ।
33शान्ति देणे औल़ा परमेशर तुहां सौगी रौ। आमीन।
Voafantina amin'izao fotoana izao:
रोमियो 15: KFSNT
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.
रोमियो 15
15
दुज्जेयां री तरक्की करा
1अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये। 2अहां चते हर इक अपणे साथी विश्वासियां रे खातर सैई करना चाहिन्दा सै जे ठीक आ, सै जे तिस्सो खुश करगा कने तिसरे विश्वासा जो मजबूत करगा।
3येत्थी तक भई मसीहे बी खुद अप्पूँजो खुश नीं कित्या था, पर तियां जे भई मसीह रे बारे च पवित्रशास्त्र बोलां, “तेरी बेज्जति करने औल़े लोकें तेरी नीं पर मेरी बेज्जति कित्ती।” 4हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।
5धीरज कने हौंसला देणे औल़ा परमेशर तुहांजो ये बरदान देओ, ताकि तुहें अप्पूँ चियें इक मन हुईने रौ, तियां जे मसीह यीशुये रा तुहें अनुशरण करी राँये। 6ताकि तुहें सारे इक मन कने इक्की अवाज़ा च परमेशर अहांरे प्रभु यीशु मसीह रे पिता री जय-जयकार करो।
सबनीं रे खातर खुशखबरी
7इस खातर परमेशरा री महिमा खातर तुहें बी तियां इ इक्की दुज्जे जो ग्रहण करा, तियां जे मसीह तुहांजो ग्रहण कित्तिरा।
8इस खातर हऊँ तुहां लोकां जो दस्सां भई सै वायदा जे परमेशरे अहांरे पूर्वजां सौगी कित्तिरा था, तिसजो पूरा करने रे खातर मसीह खतना कित्तिरे लोकां रा सेवक बणया; तिसते जे सै ये दस्सी सक्को भई परमेशर विश्वासयोग्य। 9ताकि अन्यजातियां रे लोक बी परमेशरा जो तिसरिया दया खातर महिमा देई सक्को; तियां जे पवित्रशास्त्रा च लिखिरा,
“इस खातर हऊँ अन्यजातियां रे लोकां बिच तेरा धन्यवाद करगा,
कने तेरे नौआं रे भजन गांगा।”
10कने पवित्रशास्त्र ये बी बोलां, “अन्यजातियां रे सारे लोको,
परमेशरा रे चुणीरे लोकां सौगी खुश रौआ।”
11फेरी पवित्रशास्त्र ये बी बोलां,
“अन्यजातियां रे सारे लोको,
तुहें प्रभुये रा गुणगान करा, कने लग-लग प्रदेशा रे सारे लोको,
तिसरा गुणगान करा।”
12कने फेरी यशायाह भविष्यवक्ता बी बोलां,
“यिशै रा इक वंश परगट हूणा,
तिस अन्यजातियां रे लोकां पर राज करना,
तिस पर अन्यजातियां रे लोकां आशा रखणी।”
13सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।
हौंसले ने लिखणे री बजह
14मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।
15पर तुहांजो भीं ते याद कराणे खातर मैं किछ विषयां पर बड़े हौंसले ने लिखया। ये तिस अनुग्रह ने हुया सै जे परमेशरे मिन्जो दित्तिरा, 16ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।
17इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ। 18काँह्भई हऊँ सिर्फ तिन्हां गल्लां जोई बोलणे री हिम्मत करी सक्कां सै जे मसीहे अन्यजातियां बिच परमेशरा जो मनणे खातर मेरे जरिये कित्या। सै तिने वचन कने कर्मा रे जरिये, 19कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।
20पर मेरे मना च सदा ये इच्छा रैई भई हऊँ यीशु मसीह रिया खुशखबरिया रा प्रचार तिसा जगह करूँ, तित्थी जे कोई मसीह रा नौं तक नीं जाणदा हो; हऊँ तिस माहणुये साई नीं बणना चाहन्दा सै जे किसी दुज्जे माहणुये रिया नीऊआं पर घर बणाँ। 21पर हऊँ सै करना चाँह तियां जे पवित्रशास्त्रा च लिखिरा,
“तिन्हांजो जे तिसरे बारे च कदीं नीं दस्सीरा, सै तिसजो देखगे
कने तिन्हेंजे तिसरे बारे च सुणीरा तक निआं, सै समझगे।”
रोम यात्रा री पौलुसा री योजना
22मेरे ये फर्ज मिन्जो तुहांले औणे ते बार-बार रोकदे रै। 23पर हुण इन्हां इलाकयां च कोई जगह नीं बचीरी, कने कईयां बरसां ते हऊँ तुहांजो मिलणे री इच्छा करदा रैया।
24इस खातर ताहली जे हऊँ स्पेन देशा जो जांगा, तां मेरी ये आशा इ भई हऊँ तुहांजो जरूर मिलगा कने तुहां सौगी किछ दिन रुकणे रा नन्द लेणे ते बाद हऊँ चाँह भई तुहें सपेन जाणे च मेरी मदद करी सक्को। 25पर हुण त हऊँ परमेशरा रे पवित्र लोकां री सेवा करने खातर यरूशलेम जाई कराँ। 26काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या। 27हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।
28इस खातर हऊँ पैहले यरूशलेम जाईने ये सारा काम्म निपटांगा सै जे तिन्हांरे खातर कट्ठा कित्तिरा ये चन्दा सम्भाल़ी ने तिन्हांरे हत्था च देई औआं, फेरी हऊँ तुहांरे नगरा चियें औन्दा हुआ स्पेन जो चली जान्गा। 29कने हऊँ जाणाँ भई ताहली जे मांह तुहांले औणा, तां मसीह रियां पूरियां आशीषा तुहांजो बंडणियाँ।
30मेरे साथी विश्वासियो, यीशु मसीह सै जे अहांरा प्रभु आ कने पवित्र आत्मा रे प्यारा रे जरिये हऊँ तुहांजो विनती कराँ भई मेरे खातर परमेशरा ते प्राथना करने च मेरे सौगी जुड़ी जावा। 31प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ; 32भई परमेशरा रिया इच्छा रे मुतावक हऊँ खुशिया ने तुहांले आईने तुहां सौगी आराम पाऊँ।
33शान्ति देणे औल़ा परमेशर तुहां सौगी रौ। आमीन।
Voafantina amin'izao fotoana izao:
:
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.