रोमियो 14
14
अपणे भाईये पर दोष मता लगान्दे
1तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा। 2काँह्भई कोई विश्वास कराँ भई सै सब किछ खाई सक्कां, पर तिसरा विश्वास जे कमजोर आ सै माहणु सिर्फ साग-पत्ते इ खां।
3कने सै जे हर किस्मा रा खाणा खां, तिस्सो सै माहणु घटिया नीं समझणा चाहिन्दा सै जे किछ चिज़ां नीं खान्दा, तिस्सो सिर्फ साग शब्जी खाणे औल़ा बी सब किछ खाणे औल़े जो बुरा नीं बोल्लो; काँह्भई परमेशरे दुईं जो ग्रहण कित्तिरा। 4तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।
5तिस इ तरिके ने, कोई त इक्की दिना जो दुज्जे दिना ते बधीने मन्नां, कने दुज्जा तिस्सो सारयां दिनां रे बराबर मन्नां। तां हरेक माहणुये जो यकीन करना चाहिन्दा भई जो किछ सै सोच्चां सै ठीक आ। 6सै जे किसी खास दिना जो मन्नां सै तिस्सो प्रभुये जो आदर देणे खातर इ मन्नां। कने सै जे सब किछ खां, सै बी प्रभुये जो आदर देणे खातर इ खां, काँह्भई सै तिस खाणे रे खातर प्रभुये रा धन्यवाद कराँ। कने सै जे नीं खान्दा, सै बी येढ़ा इस खातर कराँ, काँह्भई सै बी प्रभुये जोई आदर देणा चाँह, काँह्भई सै बी परमेशरा जोई धन्यवाद देआं।
7अहां चते कोई बी नांत अपणे खातर जीआं, कने नां अपणे खातर मराँ। 8जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ। 9काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।
10तू अपणे विश्वासी भाईये पर कजो दोष लगां? या तू अपणे विश्वासी भाईये जो घटिया कजो मन्नां? काँह्भई अहां सारयां जो परमेशरा रे न्याय रे संघासणा रे अग्गे खड़ने पौणा। 11तियां जे पवित्रशास्त्रा च लिखिरा,
“प्रभुये गलाया, हऊँ खुद तुहांजो वायदा कराँ,
भई हर इक घुटना मेरे सामणे झुकणा, कने हर इक जुबाना परमेशरा रा अंगीकार करना।”
12इस खातर अहां चते हर इक्की जो परमेशरा रे अग्गे अपणा लेखा-जोखा देणे पौणा।
अपणे भाईये रे उजड़ने रा कारण मता बणदे
13इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।
14हुण प्रभु यीशुये मिन्जो ज्ञान कने विश्वास दित्तिरा भई कोई बी खाणा अपणे अप्पूँ ते अपवित्र नींआ, पर जे सै सिर्फ तिसरे खातर अपवित्र इ, सै जे तिस्सो अपवित्र मन्नां। 15जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।
16इस खातर सै जे तेरे खातर ठीक आ तिसरे बारे च दुज्यां जो निंध्या करने नीं दे। 17काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।
18सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें। 19इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।
20खाणे रे खातर परमेशरा रे कम्मां जो नीं बगाड़ा। हरेक किस्मा रा खाणा पवित्र आ, पर तिस माहणुये रे खातर बुरा, ताहली जे तिसरा खाणा दुज्जे माहणुये ते पाप करवां।
21भला त येआ भई तू नांत मांस खाओ, नांत दाखरस पीओ, कने नां होर किछ बी येढ़ा करना ठीक आ, तिसते जे तेरा साथी विश्वासी पाप करो।
22इस बारे च जो किछ तेरा विश्वास आ, तिस्सो अपणे मना च कने परमेशरा रे सामणे रख। जे इक माहणु ये नीं बोलां भई मैं गल़त कित्या, ताहली जे सै हकीकत च सोच्चां भई सै ठीक आ, तां सच्चीजो सै खुश आ। 23पर सै जे बैहम करीने खां सै सजा रे लायक आ, काँह्भई सै विश्वासा ने नीं खान्दा; कने सै सारा किछ सै जे विश्वासा पर नीं टिकिरा, सै पाप आ।
Voafantina amin'izao fotoana izao:
रोमियो 14: KFSNT
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.
रोमियो 14
14
अपणे भाईये पर दोष मता लगान्दे
1तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा। 2काँह्भई कोई विश्वास कराँ भई सै सब किछ खाई सक्कां, पर तिसरा विश्वास जे कमजोर आ सै माहणु सिर्फ साग-पत्ते इ खां।
3कने सै जे हर किस्मा रा खाणा खां, तिस्सो सै माहणु घटिया नीं समझणा चाहिन्दा सै जे किछ चिज़ां नीं खान्दा, तिस्सो सिर्फ साग शब्जी खाणे औल़ा बी सब किछ खाणे औल़े जो बुरा नीं बोल्लो; काँह्भई परमेशरे दुईं जो ग्रहण कित्तिरा। 4तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।
5तिस इ तरिके ने, कोई त इक्की दिना जो दुज्जे दिना ते बधीने मन्नां, कने दुज्जा तिस्सो सारयां दिनां रे बराबर मन्नां। तां हरेक माहणुये जो यकीन करना चाहिन्दा भई जो किछ सै सोच्चां सै ठीक आ। 6सै जे किसी खास दिना जो मन्नां सै तिस्सो प्रभुये जो आदर देणे खातर इ मन्नां। कने सै जे सब किछ खां, सै बी प्रभुये जो आदर देणे खातर इ खां, काँह्भई सै तिस खाणे रे खातर प्रभुये रा धन्यवाद कराँ। कने सै जे नीं खान्दा, सै बी येढ़ा इस खातर कराँ, काँह्भई सै बी प्रभुये जोई आदर देणा चाँह, काँह्भई सै बी परमेशरा जोई धन्यवाद देआं।
7अहां चते कोई बी नांत अपणे खातर जीआं, कने नां अपणे खातर मराँ। 8जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ। 9काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।
10तू अपणे विश्वासी भाईये पर कजो दोष लगां? या तू अपणे विश्वासी भाईये जो घटिया कजो मन्नां? काँह्भई अहां सारयां जो परमेशरा रे न्याय रे संघासणा रे अग्गे खड़ने पौणा। 11तियां जे पवित्रशास्त्रा च लिखिरा,
“प्रभुये गलाया, हऊँ खुद तुहांजो वायदा कराँ,
भई हर इक घुटना मेरे सामणे झुकणा, कने हर इक जुबाना परमेशरा रा अंगीकार करना।”
12इस खातर अहां चते हर इक्की जो परमेशरा रे अग्गे अपणा लेखा-जोखा देणे पौणा।
अपणे भाईये रे उजड़ने रा कारण मता बणदे
13इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।
14हुण प्रभु यीशुये मिन्जो ज्ञान कने विश्वास दित्तिरा भई कोई बी खाणा अपणे अप्पूँ ते अपवित्र नींआ, पर जे सै सिर्फ तिसरे खातर अपवित्र इ, सै जे तिस्सो अपवित्र मन्नां। 15जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।
16इस खातर सै जे तेरे खातर ठीक आ तिसरे बारे च दुज्यां जो निंध्या करने नीं दे। 17काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।
18सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें। 19इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।
20खाणे रे खातर परमेशरा रे कम्मां जो नीं बगाड़ा। हरेक किस्मा रा खाणा पवित्र आ, पर तिस माहणुये रे खातर बुरा, ताहली जे तिसरा खाणा दुज्जे माहणुये ते पाप करवां।
21भला त येआ भई तू नांत मांस खाओ, नांत दाखरस पीओ, कने नां होर किछ बी येढ़ा करना ठीक आ, तिसते जे तेरा साथी विश्वासी पाप करो।
22इस बारे च जो किछ तेरा विश्वास आ, तिस्सो अपणे मना च कने परमेशरा रे सामणे रख। जे इक माहणु ये नीं बोलां भई मैं गल़त कित्या, ताहली जे सै हकीकत च सोच्चां भई सै ठीक आ, तां सच्चीजो सै खुश आ। 23पर सै जे बैहम करीने खां सै सजा रे लायक आ, काँह्भई सै विश्वासा ने नीं खान्दा; कने सै सारा किछ सै जे विश्वासा पर नीं टिकिरा, सै पाप आ।
Voafantina amin'izao fotoana izao:
:
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.