Salmos 93
93
Itꞌéni Díos mé ti Rey tꞌe̱to̱an
1Itꞌéni Díos mé ti Rey imá tꞌe̱to̱an.
Mé tsíkꞌinkáya chꞌan ika tjáki̱ni,
la imá chónta chꞌan kjuachaxin.
Díos mé kꞌue̱to̱an kꞌóna chjasintajni
la kohya nkexro sinchekꞌitjáña tíha.
2Itꞌéni Díos, mé jaha kuéto̱an ti xránkíxixín
kixin jaha la ó xráxín itjen.
3Itꞌéni Díos,
ti nda̱río la sítóvéntó la ko ti ìnta̱ la síchriká noi.
4Kjánchó jaha, Itꞌéni Díos, itjen nkaya nka̱jní
la imá chonta kjuachaxin,
a̱ndá ti ìnta̱ la kanhñó,
kjónté imá sítójie̱he ti nda̱ñao.
5Jaha Díos,
ti nkehe tsíkéto̱an la chaxín ndoá.
Náxrjón itjen nkaxehen ti ndo̱a
kixin nkochríxín tso̱kohya ninkehó ijie̱ ntiha.
Voafantina amin'izao fotoana izao:
Salmos 93: poeNTplus
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.