Salmos 63
63
Tjeyáni Díos
Salmo kuènté David
1Jaha Díos kuènténi,
xritjeyáni ti jaha.
Éxi ìnta̱ tꞌenxíni mé xi̱kaha ticháxi̱nhini ti jaha,
kixin ti a̱séni la éxi ijnko nonte xámá kohya ìnta̱,
xi̱kaha itjeni.
2Tjinkaoni chrókꞌuíkoni ti jaha nkaxehen ti ni̱nko kuèntá
kixin chrókꞌuíkoni ti kjuachaxin tétua̱nxián.
3A̱ntsí sínkí ti tjue̱hé chojni ke ti kjuachón.
Méxra̱ ti irꞌuani mé tsotjáxiani kjuasáya.
4Mé xi̱kaha tsotjáhani kjuasáya ti na̱xa̱ tjechóni ntihi chjasintajni,
la kjuachaxíen ihni̱á tsja̱ya̱ni itjani kixin tsjikosáyeheni ti jaha.
5Chrókóchéhe̱ni
éxi chrókjonieni ijnko nkehe imá náxrjón,
mé xi̱kaha chrókóchéhe̱ni kixin ti irꞌuani chrótjáaxiani kjuasáya.
6A̱ndá ti ó sítie jeheni tjetsínkani tjeto̱kꞌéheni
la xraxinkaoni ti jaha.
7Chéhe̱ni kixin itjeni chrínkí ti itsꞌuan kuèntá
kixin jaha mé tjínki̱tsani.
8Ti itjen jaha mé chjinaxón itjen ti a̱séni
kixin ti itjá chjina tꞌayakuénxiani.
9A̱ndá ti sin tjinkaon chrókꞌóñá ti jeheni
mé tsꞌánótje̱ñá sin ijnko tòye̱ imá ni̱nka,
la tsꞌitjáña sin.
10Tsꞌenxín sin ti chika espada
la ti konda̱níxra tꞌenxín kjinta sinie va ti jehe sin.
11A̱ndá ti rey tso̱chéhe̱ kixin
tinkáchónki Díos.
Kaín ti sin tꞌákje̱xi̱n ihni̱é Díos la tsotsje sin,
tsjikosáyehe sin chꞌan.
A̱ndá irꞌua ti sin nixja kjuachꞌia mé tsꞌikjehe̱,
la í xitjahya tsonixja sin.
Voafantina amin'izao fotoana izao:
Salmos 63: poeNTplus
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.