Salmos 43
43
Chrónòa chꞌan kixin sincheñao Díos ti jehe chꞌan
1Jaha Díos, nchekito̱exián ti ijie̱ chóntani la tjínki̱tsani.
Takítsjekjanxiáni ti siín ti chojni tjenka̱yáxin
nkehe jínahña la ko chꞌia,
2kixin jaha mé ti Díos tꞌayakohen ti jeheni.
¿Nkekuènté kui̱to̱héni?
¿Nkekuènté nóaxi̱n chrókjuákꞌeni
kixin siín ti chojni nínkaon?
3Tsjánjua ti xrohi kuèntá
la ko ti itan ndoá kuèntá
kixin tíha tsꞌinkaséñaxín ti nti̱a sátsjini
kixin jína tsjijini ti ijna̱ tjóá itjen jaha.
4Ndá tsꞌixeheni ti itjen ti altar kuèntá, Itꞌéni Díos,
la ntiha tsotsjeni la ko tsjikosáyaxiáni isón arpa,
kixin jaha mé Díos kuènténi,
jaha mé tjánjua kjuachéhe̱.
5¿Nkekuènté chrókꞌóxrjé a̱séni?
La, ¿nkekuènté chrókóxakoheni?
Jeheni tjechóheni kixin Díos tsjinki̱tsa ti jeheni
la jehó chꞌan tsjikosáyeheni.
Díos mé ti nkexro tsaáxini la ko Díos kuènténi.
Voafantina amin'izao fotoana izao:
Salmos 43: poeNTplus
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.