Salmos 15
15
Nkexrín tsjakꞌeni ti itjen Díos
Salmo kuènté David
1Itꞌéni Díos, ¿xá nkexro chrókjuacha chrókjuákꞌe ti ni̱nkuá?
¿Xá nkexro chrókjuákꞌe ti ijna̱ tjóá kuèntá?
2Kjá jehó ti nkexro chóntahya ninkehó ijie̱,
la ko ti nkexro nchexiteyá ti nkehe jína
la ko ti nkexro kaín a̱sén nixja ti nkehe chaxín;
3ti nkexro xrikohya kjuachꞌia,
ti nkexro tjajo̱nkohya ti nkexro chóxin,
la tꞌándaxíe̱nhña ti nkexro tjejó chjinaxón ndo̱e,
4la ti nkexro tóxríe̱nhña ti chojni nduáhya ichꞌe,
la chóntehe sin kjuasàya ti sin tinkáchónki Itꞌéni Díos,
la ko nchexiteyá sin ti nkehe tsíndáchro sin,
la kjónté sinchekꞌitjáña sin nkojín nkehe la ándo̱sén sin.
5Ti nkexro nchekjen chojni chichaon
la tjanchahya kixin chrókjuachataón ti chichaon;
la ko tjinkakonhña tsákja chichaon ndá sincheníhi ijnko nkexro jína.
Ti nkexro jína nchexiteyá la nkochríxín tsjakꞌe jína.
Voafantina amin'izao fotoana izao:
Salmos 15: poeNTplus
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.