Nomery INDRAY MIJERY
INDRAY MIJERY
Ny votoatin’ny Boky
Ny hoe Nomery dia midika hoe Isa, ary izany dia noho ireo fanisana roa lehibe natao tao amin’ny Zanak’Israely. Ny anarany ao amin’ny Baiboly hebreo dia hoe Tany an-tany efitra, ary izany indray dia tandrify ny boky manontolo, izay mitantara ny 40 taona tany an-tany efitra.
Ny Boky dia mitantara ny dian’ny Zanak’Israely ho any Kanana, niainga avy tao Sinay, mandra-pahatongany any Moaba, eo ampitan’i Jordana. Izany fotoana izany anefa dia nahitan’ny Israely fisedrana maro noho ny ditrany sy ny fisalasalany ny amin’ny fitondran’Andriamanitra. Matetika dia nikomy tamin’ireo mpitondra izy, ary tamin’Andriamanitra koa aza. Noho ny tsy finoany dia nirenireny 40 taona tany an-tany efitra izy. Nisy fanisana talohan’ny 40 taona, ary nisy iray hafa taorianan’izany ka ireo taranaka voaisa tamin’ny fanisana faharoa no ho tafiditra any Kanana. Na dia tao aza ny ditran’ny Israely, Andriamanitra dia nanatanteraka ny fikasany tamin’ireo taranaka vaovao ireo.
Ny firafitry ny Boky
Ao Sinay: Fanomanana ny dia sy fanisana: 1.1–10.10
An-dalana ho any Moaba: 10.11–21.9
Ny fandraisana ny tany any andafin’i Jordana: 21.10–36.13
Voafantina amin'izao fotoana izao:
Nomery INDRAY MIJERY: MRV
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011