हाङ् काङा रक्मा मिःछुॽमा याॽमि आनाबि टामा स खॆन्चाङानि। मसॆ आनॆ नुबकॆ टेःॽन लोबिटिङ्ना हाङ्ग काम् योम्पक् मुखुबा याॽमि नुबक्। मान्ठाभनॆ काङा सङ्क काबाङ् टुङ्घङ्पामि ढुप्पाट्ट खुक्माबि पेन्खुबा याॽमिङा, काम् खुक्माबि सङ्क टिलिङ्गाचि चुःक्मि। कॆ एक्क ‘खारॆ’ लोकुङ् आक्क खॆ, हाङ् होइक ‘टाऎ’ लोकुङ्, हाङ् आक्क टाः। काम् योम्पक् मुखुबा याॽमिचि ‘गर लॆटानॆ’ लोकुङ्चि, हाङ् आक्खाचिऎ लॆकुचि।”
येसुऎ ग खानावाँ खेमु हाङ् आक्खॆटु हाङ् ऎम्पका हाङ् खो डॆङ्डॆङ् टिङ्खुबाचि लोसुचि, “कॆ आन्ना लोकानि, गरक्मा ढ्या निवाँयुङ् लॆखुबा याॽमि ग कॆ इस्राएलिचिबि सङ्क मॆखाङ्टक्टिॽङा।”