Andinin-tSoratra Masina malaza indrindra nalaina tao amin'ny Klei Yap 14

Hizara

Knŏng đăm bi kdơ̆ng hŏng Yêhôwa ôh; leh anăn đăm huĭ ôh kơ mnuih ƀuôn sang hlăm ala čar anăn, kyuadah diñu jing mnơ̆ng ƀơ̆ng huă kơ drei; arăng mă hĕ leh klei mgang mơ̆ng diñu, leh anăn Yêhôwa dôk mbĭt hŏng drei; đăm huĭ kơ diñu ôh.”

‘Yêhôwa amâo djăl ăl ôh, leh anăn mdrŏng hŏng klei khăp sĭt suôr, pap brei klei wê leh anăn klei gao klei bhiăn, ƀiădah hơăi Ñu amâo yap kpă ôh pô soh leh, leh anăn bi lĕ klei wê phung ama kơ phung anak tơl truh ti ênuk tal tlâo leh anăn tal pă.’

Tơdah Yêhôwa mơak hŏng drei, Ñu srăng atăt drei mŭt hlăm ala čar anăn leh anăn brei gơ̆ kơ drei, sa boh ala čar mâo mnơ̆ng ƀơ̆ng huă mnăm êbeh dlai.

Ƀiădah dĭng buăl Kâo Y-Kalep, kyuadah Ñu mâo klei mĭn mdê leh anăn tui hlue Kâo hŏng jih ai tiê, Kâo srăng atăt ñu mŭt hlăm čar ñu nao leh, leh anăn phung anak čô ñu srăng mă bha čar anăn.

Lač bĕ kơ diñu, ‘Yêhôwa lač, Kyua Kâo dôk hdĭp, ya klei diih blŭ leh kơ knga Kâo, Kâo srăng ngă kơ diih

Leh anăn Yêhôwa lač kơ Y-Môis, “Dŭm boh sui phung ƀuôn sang anei srăng bi êmut kơ Kâo? Leh anăn dŭm boh sui diñu amâo srăng đăo kơ Kâo ôh, wăt tơdah jih jang klei bi knăl Kâo ngă leh ti krah diñu dưn?

Jih jang phung ƀuôn sang Israel blŭ dŭñ dŭñ bi kdơ̆ng hŏng Y-Môis leh anăn Y-Arôn. Jih jang phung bi kƀĭn lač kơ diñu, “Jăk hĭn hmei djiê hĕ leh hlăm čar Êjip! Amâodah jăk hĭn hmei djiê hĕ leh hlăm kdrăn tač anei.

Leh anăn đơ phung nao ksiêm dlăng leh ala čar, Y-Yôsuê anak êkei Y-Nun leh anăn Y-Kalep anak êkei Y-Jêphunê, hiêk čhiăm ao diñu pô, leh anăn lač kơ jih jang phung ƀuôn sang Israel bi kƀĭn, “Ala čar hmei hiu čiăng ksiêm dlăng jing sa boh ala čar jăk snăk sơưn.

Ƀiădah sĭt nik, kyua Kâo dôk hdĭp, leh anăn jih lăn ala srăng bŏ hŏng klei guh kơang Yêhôwa, amâo mâo sa čô hlăm phung ƀuh leh klei guh kơang Kâo leh anăn klei bi knăl Kâo ngă leh hlăm čar Êjip leh anăn hlăm kdrăn tač, ƀiădah ăt lông dlăng leh Kâo pluh blư̆ anei leh anăn amâo dôk hmư̆ asăp Kâo ôh, srăng ƀuh čar Kâo kat asei leh čiăng brei kơ phung aê diñu; leh anăn amâo mâo sa čô ôh hlăm phung bi êmut leh kơ Kâo srăng ƀuh čar anăn.