Andinin-tSoratra Masina malaza indrindra nalaina tao amin'ny 5. Mosi 6

Hizara

Lohvet da HAH eiyah Gott mitt eiyah gans hatz, mitt eiyah gansi sayl un mitt awl eiyah grefta.

Diah sellet si goot lanna zu eiyah kinnah, un sellet shvetza veyyich si vann diah in eiyah haus hokket, vann diah uf em vayk lawfet, vann diah eich anna layyet un vann diah uf shtaynd.

Dee vadda es ich eich gebb heit sellet diah in eiyah hatza nemma.

Heichet ab, oh Israel, da HAH unsah Gott is da aynsisht HAH.

Diah sellet si uf eiyah hand un shtann binna fa en zaycha, so es diah si nett fagesset.

Diah sellet si uf di poshta funn eiyah haus un di deahra shreiva.

Diah sellet da HAH eiyah Gott firchta, een deena un bei sei nohma shveahra.

Vann da HAH eiyah Gott eich in's land bringd es eah kshvoahra hott zu eiyah foah-feddah, da Abraham, da Isaac un da Jakob fa's zu eich gevva—en land mitt grohsi un shayni shtett es diah nett gebaut hend, heisah foll goodi sacha es diah nett nei gedu hend, brunna es diah nett gegrawva hend, vei-goahra un ayl-goahra es diah nett geblanst hend—no vann diah esset un satt sind, gevvet acht es diah da HAH nett fagesset, deah es eich aus em land funn Egypta gebrocht hott, aus em haus funn gnechtheit.

Nau dess sinn di gebodda, di ksetza un di adnunga es da HAH eiyah Gott mich gebodda hott fa eich lanna, so es diah si haldet im land es diah nei gaynd fa's ivvah-nemma, un so es diah, eiyah kinnah, un iahra kinnah da HAH eiyah Gott firchtet so lang es diah layvet, bei awl sei gebodda un adninga halda es ich eich gebb, un so es diah en lang layva havva kennet.

Diah sellet du vass recht un goot is im HAH sei awwa, so es es goot gayt fa eich un diah nei gay kennet un's land ivvah-nemma es da HAH kshvoahra hott fa zu eiyah foah-feddah gevva.

fa da HAH eiyah Gott es unnich eich is, is en jealousah Gott, un sei zann zayld brenna geyyich eich un zayld eich gans vekk butza funn di eaht.

Diah sellet kenn anri gettah noch gay; sell is, di abgettah funn di leit um eich rumm

Diah sellet da HAH eiyah Gott nett fasucha vi diah een fasucht hend an Massa.