Populāri Bībeles panti no An Roma 3

Koowe̱ ko̱tko̱. Koowe̱ ka̱la̱nka̱ ta̱ma̱, a zatta k'gwin baa Na'Sil da. Sila le̱gk la na k'la̱g d'wa̱a̱ rema̱n to̱veca̱n na kumin m'ho̱s rem Ka̱risti Ye̱so.

I a̱n bata̱m d'ba̱t baa Ye̱so Ka̱risti a̱n Sila ta vaaksta na neta̱n an zattin ri d'reb da. Rema̱n Sila za ta ka̱a̱ka̱nsi neta̱n da.

Sila comka Ye̱so u soot rin sakun o̱mma̱n ko̱tc neta̱n rema̱n hiba̱m ru. An batin d'ba̱t baa ru, Sila ta kwisi na̱ c'ko̱to. Sila em-em taanl a kwesata az a el ta em c'rihi honhono. A'Sil i kan gaga̱m c'de̱b aa battin ko̱tca̱n na emin de̱ha̱nzo. I rema̱n emma̱n kwisid ne, a̱n Sila kwesatain ga̱uma̱n gedma̱n lalk na̱ a̱n daava̱ hna. I bat ta soot a m'ga̱u, an ta le̱g ta̱m koowe̱ a̱n batin d'ba̱t baa Ye̱so.

Rema̱n taanlo, Sila a ta o̱m noc ai i kan gela̱v na̱ rema̱n gabma̱n giiras Mosa da. Rema̱n i giira a̱n de̱lin na napt c'ko̱to.

I taanl i retin a'ge̱n a̱n lalks Na'Sila̱. Sa̱ zeka, “Noc za kan gela̱v Na'Sil da. A̱n na kum noc da. Noc za un ke̱e̱se̱in da. Noc za un rein ta̱m a̱n hob Na'Sil da. Na̱nna kwe̱, a batk le̱vk Na'Sila̱. A vaakk la kwe̱ rin ka̱ka̱la̱. Noc za ta̱m un reina̱n emma̱n rihic kasi da. A̱n na kum noc da.

Rema̱n taanlo, noc tu kum le̱ga̱d Na'Sil waz u batk d'ba̱t baa Na'Sila̱, za baan gabma̱n giira da.

Sila bita̱! Ai to̱n na ze az koowe̱ i ka c'ko̱lo̱, A'Sil i ka m'ga̱u. I ho̱da̱na̱n i retin a'ge̱n a̱n lalks Na'Sila̱. Sa̱ zeka, “I a̱n lalks rov a̱n nan le̱gt vo. I a̱n sa̱nsa ta̱m a̱n ta̱'v rutt hid rov baan gedma̱n lalko.”