Populāri Bībeles panti no Ehokora 6

Dalīties

Na kengire no ku mona kakambe kokukwayuka. Oyu wa pahamine po dithzina dyenthzi nedi Kufa, karo Ndau Thzafu thza mu shupwerire munyima. A piwire okoro peuru thzo thsipinthzi thso muthsine thso kaye, kwipaa ko mwere, ndombo, ekora nekondwama yo mu kaye.

Na kengire, ngou na monine kakambe kokakenu. Oyu wa pahamine po wa kwatererire ota o mandamba. Wa piwire mushukwe, ayepo thza eci mukwakuothza ku ka othza.

Dinguana ou a ramuturire thsiramatera thso muthsitanu, na monine kushi thzo katara myoyo thzowa a paiwire mukaci ko diywi dya Nyambi nombangi wo o shemwa.

A kuererire ko diywi dyodikuru ci: “Fumu Shokoro Ouhe, shokenu noshemwa, kenge ya kwikara thsikati thso kukuma kupi ci o rature no ku pa humbithso anu o kaye mukaci konyinga wetu?” Ngou a piwire munu no munu thsikoveyo thsothsikenu. Karo a amberiwire ci a turumwithse thsikati thsothsire ko, shime ku ka kuma apa thza ku kwanena taro thzaenthzo apika Nyambi awa kwipaiwa eci awo.

Ngou kwa punine kakambe kamweya kokakihu pyu eci mudiro. Oyu wa pahaminepo wa piwire okoro o ku tundithsa thsiyaro mu kaye ci anu a cipaapae. Ngou a piwire mwere oukuru.

Inene diyuwa dyoshokuru dyoanthzi wo di na kumu, edye nga o wimanena?”

Na kengire karo, ngou na monine Dinguana o ku ramutura thsiramatera thso muthsitanu na thsofoci. Kwekarire kungangama ko kaye kokukuru, no diyuwa dyeraurire eci thsito thsothsiru, karo ngonda thza kihire eci onyinga. Matungwethzi a kurumukire ku wiru ku wera mu kaye eci ñuyu ethzi thzi shime ku kora, ethzi thzi kurumuka kukuyu ou u nyungiwa ku mupepo.

Dinguana ngou a ramuturire thsiramatera thso muthsihatu, na yuvire thsumbiwa thsothsiyumi thso muthsihatu o ku thsi amba ci: “O keye!” Ngou na kengire amepo ni mona kakambe kokeru. Oyu wa pahaminepo wa kwatererire thsipimithso mu dyoko dyenthzi. Na yuvire ethsi thsa vumine eci diywi edi dya tundererire ku yumbiwa ine yoiyumi ku amba ci: “Kiro thzofoci thzo vuroto thzaa uriwa ko madi o ku kwamena diyuwa dyofoci, makiro ahatu o mahangu aa uriwa ko madi o kukwamena diyuwa dyofoci. Uno honi wepithsa maathzi o muywera no waine.”

Diwiru dya pwire eci thsifundo thso ku fundiwa, mikinya thzothzihe no maongo oahe a tutururiwire mu mandau ayo. Ngou mafumu o kaye, akwakutumina naendithsi o mamvo, afumanyi, owakoro, apika nakwakurukuruka a ka cihorekire mu mahorongo no mu mawe o mu mikinya.